Hetre Angela i Epuni Kö?

Öni Iesu: “Wange kö, the methinëne kö la kete ka co celë [itretre drei Keriso] ; ke ini a qaja koi nyipunie, laka ame la ite angela i angat’ e hnengödrai a goeëne pala hi la qëmeke i Kakati e hnengödrai.” (Mataio 18:10) Tha Iesu kö a qaja e celë ka hape, hetre isa angela së. Kolo pe a qaja ka hape, tru la ihnimi ne la itre angela kowe la itre atrene la ekalesia, angatr isa ala cas. Celë hi matre, tha tro kö la itre nyipi keresiano a elo memine la mele i angatr, me mekun laka, tro la itre angela i angatr a xatua angatr. Tha hnei Tusi Hmitrötre kö hna qaja ka hape, hetre isa angela së.

Hapeu, kolo kö lai a qaja ka hape, tha itre angela kö a xatuane la itre atr? Ohea. (Salamo 91:11) Alanyimu la itre ka mejiune ka hape, Akötresie a upe la itre angela troa thupë angatr me eatrongë angatr. Kenneth, lo hne së hna ce ithanatane hë, la ketre e angatr. Maine jë, nyipici angeic. Hnene la Itretre Anyipici Iehova hna öhne palahi la huliwa ne la itre angela ngöne la hna cainöje trootro. Ngo, pine laka tha ka mama kö la itre angela, haawe, thatreine kö së troa qaja hnyawa la aqane me ijine Akötresie a xatuane la itre atr jëne la itre angela. Ame la nyine tro pe sa kuca tre, ene la troa olene kowe la Trene Men la ixatua i Nyidrë.—Kolose 3:15; Iakobo 1:17, 18.