KRISTABIIRI ZEMMO YƐLƐ
De A JW.ORG Munpiilee Zie Na Tonɔ Neŋ Toma A Naaŋ Moɔloo Poɔŋ
Te wɛbsait na munpiilee zie na maŋ taaɛ yelzuri ane vidiori mine noba naŋ ba e Jehoova Sieree Deme naŋ boɔrɔ. (Tm 13:48) Gbɛɛ yaga, ba maŋ de la yelzuri mine ba naŋ moɔlɔ a yɛlɛ duorisaamma poɔŋ, ane yelzuri na noba naŋ teɛrɛ a yɛlɛ, a kyɛ yele a yɛlɛ meŋ eŋ a zie ŋaŋ.
Sobuo hoŋ na baŋ tu kyɛ de a jw.org munpiilee zie na tonɔ neŋ toma a naaŋ moɔloo poɔŋ?
Maŋ gɛrɛ a wɛbsait wagre zaa. Maŋ kaa zie na ba naŋ sɛge eŋ ka bomma naŋ be be zie na. Teɛre nyɛ lɛ hoŋ na baŋ de a boma ŋa soŋ neɛ kaŋa. Ka hooŋ maŋ kanna yɛlɛ naŋ be a wɛbsait zuŋ, a na soŋ boŋ ka ho nyɛ soe yaga hoŋ na baŋ tu kyɛ moɔle a duorisoŋ ko noba.
De a yelzuri ane a vidiori naŋ be a wɛbsait munpiilee zie na piili neŋ dama diibu. A yelzuri ŋa na baŋ soŋ teŋ ka te baŋ yɛlɛ noba naŋ be te gbandige poɔŋ naŋ teɛrɛ.
De a wɛbsait munpiilee zie na wulo noba a naaŋ moɔloo poɔŋ. Manne yelzuri mine naŋ bebe ko o soba, a kyɛ wuluu lɛ oŋ na baŋ bɔ yelzuri o naŋ boɔrɔ.
Ho na baŋ de la a link toɔle ko o soba. Noba mine ba maŋ boɔrɔ ka te wa ba zie ka te ne ba di dama, kyɛ ba maŋ boɔrɔŋ ka ba gaa te wɛbsait na. Azuŋ, ka hooŋ boɔrɔ, ho na baŋ de la a link naŋ na de o soba gaaneŋ a wɛbsait munpiilee zie na, kyɛbee yelzu kaŋa, bee vidio kaŋa naŋ bebe a toɔle ko o soba.