Hapeu Thaa Saze Kö La Etrune La Itre Zonale Së?
1 Hapeu, ase hë hane traqa koi epuni troa tro kowe la hna icasikeu göi cainöje trootro, nge epuni a öhne e cili laka, pëkö zonale hnine la watrenge ne cainöje i epun? Haawe, hna amekunë së ngöne la sinecetrone la Huliwa ne Baselaia ne semitrepa 1995 hna hape “Huliwane Hnyawane Jë La Itre Zonale Së.” Kola upi së troa “axeciëne hnyawa la etrune la itre zonale hne së hna troa komadën,” matre hna hape: “Amë ju la etrune ka ijije kowe la lue zonal, nge ce wange ju memine la trejine ka xome la hnëqa ne troa hamë zonal, la etrune hnei epuni hna ajan. Qa ngöne lai, tro epun, me fami epuni a kapa pala hi la itre zonale i epun, memine la etrune ka ijij.” Hane kö epuni kuca tune la?
2 Tuneka matre sipone hnei epuni la etrune la itre zonal, hnei epuni hna ajane troa itön? Tro ha atraqatre thei epuni la ajane troa tro fë trongëne la itre zonale ngöne la nöjei wiik, nge atraqatre la madrine hna troa kapa qa ngöne lai. Maine ase hë epuni hane komaadë zonale i epun, pane wange hmaca ju matre troa sipone la ka ijije thenge la etrune hnei epuni hna atreine tro fë ngöne la nöjei treu. Ketre, ame ngöne la nöjei wiik, easë a ajane troa xome la itre zonale së ngöne la ekalesia, nge loi e metrötrëne së la ewekë hne së hna axeciën. Maine qea la itre hnepe ijine epuni a pane tro kowe la ketre nöj, canga thuemacane jë la atre cilëne la itre zonale la mekune i epun, maine epuni a mekune troa nue la itre zonale i epuni kowe la itre xaa trejine ngöne la ijine paatre epuni ngöne la ekalesia.
3 Kola qaja fe hnene lo lai sinecetrone la Huliwa ne Baselaia, ka hape, “Loi e troa wange matre amë la ketre drai göi troa trofë trongëne la itre zonal.” Hapeu, epuni kö a hane sajuëne la Drai ne tro fë zonale ngöne la nöjei wiik? Tune la hna amamane ngöne la Calendrier des Témoins de Jéhovah, Kola tro fë zonale ngöne la nöjei mecixeni ne la macatre! The wangacone pi kö së la enyipiewekëne la troa tro fë la itre zonal, La Tour de Garde me Réveillez-vous! Nyipi ewekë catre la trenge catre hne së hna kuca troa tro fë zonal, ngöne laka, easë hi lai a “tro fë la loi” kowe la itre xaa atr.—Is. 52:7.