Göi Itre Icasikeu Ne La Huliwa
ITHUEMACANY: Troa hetrenyi ngöne la Huliwa Ne Baselaia, la porogarame ne la Itre Icasikeu Ne La Huliwa, thatraqane la nöjei wiike ngöne la treu. Troa wange me amekötine hmaca lo porogarame ne icasikeu ne huliwa hnene la itre ekalesia, pine laka, kola troa sine lo kovasio ne distrik, hna hape, “Kuca Thenge Jë La Wesi Ula.” Maine ijij, ke troa xome la 15 menetr ngöne lo Icasikeu Ne La Huliwa tixenuë ne la treu, qëmekene la kovasio, matre troa ce wange la itre mekune ka tru hna xome qa hnine la sine trongene la Huliwa Ne Baselaia. Ithuecatre jë troa xome la itre hnepe menetr matre troa goeëne la porogaram, qëmekene la troa nyiqaane la kovasio e hmakanyi me e hnaipajö, nge nyiqaane mekune jë la itre hna troa ithahnatan. Kolo hi lai a xatua së troa drenge hnyawa la itre cainöj, me hane xomi not. Ame hë la könitre maine foa lao wiike thupene la kovasio, troa xome la 30 menetr ne troa pane ce wange hmaca la itre mekune ka tru ne la kovasio, ngöne la ijine Icasikeu Ne La Huliwa. Loi e tro la itre trejine a isa hnëkë hnyawa matre atreine troa hane qeje mekun, e traqa ju hane hnyinge koi angatre hnene la köni trejine ka troa amexeje hmaca la itre mekune cili. Itre mekune lai ka troa amexeje hmaca la itre hna drenge hë me inine ngöne lo lai ijine kovasio, nge nyine troa trongëne hnene la itre keresiano ngone la mele i angatr, me ngöne la hna cainöje trootro. Iëne jë la caasi maine lue hna melëne hë hnene la itre trejin. Maine tro asë hi së a isa hnëkë hnyawa, eje hi lai laka, tro ha hetre thangane catre, nge hetre ini ka lolo catre hna troa kapa, qa ngöne la Icasikeu Ne La Huliwa cili.
Koi 11 Semitrepa Me Wiike Cili
Nyima 139
10 men: Itre ithuemacanyi koi së. Iëne jë la Itre Hna Amekötiine qa hnine la Huliwa Ne Baselaia.
15 men: “Iehova a Atrenamo Së Hnene La Itre Manathithi Qaathei Nyidrë.” Thaa tro kö a weje la caa menetre ne nyiqaan, nge troa ce ithahnatan.—Wange ju la Étude perspicace, Volime 2, g. 798, § 12-13.
20 men: “Ahlëne Jë La Ajane La Itre Atr Hnene La Itre Ewekë Ka Traqa Koi Së.” Troa ce ithahnatan me kuca la itre iamacany. Qaja jë la itre ewekë ka nyimutre ka traqa ngöne la nöje së. Nemene la thangane la itre ewekë cili kowe la itre drai elany? Xome jë la itus, Comment raisonner, g. 9-10, hamëne jë la itre xaa mekune nyine ixatua ngöne la aqane troa hnëkëne la ketre aqane nyiqaane ithahnata ka troa nyi gojenyi së troa ithahnatane la Tusi Hmitrötr. Troa kuca la lue iamacanyi ka lolo, hna hnëkëne hnyawa.
Nyima 224 me thithi ne nyipun.
Koi 18 Semitrepa Me Wiike Cili
Nyima 2
10 men: Itre ithuemacanyi koi së. Troa e la hna ithingë.
15 men: Hapeue La Huliwa Së Lo Macatre Hnapan? Cainöje hna troa kuca hnene la atre thupëne la huliwa ne cainöj. Wange hmaca ju la itre rapore ka tru ngöne la hna cainöje hnene la ekalesia ngöne la macatre ne huliwa 2000. Qaja aloine jë la itre huliwa ka lolo hna kuca ha. Amamane jë fe la itre ewekë nyine troa kuca matre troa kökötre lolo pala hi la huliwa. Amexeje jë fe la aqane sine hnene la ekalesia la itre icasikeu, me aqane nyiqaane me xomiujine la itre etid, me cainöjëne pala hi la maca ka loi. Qaja jë la itre mekune ka lolo nyine troa eatrëne ngöne la macatre ka troa xulu.
