Itre Hna Amekötiin

◼ Itusi nyine troa tro fë e treu Maac: Le secret du bonheur familial koi 150 F. Eiperem me Mei: boroshüre Nemene La Hnei Akötresieti Hna Thele The Së? koi 50 F. Troa tro fë la itre zonale La Tour de Garde me Réveillez-vous! matre troa abone la itre atr. Juun: La connaissance qui mène à la vie éternelle koi 150 F. Loi e troa hetrenyi la ajane thei epuni troa nyiqaane etide memine la itre atr.

◼ Loi e tro la atre thupe perezida maine ketre trejine pena hnei nyidrë hna iën, a goeëne la hna ithingë hnei ekalesia ngöne la treu Maaci drai 1, maine itre hnepe drai pena thupene lai. E ase hë kuca lai, thuemacane ju la ekalesia.

◼ Tro cile fë ngöne la itre ekalesia la cainöje ka ketre pengön, thatraqai Drai ne Amekunëne ne la macatre celë, e sabathi ne 6 eiperem. Ame la taan la cainöje ke, “Kötrene pi la itre iajojezi ne la fen.” Loi e tro asë hi së a sine la icasikeu cili, me hane xatuane fe lo itre atr ka traqa ha lo ijine atrune la Drai ne Amekunëne troa hane drenge la cainöj. Troa hetre thangane ka loi la hne së hna troa dreng, ngöne laka, kola troa ithuecatre koi së troa amadrinë Akötresie.

◼ Loi e troa goeëne la itre ixatua ka tru hna hamëne ngöne la itus Le plus grand homme de tous les temps, hna hamëne ngöne la götrane 1 ne la Huliwa ne Baselaia ne la treu semitrepa 1992, e maine kola ajane troa kepe thangane hnyawa la itre ini tus ne la ekalesia. Kola qaja hnene la hna cinyihane la aqane troa hnëkëne la nöjei mekene la itus, memine la aqane troa elemekene hnene la trejine la Ini Tusi ne la Ekalesia. Hetre thangane hna troa kapa hnene la itre ka troa xomiujine la ini tus, memine la itre ka sine la icasikeu, e angatre a wange hmaca la ithuemacanyi cili.

◼ Ngöne la itre nöj, hetrenyi la itre ijine mano hna majemine xome hnene la itre atr ngöne la macatre, maine kolo itre ijine feet maine itre xaa pengöne ju kö; celë hi matre, pëkö ini ne la itre nekönatr, nge pëkö huliwa i maseta. Itre ijine ka sisitria hi lai, troa akökötrene la huliwa së ngöne la hna cainöje trootro. Loi e tro la itre qatre thupe a canga hatrengëne la itre ijine cili, me canga thuemacane la ekalesia la itre hna amekötine hna hnëkëne thatraqane la itre ka troa cainöje ngöne la itre ijine mano cili.