Nemene Thina Hnei Epuni Hna Amaman?
1 Hnei Paulo hna nyipune la tusi nyidrë kowe la ekalesia ne Filipi hnene la ithuecatre celë: “Loi e eje thei nyipunie asëjëihë la ihnimi gufa ne la Joxu Iesu Keriso.” (Fil. 4:23) Hnei nyidrëti hna olene koi angatre la aqane nyipiewekëne angatre la huliwa ne cainöje trootro ne la maca ka loi, memine fe la aqane keukawahnine la aqane huliwa i angatr, tru la ihnimi kowe la itre trejine me angatr.—Fil. 1:3-5; 4:15, 16.
2 Tro fe a eje the së la aja troa amamane la thina cili e kuhu hnine la ekalesia. E tro së a catr, me thina ka menyik, me hnimi trenyiwa, ke, itre thina lai ka troa amamai së kowe la itre ka goeë së. Ame la mekune ka loi hna ithuenyiköne me ihnim, ke, ka troa hamëne la caasi, me ka aijijë së troa kökötre ngöne la ua. (1 Kor. 1:10) Ngo, e eje the së la itre aqane mekune ka ngazo, ke, tro ej’a akötrëne la hni së matre nanazij.—Hna ama. 3:15, 16.
3 Tro la itre qatre thup a amamai tulu: Qane la itre qatre thup troa nyihnene palahi nyipi angatr, me hnine la ekalesia la aqane mekune ka loi. Pine nemen? Pine laka tro la aqane mekune i angatr, me thina i angatr’a nyitulu kowe la ekalesia. Tru la madrine së kowe la itre qatre thupe ka catre ngöne la huliwa ne cainöje trootro, ketre mina fe ka keukawa palahi la aqane kepe së hnei angatr, nge menyike la aqane ithahnata, ame la itre eamo hna hamëne koi së isa alacasi maine qa ngöne la ita ne cainöj, ke, nyine thuecatre së, me ini koi së.—Heb. 13:7.
4 Nyipici, isa hetre hnëqa së matre eje e hnine la ekalesia la nyisinee, me hnimi trenyiwa, me catr, me thina ne la ua. Loi e eje fe ngöne la imelekeu së la ihnimi me keukawa. (1 Kor. 16:14) Nge, tha loi kö e troa iananyi së, pine laka isa xötre së kö, maine isa hane kö la ikupeine së, maine tha ceitune kö la inamacane së, maine tro pena isa së hnei mo. (Goeëne ju la Efeso 2:21.) Tro la mejiune së a hamëne koi së la madrin, me ihnimi trenyiwa, me catre ngöne la huliwa ne cainöje trootro.—Rom. 12:13; Kol. 3:22, 23.
5 Tro la itre atr ka traqa troa ce hmi me easë, memine fe lo itre ka hnyipi hetre aja kowe la nyipici a drenge ka hape hetrenyi e nyipine la lapa ka ca hae la thina ka ijiji akötresie, memine la nyipi ihnim. Jëne la huliwa ne cainöje trootro, memine la itre thina ne la itre keresiano ka sheming, kola anyipicine laka ame la ekalesia, ke, celëhi “kapane memine la juëne la nyipici.” (1 Tim. 3:15) Ka lapa loinöje fe së ngöne la ua jëne la “tingetinge ka sisitia qa thei Akötesie” ka thupëne la itre hni, me itre mekune së. (Fil. 4:6, 7) Epi eje the së la ajane troa amamane la thina ka ijije troa kapa la ihnimi gufa i Akötresie jëne Iesu Keriso.—2 Tim. 4:22.