BAABOLE POƆ YELNIMIZEERE

Naaŋmen Yelmeŋɛ Nɔmmo Na Maŋ Go Teŋ Yi Setaana Zirii Na Eŋɛŋ

Setaana boɔrɔŋ ka noba teɛre ka Jehoova la maŋ vɛŋ ka yelfaare erɛ (Jb 8:4)

O boɔrɔŋ ka te teɛre ka Jehoova yɛlɛ kyebe ka teneeŋ taa sagediibu o eŋɛŋ, kyɛbee ka teneeŋ ba taa sagediibu o eŋɛŋ (Jb 9:20-22; mwbr23.09 11 wɛl. 1)

Jehoova yelmeŋɛ nɔmmo na maŋ go teŋ yi Setaana zirii na eŋɛŋ, a kyɛ lɛ soŋ te teŋ moɔ̃ niŋe a dire yelmennoŋ koroo (Jb 10:12; Ym 32:7, 10; mwbr23.09 11 wɛl. 2)

Te yɔɔpɔge kaŋa la teɛrɛ a kyɛ sɛgrɛ maaloo na zaa o naŋ nyɛ na binne. Fotobilii naŋ bebe na wulee kultaa deme mine naŋ da boma a wa koroo, kaŋ meŋ wulee o yɔɔpɔge kaŋa naŋ nyɔgoo mare o eŋɛŋ a Lammozieŋ, a foto kaŋa meŋ wulee te yɔɔpɔge na naŋ zeŋ kaara JW Broadcasting.

E ŊAAŊ NYƐ: Ka hooŋ boɔrɔ ka ho nyɛ faŋa saŋa na hoŋ wa tuoro yelkpeɛne, kaa bɔ soe na Jehoova naŋ maŋ tuuro a kyɛ wulo bo yelmeŋɛ nɔmmo, sɛge a yɛlɛ biŋ, a maŋ kannaa wagre zaa.