Göi Itre Icasikeu Ne La Huliwa Ne Treu Maac
Koi 3 Maac Me Wiike Cili
Nyima 53
10 men: Itre ithuemacanyi koi së. Iëne jë la Itre Hna Amekötiin qa hnine la Huliwa ne Baselaia. Xatuane asë jë la itre trejine troa nyiqaane könëne la itre atr ka hetre hni ka ajane troa hane sine la Drai ne Amekunëne e Maac drai 23. Amamane jë la ketre pepa ne ihë göi Drai ne Amekunën, nge upe jë la itre trejine asë troa isa xomi pepane matre troa tro fë trongëne itre eje ngöne la wiike celë.
15 men: “Xupe Jë La Uma i’ö.” Troa ce ithahnatan. Qaja ju la itre xaa hna melëne hna hamëne ngöne la itus Annuaire 1995, götrane 228.
20 men: “Xatuane Jë La Itre Fami Troa Hane Kapa La Mele Ka Epine Palua.” (Paragarafe 1-5) Hamëne ju la itre xaa hnepe mekune qa hnine la paragarafe 1, nge thupene lai, ithahnatane jë la aqane troa akökötrene la aja kowe la itus Bonheur familial, jëne la itre taan, me itre iatr hna nyihan, nge wange hmaca ju fe la itre mekune hna eköhagen. Tro la lue trejine a iamacanyine la itre aqane nyiqaane ithahnata ngöne paragarafe 2-5. Xatuane asë jë la itre trejine troa catre tro fë la itus kowe la itre fami ka amamai ajane hë.
Nyima 71 me thithi ne nyipun.
Koi 10 Maac Me Wiike Cili
Nyima 56
10 men: Itre ithuemacanyi koi së. Troa cile fë la hna ithingë. Amekunëne asë jë fe la itre trejine la enyipiewekëne la troa xötrethenge lo porogarame ne e Tusi Hmitrötre thatraqai Drai ne Amekunën, e Maac drai 18-23, hna hamëne ngöne la sine boroshür Scrutons les Écritures chaque jour.
20 men: “Olene Pala Hi Nyipunie.” Troa ce ithahnatan. Loi e tro asë hi së a pane catre troa hëne la itre hna ini, me itre atre ka hni ka ajan, me itre atrene la fami ka ajan, me itre xaa trejine me easë föe me trahmanyi ka nanazije troa hane sine la Drai ne Amekunën. Tro la ketre trejine a kuca la ketre iamacany, ngöne la aqane troa könëne la itre atr troa hane sine la Drai ne Amekunën, jëne lo sine pepa nyine ihë thatraqane lai. Hamëne ju fe la itre xaa mekune qa hnine La Tour de Garde ne 1 julai 1988, götrane 11, paragarafe 16-17. Xatuane asë jë la itre trejine ka ijije troa pionie ka ixatua e treu eiperem me mei.
15 men: “Xatuane Jë La Itre Fami Troa Hane Kapa La Mele Ka Epine Palua.” (Paragarafe 6-8) Hamëne ju la itre xaa mekune ka amamane la aqane troa tro fë la itus Bonheur familial, ngöne la cainöje e nöjei ijine ngöne la hna huliwa ne cainöj, maine ngöne hna ini, me ngöne park, maine ngöne hnine kar, ketre tune mina fe ngöne la kola troa wange la itre sinee. Tro la ketre trejine a iamacanyine la itre aqane nyiqaane ithahnata ne la paragarafe 6 me 7. Tro la mekune hna troa porotrikëne ngöne la kola iwai hmaca, a xatuane la atr troa madrine la aqane troa acatrene la itre otrene la fami, hnene la hna inine la Tusi Hmitrötr. Loi e troa mekune hnyawa laka, kola nyiqaane la itre etidi ngöne la boroshüre Nemene La Hnei Akötresieti Hna Thele The Së?, matre nyine gojenyi kowe la itus Connaissance, maine pena nyiqaane mekötine jë la etidi hnene la itus Connaissance.
Nyima 72 me thithi ne nyipun.
Koi 17 Maac Me Wiike Cili
Nyima 63
15 men: Itre ithuemacanyi koi së. Wange hmaca ju la “Itre Nyine Amekunëne Göi Drai Ne Amekunën,” me itre hna amekötine ngöne la ekalesia thatraqane la ijine cili. Loi e tro fe a canga hnëkë matre troa xatuane la itre hna inin, memine la itre atr ka hni ka ajan, matre tro fe angatre a hane sine la icasikeu.
