Noba Yaga Teɛrɛɛŋ Ka Ba Eɛ Ba Yoŋ​—Yɛlɛ A Baabole Naŋ Yeli Kyaare A Yɛlɛ Ŋa

Yɛlɛ mine ba naŋ peɛrea yi a donɛɛ lombori zaa wuleeŋ ka, a yi noba banaare zaa poɔŋ, ba poɔ bonyeni maŋ teɛreŋ ka o eɛ o yoŋ.

• “Yuomo zaa neɛ naŋ nyɛ, zie zaa o soba naŋ be, a na baŋ waŋ ka o soba ba taa zɔmenne, a lɛ tage o meŋɛ meŋ yi noba poɔŋ.”​—Chido Mpemba, cochair of the World Health Organization’s Commission on Social Connection.

Noba mine maŋ teɛreŋ ka noba yuomo naŋ gaa nimitɔɔre, kyɛbee noba naŋ wɛle ba menne yoŋ la maŋ teɛre ka ba eɛ ba yoŋ. Kyɛ lɛ naane ka a yɛlɛ waa. Noba naŋ e baapaalba, a taa laafeeloŋ naŋ soma, ka ba yɛlɛ nyɛrɛ nimitɔɔre gaabo, ane noba naŋ kpɛ kultaa poɔ meŋ maŋ teɛreŋ ka ba eɛ ba yoŋ. Ka neɛŋ tagra o meŋɛ yire noba poɔŋ, a maŋ boɔrɔ ka o e o yoŋ, a na baŋ vɛŋeŋ ka o soba ba taa laafeeloŋ naŋ soma, a lɛ ko o soba meŋ sukyiri gyɛre.

• Dr. Vivek Murthy, naŋ e U.S. surgeon general yeleeŋ ka: “Ka neɛŋ e o yoŋ, a ba maŋ vɛŋ ka o soba poɔ sãã yoŋ. Kyɛ ka neɛŋ tage o meŋɛ yi noba poɔŋ a na baŋ vɛŋeŋ ka o soba kɔŋ o nyɔvore. Te na baŋ de la o soba manne neŋ neɛ naŋ maŋ nyu sigaare 15 bebiri zaa.”

Yɛlɛ a Baabole naŋ yeli

A ba e Naaŋmen boɔbo ka te maŋ tagra te menne yire te taaba zieŋ. A eɛ Naaŋmen poboɔbo ka nensaaleba nyɔge zɔmennoŋ naŋ soma, a eŋnɛ taa faŋa meŋ.

• Baabole kawane: Ka “Naaŋmen yelka: “A ba soma ka a dɔɔ naŋ kyɛnɛ bebe a e o yoŋ lɛ.’”​—Munpiilee 2:18.

Naaŋmen boɔrɔŋ ka te ne o nyɔge zɔmennoŋ naŋ e kpeɛŋaa. Naaŋmen eŋɛɛ noɔre ka, ka teneeŋ moɔ te moɔbo zaa a tagra peɛloo, o meŋ na tage peɛle teŋ.​—Gyimisi 4:8.

• Baabole kawane: “Noba naŋ baŋ ka ba boɔrɛɛ Naaŋmen sowuli taaɛ popeɛloŋ, bonso ba naŋ so a sazu Naaloŋ na.”​—Matio 5:3.

Naaŋmen boɔrɔŋ ka te maŋ laŋna neŋ te taaba a puoruu. Ka teneeŋ wa erɛ lɛ, a maŋ vɛŋeŋ teŋ taa sukyirimaaroŋ.

• Baabole kawane: “Yɛ e ka te maŋ teɛrɛ taa yɛlɛ, ka lɛ vɛŋ ka te maŋ wulo taa nɔmmo ane tonveɛle, te ta wa zagra ka te maŋ laŋna taa, . . . kyɛ yɛ vɛŋ ka te eŋnɛ taa faŋa.”​—Hiburu 10:24, 25.

Ka hooŋ boɔrɔ ka ho nyɛ yɛlɛ naŋ na baŋ soŋ bo ka hooŋ wa teɛre ka ho eɛ ho yoŋ, kanne a yelzu ŋa, “Loneliness in a World of Mass Connection.” (Noba Yaga Teɛrɛɛŋ Ka Ba Eɛ Ba Yoŋ Aneazaa Ka Ba Baŋɛɛ Noba Yaga.)