Hnëkë Jë Kowe La Huliwa Ne Zonal e Eiperem

Tune la hna qaja amamane ngöne la Calendrier 1996, ke, troa atrune la pui ne xeni ne la joxu e drai 2 eiperem ngöne la macatre celë. Tro la ewekë celë a ketre ijine ka tru lai ka troa xatuane la itre trejine troa catre trofë trongëne la itre zonale e treu eiperem. Drei la ketre ijine ka ijije ka sisitria troa huliwane la itre zonal! Kola qaja atrune hnene La Tour de Garde ne 1 eiperem la ithuemacanyi kowe la nöjei atr ngöne lo ijine kovasio ne distrik hnapan, kola hape, “Atrune jë la Joxu epine palua!” Hna sisedrëne la cainöje ka ketre pengön, lo ka ase hë hnene La Tour de Garde ne 15 eiperem, ame lai taane, ke hna hape, “Easenyi catre la pune la hmi ka thoi.” Ame la cainöje ka ketre pengöne hna hnëkëne thatraqane la macatre celë ngöne la drai 21 eiperem, ke, hna hape “Troa lapa pë engazone qëmekene la xötre ka qaliqali,” nge tro ej a thuecatre së kowe la huliwa ne cainöj. Easë a troa tro fë la Réveillez-vous! ne 22 eiperem, hna nyi taane ka hape “Eu la ijine troa pë isi.”

Tune la huliwa hna kuca göne lo Itre Ithuemacanyi ne la Baselaia lo treu eiperem ka ase hë, haawe, tro fe a ketre hane tune kowe la treu eipereme celë göi troa trofë trongëne la itre zonal. Enehila hi la ijine troa hnëkë. Alanyimu la itre ka ajane troa xome la huliwa ne pionie ka ixatua. Loi e troa ami ijine thatraqane la itre drai ne tro fë zonal, memine la ketre trejine ka hetre ijine troa hane cainöj​—e hmakany, e hnaipajö, maine e heji lapa pena. Epi tro asë hi së a a itre ka “kuca thenge la wesi ula.” Tune la hna perofetane ekö göne la Mesia ngöne Salamo 69:9, atreine së troa hane qaja ka hape, “Ase hë ulumi ni hnene la aja atraqate kowe la ēnē i cilie.”​—Iak. 1:22; Ioane 2:17.