Hapeu, Ka Cainöje Huti Fe Epun?

¹ Atreine kö epuni troa nangëne la hnyinge celë? Maine nyipici laka, thaa ijiji angatre kö itretre nyihluei Iehova asë, troa cainöje hut, ngo hapeu, atreine kö së troa pane waipengö së hnyawa, me hane huliwa kösë lo itre temoë ka huliwa huti fe së? Eje hi laka, atreine hi troa goeëne tune lai.

² Loi e troa pexeje la aqane huliwa ne la keresiano, thatreine kö tro angeice a amamane ka hape ketre keresiano angeic, ngöne hi la sine la drai. Hnei Iesu hna qeje Tretretro i nyidrë me hape: “Ke ini a kuca pala hi la nöjei ewekë nyine amadi nyidë.” (Ioane 8:29) Hnei Paulo fe hna hane kapa la mekune cili, matre nyidrëti a upi së troa “kuca asë nyine atrunyi Akötesie.” (1 Kor. 10:31) Qa ngöne lai, loi e tro asë hi së a mekune e kuhu itre hni së laka, itretre nyihluei Iehova huti fe së. Haawe, maine tro së a hetrenyi la aqane mekune cili ngöne la itre hni së, tro ha hetre thangane ka loi la ewekë cili, ngöne la nöjei huliwa hne së hna troa kuca.

³ Loi e Troa Wange Hnyawa La Aqane Anyipicin: Loi e troa mama hnyawa jëne la aqane ujë së, me aqane ithahnata së, me thiina së laka, itre Temoë i Iehova së. Easë a trotrohnine hnyawa la enyipiewekëne la troa nyidrawane la aqane ujë së, me thupëne la aqane ithahnata së, me thiina ka loi ngöne la easë a cainöje trootro, maine ngöne la kola hane sine la itre icasikeu. Ngo loi e tro fe la itre ewekë asë hne së hna kuca, a anyipicine kowe la itre atr ka hape, easë a melëne la itre trenge wathebo i Iehova; maine ngöne la easë a tro troa ini, me ngöne la easë a huliwa i maseta, maine ngöne pena la easë a kuca la itre nyine madrin.

⁴ Hnei Iesu hna qaja ka hape: “Tha’teine kö troa sihngödi la lapa hna nue hune la wet. . . . Ahudumenejë la lai nyipunie qëmeke ne la nöjei at, mate goeëne hnei angate la huliwa ka loi nyipunie; ame hna atrune la Tretretro i nyipunie e koho hnengödrai.” (Mat. 5:14-16) Loi e troa eje lai ngöne la nöjei ewekë hne së hna kuca, me ngöne la nöjei ijine mele së. Maine easë a öhne laka, easë a hunyinyi troa cainöj, pine la götrane hne së hna mele ngön, maine hnene pena la itre huliwa hne së hna kuca, haawe, nyipi ewekë tro së a isa thele ka hape, “Hapeu, pexeje la aqane nyihluei Iehova ni, maine eni a kuca sinëne la aja i Nyidrë?” Loi e thaa tro pi kö së a nue la ketre ewekë troa thunge jë së, troa qaja la maca ka loi ne la Baselaia kowe la itre xaa atr.

⁵ Loi e tro pala hi së a mekune laka, easë a atrunyi Iehova me amadrinë Nyidrë, e tro së a qaja catrëne ka hape, “eje hi,” matre troa sa lo hnyinge hna hape, “Hapeu, ka cainöje huti fe epun?”