Meken 8

Kola Kötrene La Ka Ihumuth

KOLA canga ahlë Maria hnei Iosefa matre troa qaja koi nyidro la ketre ithuemacanyi ka tru. Kolo hi a ase mama la angela i Iehova koi nyidrë, nge hna qaja ka hape: “Cilejë, xomejë la medimada me teifenie i anganyidë; nge köte fë jë Aigupito eë, me lapa e cili uti hë e tro ni a thue macanyi ’ö; ke tro Heroda a thele la medimada troa humuthi anganyidë.”

Haawe, angatre asë ala köni a nyimenyime ju troa kötre qaa lai. Nge drei hi lai ijin, ke, atre hë Heroda laka, hna iaö nyidrë hnene la itre magoi, nge paatre hë angatre ngöne la nöj. Ame lo hna amekötine ke, tro hmaca angatre a bëeke troa thuemacanyi Heroda e öhnyi Iesu hë hnei angatr. Atraqatre la elëhni Heroda. Celë hi matre, thenge la trenge ajane i nyidrë troa apaatrenyi Iesu, nyidrëti a iupi troa humuthe asë la nöjei nekönatre trahmany, qaane la ka lue macatrene uti hë la medreng, e Betheleema memine la nöjei hnalapa gaa easeny. Nyidrë a ami ifegone la itre macatre cili, thenge lo ithuemacanyi hna hamëne hnene la itre magoi ka traqa qaa kohië.

Thatreine kö troa qaja la etrune la itre nekönatre trahmanyi hna humuth! Kola thöne la itre qëhnelö hnene la itre soce i Heroda, nge angatre a trongëne la nöjei uma asë. Nge ame la angatre a öhne la ketre nekönatr, angatre a thepe nyëne qaathei thine i nyën. Thatre kö së la etrune la nekönatre hnei angatre hna humuth, caasi hi, kola eatre la hna perofetane ngöne la Tusi Hmitrötre hnei Ieremia, perofeta i Akötresie, laka, troa treije latresi la itre thin.

Ngöne la ijine cili, kola traqa hnyawa hnei Iosefa memine la hnepe lapa, ngöne la nöje hnei angatre hna troa mele ngön, ene e Aigupito. Ngo ngöne la ketre jidr, kola mama hmaca koi Iosefa ngöne la pu, hnene la angela i Iehova, nge kola qaja ka hape: “Cilejë, xomejë la medimada me teifenie i anganyidë, nge trojë kowe la nöje Isaraela; ke meci hë lo angete thele troa humuthe la medimada.” Celë hi matre, bëeke hmaca jë hi angatre kowe la nöje i angatr, tune lo hna perofetane ekö hnei Tusi Hmitrötr, laka, troa hëne hmaca la Hupuna i Akötresie qaa Aigupito.

Eje hi laka, Iosefa a ajane troa acili uma e Betheleema e Iuda, ene lo traone hnei nyidrë hna mele ngön, qëmekene troa kötre a tro Aigupito. Ngo drenge hë nyidrë laka, ase hë acile troa joxu e Iuda la atr ka ngazo ene Arekelao, nekö i Heroda, haawe, ngöne la ketre pu, hnei nyidrë hna kapa la ketre ithuemacanyi qaathei Iehova, göi troa neëne wanga traqa pi la ketre ewekë ka jol. Celë hi matre, tro ju pena Iosefa me lapa i nyidrë, kowe la götrane ailopi, me lapa ngöne la traone ne Nazareta e Galilaia. E cili hi la götrane hnei Iesu hna troa tru ngön, a nanyi hë qa ngöne la nöje gaa catre melëne la itre pengöne hmi angetre Iuda. Mataio 2:13-23; Ieremia 31:15; Hosea 11:1.

▪ Pine laka, thaa bëeke ju kö la itre magoi koi Heroda, nemene la ewekë ka ngazo catre hnei nyidrë hna kuca? Ngo hna tune kaa matre mele ju pe kö Iesu?

▪ Pine nemene matre, thaa lapa huti kö Iosefa e Bethelema thupene lo kola bëeke qaa Aigupito?

▪ Nemene la itre hna perofetane hnei Tusi Hmitrötre ka eatre ngöne la ijine cili?