20 men: “Mele Maine Mec!” Troa ce ithahnatan. Amamane hnyawa jë la itre xötre hna hamëne hnine la hna cinyihan.
Nyima 30 me thithi ne nyipun.
Koi 25 Semitrepa Me Wiike Cili
Nyima 93
15 men: Itre ithuemacanyi koi së. Amekunëne jë göi hna cainöje ngöne la treu Semitrepa. Troa wange hmaca la hna cinyihane hna hape Kola Sa La Itre Hnyinge i Nyipunie.
15 men: Itre ihaji koi së.
15 men: Thaa Tro Kö a Wange Acone La Etrune La Itre Zonale Së. Nemene la nyine troa kuca, maine tru catre hnei zonale hnapan, La Tour de Garde me Réveillez-vous ! the së? Hna mekune hnene la itre xaa ka cainöje ka hape, thaa ijije hmaca kö troa tro fë itre ej, pine laka, ka hekö hë itre ej. Ngo kola ithuecatre koi së ngöne lo Huliwa Ne Baselaia ne Semitrepa 93, g. 3, troa xome fe la itre zonale cili, me hane tro fë itre eje ngöne la ijine ka ijij. Atreine hi tro së a xome la itre mekune qa hnine la itre zonale cili, ka troa xatuane la ketre jole ka eje thene la ketre trahmany, me föe, me itre trene metie, me itre qatr, me itre thöth; thupene lai, wangatrehmekune ju la ijine troa tro fë itre ej. Iamacanyine jë la aqane troa tro fë la itre hna cinyihane cili hna iëne hë. Qaja jë la itre thangane ka lolo hna kapa hnene la itre trejine ka tro fë la itre zonale cili.
Nyima 115 me thithi ne nyipun.
Koi 2 Okotropa Me Wiike Cili
Nyima 169
15 men: Itre ithuemacanyi koi së. Thuemacane jë la ekalesia göi troa hnëkë matre troa tro fë la Itre Ithuemacanyi Ne La Baselaia Na. 36, kola troa nyiqaane e thupene hmi 16 Okotropa, nge troa sisedrëne uti hë e drai ka tru 17 Nofeba. Xatuane jë la itre thöth, me itre ka xötrei cainöj, troa hane xome la huliwa cili. Tro la itre ka xomiujine la itre Ini Tus, a nyiqaane enehila troa ithuecatre me hnëkëne la nöjei ka sine la gurupe i angatr, troa hane catre tro fë la Itre Ithuemacanyi cili. Hane ju fe qaja la itre thangane ka loi hna kuca ha ngöne lo kola tro fë lo Itre Ithuemacanyi hnapan.
15 men: “Tro Kö Ni a Tro?” Cainöje hna kuca hnene la ketre qatre thup. Xome jë la itre ini thatraqane la ekalesia. Qaja jë fe la kepine matre nyipi ewekë troa hetrenyi la atreine waimekun, ngöne la kola mekune troa tro kowe la ketre götran. Ithahnatane jë la aqane troa trongëne la eamo ngöne Ite Edomë 22:3. Xome jë fe la itre mekune nyine xatua së troa hmek, ngöne La Tour de Garde ne 15 Ogas 1998, g. 22.
15 men: Itre Hna kuca Ha Ngöne La Kola Nyiqaane Ithahnata. Ame ngöne la porogarame ne icasikeu göi huliwa ne Cainöj, thatraqai 11 Semitrepa me wiike cili, hna ahnithe troa kuca la itre aqane nyiqaane ithahnata göi itre ewekë ka traqa, ka troa ahlëne la aja ne la itre atr, me nyiqaane ithahnata me angatre ngöne la hna cainöj. Sipone jë la itre trejine troa qaja la itre thangane ka loi hnei angatre hna kapa, qa ngöne la hna xötrethenge hnyawa la itre mekune nyine ixatua cili.
Nyima 205 me thithi ne nyipun.