Nemene La Nyine Tro Sa Kuca Matre Troa Amadrinë Akötresie?

Thipetrije pi la itre ewekë ka ngazo. 1 Korinito 6:9, 10

Maine easa hnimi Iehova, haawe, the tro pi kö sa kuca la itre ewekë hnei Nyidrëti hna methinën.

Thaa aja i Iehova kö tro sa atrekënö, me iji menu la kahaitr, maine ufi dorog pena.

Methi Akötresie la atr ka ihumuth me thi upune, me qene sodroma. Thaa Nyidrëti kö a ajane tro sa meciu ewekë, maine isi pena memine la itre xaa atr.

The tro pi kö sa thili kowe la itre idrola, maine kuci iöni pena.

Ame elanyi ngöne la Paradraiso e celë fen, pë hmaca fe kö göhnene la nöjei atr asë ka kuca la itre ewekë ka ngazo.

Kuca jë la ewekë ka loi. Mataio 7:12

Maine easa ajane troa amadrinë Akötresie, haawe, nyipi ewekë tro sa thele troa nyitipu Nyidrë.

Ame la aqane tro sa hnime la itre atr, tre, ene la tro sa ham me thiina ka menyike koi angatr.

Loi e tro pala hi sa nyipici.

Qeje Iehova jë memine la itre jë i Nyidrë kowe la itre atr.—Isaia 43:10.

Loi e tro sa ihnimi ipitö me nue la ngazo ne la itre atr.