Göi Itre Icasikeu Ne La Huliwa
Koi 8 Januare Me Wiike Cili
Nyima 29
7 men: Itre ithuemacanyi koi së. Iëne jë la Itre Hna Amekötiin qa hnine la Huliwa Ne Baselaia.
13 men: “Ahudumenejë La Lai Nyipunie.”a Xome jë fe la itre mekune qa hnine la zonal, La Tour de Garde ne 1 Juun 1997, g. 15, §§ 12-13. Xatuane jë la itre trejine asë troa xome la nöjei ijine ka ijije troa cainöj.
25 men: Itre Hna Amekötine Thatraqane La Mele Së. Cainöje hna troa kuca hnene la ketre qatre thupe ka maca; hna nyitrepene ngöne la ketre tusi hna kapa lo 1 Diseba 2000, nge hna amamane hnei sasaiatri. (Wange hmaca ju la tusi ne 5 Nofeba 1997.) Amamane hnyawa jë ka hape, ame la ewekë ka sisitria ka troa thupë së qa ngöne la itre ejolene la xomi madra, ke, ene la troa nyialiene hnyawa la pepa göi Instructions médicales/Attestation prévisionnelle. Thupene la icasikeu, troa kapa hnene la itre trejine la isa caa pepa. Loi e troa hetrenyi asë la itre trejine la itre pepa cili. Loi e troa sija me cinyihane la itre ëj, me numero ne telefone ne la itre trejine ka troa anyipicin, nge troa cinyihane hnyawa fe la ijine kola sija la itre carte asë ngöne ju fe kö lai jidr maine ngöne la wiik, cememine la atre xomiujine la Ini Tus. Loi e troa xecie kowe la itretre xomiujine la itre Ini Tus, laka, hna kapa hnyawa asë hi hnene la itre gurupe i angatre la ixatua ka ijije matre troa nyialiene lai pepa. Thaa celë kö la pepa lai nyine troa hamëne ngöne la easë a troa lö e pital matre troa xöji së. Hetrenyi kö lo pepa thatraqane lai, ene lo ‘Attestation de refus selectif de produits sanguins,’ sipone jë itre eje thene la itre qatre thup. Troa nyialiene hnyawa la pepa cili, me hamëne eje kowe la pital, maine kilinik, thupene la hnei nyipunieti hna iöhnyine memine la droketre ka troa xöji epun, memine la droketre ka troa iameköle matre ijije troa xöj. Hetrenyi mina fe la itre Carte d’identité médicale thatraqane la itre nekönatr, hna troa xome hnene la itre keme me thine thupene la hna icasikeu. Ame koi itretre cainöje hna thaa bapataisone petre kö, ke tro angatre a isa cinyihane la itre mekune i angatr, me itre hnei angatre hna mejiune kow, thatraqai angatre me itre nekö i angatr, thenge la aliene la carte.
Nyima 1 me thithi ne nyipun.
Koi 15 Januare Me Wiike Cili
Nyima 51
10 men: Itre ithuemacanyi koi së. Troa cile fë la hna ithingë.
15 men: Itre ihaji koi së.
20 men: Hapeu Epuni Kö a Lapaa Hane Goeëne La Topike Ne La Drai? Cainöje nge troa hnying. Wange ju la zonal, La Tour de Garde ne 15 Diseba 1996, g. 17-18, §§ 12-14, nge amamane hnyawa jë la einamacanene la troa ithahnatane pala hi memine la hnepe lapa së la topike ne la drai. Hnyingëne jë kowe la itre atrene la fami, la hnei angatre hna isa mekune ngöne lo ketre topike hnei angatre hna ce ithahnatan, nyine amamane laka, hetre thangane ka loi qa ngön, me hamëne la kepin. Amamane hnyawa jë laka ewekë lai ka eje hnine la porogarame ne la etid ne la fami, a hna amë hutine hë matre nyine troa acatrene la hnepe lapa, me ithuecatre matre troa catre xome pala hi la huliwa ne cainöj.
Nyima 67 me thithi ne nyipun.
Koi 22 Januare Me Wiike Cili
Nyima 90
7 men: Itre ithuemacanyi koi së.
