Teŋgbigre Kpɛŋ Kaŋa Sãã La Saammo Yaga Turkey Ane Syria Paaloŋ​—Wala Ka A Baabole Yeli Kyaare A Yɛlɛ Ŋa?

Atɛnɛɛ Daare, February 6, 2023, teŋɛ da gbigreeŋ Turkey ane Syria paaloŋ a sãã saammo yaga zaa.

• “A teŋgbigre kpɛŋ ŋa ko la noba naŋ pare 3,700, a yi Turkey paaloŋ a te ta Syria samun-gɔɔ sɛŋ. Atɛnɛɛ Daare ka a teŋgbigre ŋa da e. A teŋɛ da gbigreeŋ saŋa na ɔɔre naŋ da erɛ yaga zaa, lɛ vɛŋɛɛŋ ka yɛlɛ e kpeɛŋaa ko noba naŋ pere na ane noba naŋ kɔŋ ba deri na. A ɔɔre lɛ vɛŋɛɛŋ aŋ e kpeɛŋaa ka ba bɔ a nyɛ noba naŋ ba kɔŋ ba nyɔvoɛ kyɛ ka a deri le vɔgle ba na.”​—Reuters, February 6, 2023.

Ka teneeŋ wa kanne a duoro ŋa taa, nembao maŋ kpɛ teŋ yaga. A yi a yɛlɛ ama taa poɔŋ, te na baŋ gaa la Jehoova zie a te bɔ sommo, bonso ona la a “mooreteroo zaa Naaŋmen.” (2 Korinti 1:3) Naaŋmen maŋ ko teŋ ‘sukyiridii naŋ yire a Sɛgre poɔŋ ka lɛ na vɛŋ ka te taa teɛretɔroo.’​—Urom 15:4.

A Baabole soŋ teŋ teŋ baŋ:

• Bon nanso teŋgbigre naŋ erɛ.

• Zie teŋ na baŋ nyɛ sukyiridii ane teɛretɔroo.

• Lɛ Naaŋmen naŋ na iri dɔgɛɛ zaa bare.

Ka hooŋ boɔrɔ ka ho baŋ lɛ a Baabole naŋ yeli kyaare a yɛlɛ ŋa, kanne a yelzuri ŋa:

• “Teŋgbigre Bɛrɛ​—Wala Ka A Baabole Daŋyeli Kyaare A Yɛlɛ Ŋa?”

• “Yeŋ Hoŋ Na Baŋ Nyɛ Teɛretɔroo?”

• “A Koŋ Kɔɔre Naaŋmen Na Vɛmeŋ Ka Dɔgɛɛ Zaa Baare”