Thele Jë La Aqane Troa Kuca Matre Tro La Itre Atr a Drei Epuni Hnyawa?
1 Ngöne la nöje e Filipi, “hnei Joxu hna fepi la hni ne la kete föe, Lidia la ëjen, ate itö mano ka maea ngön, . . . troa qatixenyëne la nöjei ewekë hnei Paulo hna qaja.” (Ite Huliwa 16:14) Nemene la tulu nyine tro së a xome qa ngöne lai? Hna thuejëne la itre atr troa atre la nyipici hnene la hne së hna drenge hnyawa. Maine easë a ajane troa öhnyi thangane la hne së hna cainöjëne la maca ne la Baselaia, ke, nyipi ewekë tro la atr a hetre aja troa drei së. Eje hi laka, maine hne së hna drenge hnyawa, ke, tro ha tha jole koi së troa qaja la maca hne së hna troa trofë. Ngo eje hi laka tha ewekë ka hmaloi kö la troa kuca matre tro la ketre atr a drei së. Nemene la nyine tro së a kuca?
2 Qëmekene troa cainöje trootro, ke, loi e tro së a pane wange hnyawa la aqane heetre së me aqane ele ihe, memine la itre ewekë hne së hna ajane kowe la huliwa ne cainöje së. Pine nemene? Hna öhne thene la itre atr laka angaatr a ajane troa drenge la ketre atr ka hetrenyi la metrötr. Hapeu, qahmime me loi kö la aqane heetre së? Ngacama kola wangahmaloëne nge ngazo la aqane heetre ne la itre atr ngöne la fene hnengödrai enehila, ngo tro së a neëne la aqane ujë cili, pine laka itretre nyihlue i Iehova së ka tro fë la maca ne la Baselaia i Nyidrë. Maine tro së a nyidrawa së, me heetre me ele ihe hnyawa, ke, tro lai a jele loi ne la maca ne Baselaia hne së hna cainöjën.
3 Loi e Troa Nyimanyima Me Metrötr: Ngacama ngazo la itre aqane ujë enehila, ngo ame pe, alanyimu la itre atr ka wangatrune pala kö la Tusi Hmitrötr, matre angatre a kapa hnyawa troa ithahnatane ngöne la metrötre memine la madrine la aliene la Tusi Hmitrötr. Tro la iqëmeke së ka hnyimahnyima a amenyikene la hni ne lai atr, me nyi jë i angeice troa porotrike hnyawa. Tro la itre götrane ka loi the së, nge ka traqa qa kuhu hni së a mama ngöne la aqane cainöje së, me aqane ujë së, memine fe la aqane drenge hnyawa së la itre mekune hna qaja hnene lai atr.
4 Ame la aja së, ke, ene la troa cainöjëne la mejiune la Tusi Hmitrötre kowe la itre xaa atr. Maine hne së hna lapa mekune lai, ke, loi e tro ha xeci koi së laka ka hetre aliene la hne së hna ithahnata, ngo tha kolo kö a troa isi ithahnata, maine pena troa thele troa hun. Tha tro kö a aluzi traeme e mama koi së ka hape ka pi icilekeu la atr. (2 Tim. 2:23-25) Atreine së troa iëne la ketre aqane tro fë ka ijije nge nyine ithuecatre qa hnine la Huliwa ne Baselaia, maine la itus Comment raisonner. Eje hi laka, nyipi ewekë koi së troa hnëkëne hnyawa itre eje matre keukawa hnine la itre ithahnata së, nge tha tro kö a hetre luelue.—1 Pet. 3:15.
5 Thupene la xötrei iöhny, ke, ala xalaithe hi la itre atr ka mekune hnyawa hmaca lo itre hne së hna ithnatane hë. Ngo, eje hi laka tha tro jë kö angatre a thëthëhmine la aqane ithahnata. Tha tro pi kö së a wangacone la mene la thiina ka loi, memine la thiina ka menyik. Nyipici laka, nyimutre catre hnei atr hna aceitunëne me mamoe ngöne la teritoare së, ka troa pi drenge la nyipici tui Lidia, lo föe ka mele ngöne lo hneijine i Iesu. Maine hne së thupëne hnyawa la aqane heetre me aqane ele i he së, memine la aqane troa cainöj, ke, tro lai a xatuane la itre ka hni ka menyik troa drenge la Wesiula i Akötresie, me kapa hnyawa ej.—Mareko 4:20.