18 men: Troa Hnëkëne Tune Kaa La Itre Aqane Nyiqaane Ithahnata. Cainöje me itre iamacany. Wange hmaca ju la itre mekune kii qa hnine la itus Comment raisonner, g. 9. Amamane jë la aqane tro së a iëne la itre aqane nyiqaane ithahnata ka lolo ka ijije koi së, thenge la thiina së, me teritoare së. Wange hmaca ju la itre aqane nyiqaane ithahnata ka hmaloi troa tro fë memine la boroshüre Thele, nge troa kuca la caas maine lue iamacany ngöne itre ej. (Wange ju la Huliwa Ne Baselaia ne eiperem 1997, g. 8.) Xatuane jë la itre trejine troa xome thatraqane la huliwa ne cainöje trootro, la itre mekune nyine ixatua hna hamëne hnine itus, Comment raisonner me hnine la Huliwa Ne Baselaia.
20 men: “Loi e Tro Së a Itre Ka Drenge Hnyawa.” Cainöje nge troa ce ithahnatan. Wange hmaca ju la itre xaa mekune qa hnine ka la itus, Manuel pour l’École, g. 27-8, §§ 15-17. Ame la aqane tro së a wange maine lolo la itre aqane drenge së, ke ene la troa e la etrune la itre mekune hne së hna pane lapa xome me amexeje hmaca. Sipone jë kowe la itre trejine troa amexeje hmaca la itre mekune ka lolo hna ce wange hë ngöne la ijine Ini Ne Cainöje Trootro Qaathei Akötresie.
Nyima 96 me thithi ne nyipun.
Koi 29 Januare Me Wiike Cili
Nyima 139
10 men: Itre ithuemacanyi koi së. Rapore ne hna cainöje ne Januare. Itusi hna troa tro fë e Febuare, qaja jë fe la itre itusi e hnine la ekalesia.
15 men: Catre Pi Së Troa Atrepengöne La Atre xupi Së. Cainöje hna xome qa hnine la zonal, La Tour de Garde ne 15 juun 1999, g. 24-6, kola troa ahlëne la aja së kowe la itus hna troa ini ngön, hna hape, Y a-t-il un Créateur qui se soucie de vous ? Xatuane jë la itre thöthi troa hnëkë hnyawa kowe la itre ijine Ini Tus. Loi e tro asë hi së a sine pala hi itre ej, cememine la ajane troa atrepengöne la Atre xupi së ka Pucatine asë.
20 men: “Itre Keme Me Thine Fe—Amë Jë e Kuhu Hni Ne La Itre Nekö i Nyipunie La Itre Hna Majemine Ka Nyipi Ewekë.” Cainöje nge troa ce ithahnatane memine la itre keme me thine ka trene nekönatre ka kökötre hnyawa ngöne la götrane la ua. Kola mekune hnene la itre keme me thine la itre ewekë ka lolo hnei angatre hna kuca matre troa hane cainöje pala hi la itre nekö i angatr. Maine ijije la traem, xome jë fe la itre mekune nyine ixatua qa hnine la itus, Madrine Kowe La Fami, g. 55-9.
Nyima 149 me thithi ne nyipun.
Koi 5 Febuare Me Wiike Cili
Nyima 168
10 men: Itre ithuemacanyi koi së.
15 men: “Loi e Itre Atr Ka Madrine Me Ka Catre Huliwa Së.”b Amamane jë la itre ewekë ka nyixane la madrine së ngöne la huliwa i Akötresie, tune la hna amamane ngöne la itus, Etude perspicace, Volime 2, g. 46, § 6-8.
20 men: Atreine Hi Tro Së a Thele La Itre Elo Ka Lolo. Kola ce ithahnatane hnene la ketre fami la eamo hna hamëne hnine la Réveillez-vous ! ne 22 Mei 1997. Kola hnehengazone hnene la keme la itre mekunene la hnepe lapa, göi itre hna ajane troa kuca ngöne itre ijine mano. Thupene la hna ce wange hmaca la taan ka co hna hape, “Tune Kaa Hë Lo Itre Nyine Madrin?” (g. 4-7), angatre a pane ce goeëne la itre pengöne nyine madrine ka lolo, nge ka hetre thangane ka loi. Wange ju la itre mekune hnine la itus, Notre ministère, götrane 131-2, fene la hna cinyihan, hna hape, “La détente,” me götrane 135-6, ngöne la hna hape, “Faites tout pour la gloire de Dieu.” Amamane jë la hnëqa ne la itre keme thin, ene la troa elemekene me wangatrune la itre ka nyipi ewekë thatraqane la itre atrene fami asë, me ce huliwa matre troa kepe thangane ka loi la hnepe lapa.
Nyima 190 me thithi ne nyipun.
[Ithueamacany]
a Thaa tro kö a sasaithe la caa menetre ne nyiqaan, nge thupene lai, troa ce ithahnatan.
b Thaa tro kö a sasaithe la caa menetre ne nyiqaan, nge thupene lai, troa ce ithahnatan.