“Xupe Jë La Uma i’ö”

¹ Kola mama hnyawa enehila laka, kola ethitre la fami ngöne la nöjei aqane mele asë e celë fen. Kola jilapane la fene i Satana hnene la iamenu memine la kuci ngazo. (1 Ioa. 5:19) Qa ngöne lai, nyipi ewekë catre tro së a ‘xupe la uma së’ me inine la itre xane la aqane tro angatre a hane eköthe la itre lapa i angatr.​—Ite Edo. 24:3, 27.

² Hnapo Së La Itre Trepene Meköti Qa Hnine La Tusi Hmitrötr: Troa hetrenyi la nyipi manathithi kowe la fami, e hna trongëne la itre trepene meköti qa hnine la Tusi Hmitrötr. Troa hetre thangane ka loi la itre ixatua ka tru celë ngöne la nöjei götrane la mele ne la itre atrene la fami. Ketre, ame la itre fami ka trongëne itre ej, ke, tro angatre a madrin, me hetrenyi la tingetinge qa thei Akötresie.​—Wange ju la Isaia 32:17, 18.

³ Hna amamane hnyawa la itre trepene meköti ka troa xatua së troa eköthe la fami së, ngöne la itusi ka hnyipixe, Le secret du bonheur familial. Kola nyipune la itre mekene la itus, hnene la itre nyine ixatua hna eköhagen, ka amamane hnyawa la itre trepene meköti ka nyipi ewekë catre nyine troa hnehene hnyawa hnene la itre atrene la fami. Hna nyiqaane la itre mekune hna eköhagene hnene la ketre hnyinge hna hape, “Nemene la aqane tro la itre trepene meköti celë qa hnine la Tusi Hmitrötre a xatuane . . . ?” Kola amamai së hnyawa la itre mekune i Akötresie, matre atre hnyawa së la mekune i Nyidrë ngöne la topike hna ithahnatan.​—Isa. 48:17.

⁴ Loi e tro së a thele troa atre hnyawa la aliene la itus. Inine jë troa xolouthe la itre trepene meköti nyine ixatua, ngöne la kola cile kowe la itre xaa jol. Kola ithahnatane hnene la itusi la itre xaa mekune ka tune la: ewekë nyine tro la ketre atr a thele ngöne la angeice a mekune troa faipoipo memine la ketre (mekene 2), itre jëne ka sisitria ka hamë manathithi me ka acile hutine la mele ne trefën (mekene 3), aqane tro la itre keme me thine a hetrune la itre nekö i angatre thöth, matre troa isa atreine xomi hnëqa, nge matre troa itre thupëtresiji me föe hmae ka xoue Akötresie (mekene 6), aqane troa thupëne la fami qa ngöne la itre iangazo ne la fen (mekene 8), itre trepene meköti ka xatuane la itre keme maine thine ka mele caasi pe, matre hetre madrine i angatre fe (mekene 9), ixatua ngöne la ua kowe la itre fami hna ajolëne hnene la iji menu la ka haitr, me iakötrë (mekene 12), nyine troa kuca ngöne la kola troa xecie la itre otrene la faipoipo (mekene 13), nyine troa kuca matre troa amamane la ole së kowe la itre keme me thine e qatre hë angatr (mekene 15), aqane troa hamë mejiune ka cile huti kowe la fami (mekene 16).

⁵ Catre Pi Troa Tro Fë La Itusi Ka Hnyipixe: Hnauëne matre thaa ce inine kö memine asë la fami la itus Bonheur familial? Nge maine hna akötrëne la fami i epuni hnene la itre jole ka hnyipixe maine hnene la itre ehacene la mel, haawe, wange ju la itre mekene la itus, ka ithahnatane la itre jole cili, nge sipone jë jëne la thithi la aqane troa trongëne la eamo. Ketre, ngöne la treu Maac, inine jë troa ham, maine troa kuca la ketre porogarame ne cainöje trootro, ka troa aijijë epuni troa catre tro fë trongëne la itus Le secret du bonheur familial kowe la nöjei atr asë.

⁶ Maine tro la itre fami a catre nyihlue i Akötresie, tro ha acatrene hnyawa la lapaune i angatr, me acaasi angatr, me hnëkë angatre hnyawa troa cile kowe la itre itupathi Satana. (1 Tim. 4:7, 8; 1 Pet. 5:8, 9) Drei la ole së kowe la ini hna hamëne koi së hnei Akötresie, Atre acile la fami!