15 men: Itre Ihaji koi së. Maine cainöje hna troa kuca hnene la ketre qatre thupe ngöne la hna cinyihane “Nyipi ewekë kö koi epuni la troa qeje menu?” qa hnine La Tour de Garde ne 15 Semitrepa 1996 götrane 22-4.
15 men: Huliwane hnyawane jë la Annuaire 1997 des Témoins de Jéhovah. Tro la keme a ce wange memine la fami i nyidrë, la itre mekune ka tru ngöne la götrane 3-9. Qaja amamane jë la kepine matre, easë a madrine la aqane kökötrene la huliwa i Akötresie ngöne la fene hnengödrai asë. Tro la keme a qejepengöne la aqane troa e trongëne la Annuaire ngöne la macatre, laka, ijije hi troa xome la itre xaa hnepe menetre ngöne la nöjei ijine xen, tune lo aqane kuca göi topike ne la drai.
Nyima 75 me thithi ne nyipun.
Koi 24 Maac Me Wiike Cili
Nyima 67
9 men: Itre ithuemacanyi koi së. Qaja jë fe ka hape, ijine tro pala kö a saene troa pionie ka ixatua ngöne la treu Eiperem. Ithuemacanyine ju fe lo itre xaa hna hnëkëne ngöne la ekalesia, göne la itre icasikeu ne huliwa ne cainöje ngöne la treu.
24 mn : “Catre Pi Së Troa Iwai Hmaca.” (Paragarafe 1-20). Troa ce ithahnatan. Troa kuca la ketre iamacanyi ka thaa qea kö, ngöne la paragarafe 16
12 men: Xatuane jë la ketre hna inine ka xötrei nyiqaane cainöj. Ce wange hmaca ju la paragarafe 19 ne la sine trongene la Huliwa ne Baselaia ne treu juune 1996. Iamacanyine jë la aqane tro la ketre trejine ka maca troa cainöj, a hnëkëne la ketre ka etid, hna xötrei kapa hnene la itre qatre thupe troa ketre ka hane cainöje ngo thaa hna bapataisone petre kö. Angatre a ce wange hmaca la itus Notre ministère, götrane 111, paragarafe 2. Troa qaja amamane hnene la trejine ka maca troa cainöje la itre ewekë hna troa qëmeke kow ngöne la hna cainöje trootro, nge thaa tro pi kö a nanazije e thaa kapa kö la tronge së. Tro la atre cainöje a qaja jë la ketre tulu ne mele nyine ithuecatr, ka amamane la madrine hne së hna troa kapa ngöne la easë a öhne la ketre atr ka ajane troa drei së. Angatre a ce hnëkëne ju la ketre aqane troa nyiqaane ithahnata jëne la ketre zonal, nge thupene lai, angatre a tro fë ju ej. Troa ithuecatre me amamane hnyawa la itre hna hnëkëne göi huliwa ne cainöje trootro ngöne la wiike celë.
Nyima 89 me thithi ne nyipun.
Koi 31 Maac Me Wiike Cili
Nyima 70
15 men: Itre ithuemacanyi koi së. Hëne jë la itre atr ka ajane troa hane drenge la cainöje ka ketrepengöne hna troa kuca koi nöjei atr, e 6 Eiperem. Amekunëne asë jë la itre trejine troa hamëne la rapore ne huliwa ne cainöje ne treu Maac. E jë la itre ëjene la itre trejine ka xome la huliwa ne pionie ka ixatua e treu eiperem. Wange hmaca ju la hna cinyihane ka hape, Kola Sa La Itre Hnyinge i Nyipunie.
20 men: “Catre Pi Së Troa Iwai Hmaca.” (Paragarafe 21-35) Troa ce ithahnatan. Troa ce wange hmaca la itre mekune hna eköhagene götrane 3. Xatuane asë jë la itre trejine troa e hnyawa la itre iwai hmaca hnei angatre hna kuca ngöne la treu, me cinyihane eje ngöne la rapore ne cainöje trootro i angatr.
15 men: Troa tro fë la itre zonale La Tour de Garde me Réveillez-vous! thaa tro kö a luelue troa abone. Qaja ju la itre xaa hnepe mekune ngöne la aqane troa hnëkëne la itre zonale matre troa tro fë itre ej; troa xome la itre aqane tro fë cili, ngöne la Huliwa ne Baselaia ne treu okotropa 1996 götrane 8, paragarafe 3, 4, me 8. Tro la lue trejine a iamacanyine la caasi maine lue aqane tro fë ithahnata ka xoxopatr, ame la hna pane ke, ngöne la boroshür. Loi e tro la itretre cainöje a xome la ëjene la itre atr ka kapa la itre zonal, memine fe lo itre hnei angatre hna majemine tro fë zonale kow.
Nyima 92 me thithi ne nyipun.