Cainöje Jë Jëne La Thiina i Nyipunie Ka Lolo
1 Hnei Iesu hna qaja ka hape, “tro eö a hnime la ate lapa eashenyi ‘ö tui eö hi.” (Mat. 22:39) Eje hi laka, tro nyipunie a “kuca la loi” kowe la itre sine ce hmi me nyipunie, ngo hapeu, ijije fe kö tro nyipunieti a akökötrene la ihnimi nyipunie kowe la itre atr ka lapa ezi nyipunie? (Gal. 6:10) Nemene la nyine troa kuca?
2 Loi e Troa Isa Sipu Qaja Amamane La Hmi Nyipunie: Hapeu, atre kö la itre atr ka lapa ezi nyipunie ka hape, ketre Temoë nyipunie? Maine thatre kö angatr, ke, hapeu matre hane fe nyipunieti wai angatre ngöne la hna cainöje trootro? Maine jë tro nyipunie a sesëkötre la itre thangane ka loi, hna troa kapa qa ngön! Ngo maine nango jole koi nyipunie troa cainöje ngöne itre hnalapa trootro, haawe, thele jë pena troa cainöje koi angatre ngöne la itre ijine ka ijij. Maine jë, tro nyipunie a öhnyi angatre e huliwa e kuhu tröne la uma i angatr, maine angatre pena a tro e cahu gojeny. Haawe, easenyi angatre jë, nge hnyima jë koi angatr. Catre jë troa ithahnatane la itre ini hnei nyipunie hna lapaune kow, me hnen la Uma Ne Baselaia, memine la itre ewekë hna kuca ngön, nge qaja jë fe la itre atr ka lapa fe ngöne la götrane i nyipunie, ka hane sine itre ej. Nge hane jë fe könë angatre kowe la itre icasikeu. Catre jë troa cainöje kowe la nöjei atr hnei nyipunie hna atre.—Ite Huliwa 10:42; 28:23.
3 Loi e Lolo La Thiina i Nyipunie: Troa hetre thangane ka loi la aqane ujë i nyipunie kowe la itre atr ka lapa ezi nyipunie, ene pe troa hane fe gojenyi nyipunie troa cainöje koi angatr. Tro fe lai a ‘alolone la ini i Akötesie.’ (Tito 2:7, 10) Amamane jë ka hape, nyipunieti a hnehengazone la itre atr ka lapa ezi nyipunie. Loi e tro nyipunieti a hni ka menyik, me trotrohni angatr. Metrötrëne ju la hnalapa i angatr, memine la itre xaa atr ka lapa ezi angatr. Maine hetrenyi e angatre ka wezipo, ke, tro jë troa iwai, me hamë ixatua. Maine ketre fami a xötrei traqa troa hane lapa ngöne la götrane hnei nyipunie hna mele ngön, haawe, pane jea ju troa hane ibozu me angatr. Tro hë angatre a wangaloinyi së ke lolo la aqane ujë së koi angatr, nge ketre itre thiina lai hna kapa madrine hnei Iehova.—Heb. 13:16.
4 Loi e Tro Së a Nyidrawane La Hnalapa Së: Troa qaja aloinyi së hnene la itre atr ka lapa ezi së, e hne së mina fe hna nyihnyawane la itre uma së. Eje hi troa anyipici Akötresie, hnene laka, mingöminge me lolo e troa wange la uma së ke hna nyidrawane me thelëne ej. Ngo maine dro la uma së, nge kola meköle menu la nöjei pengöne ewekë ka adrone la hnalapa, eje hi laka, tro ha wangacone la maca ne Baselaia. Haawe, nyipi ewekë catre tro pala hi së a nyihnyawane hnyawa la uma së, me thelëne la hnalapa së, me nyidrawane la loto.
5 Maine easë a hnehengazone la itre atr ka thaa ce hmi kö me easë, ke, easë hi lai a amamane la ihnimi së kowe la itre atr ka lapa ezi së. Nemene la thangane lai? Tro jë fe “angat’ a atrunyi Akötesie,” qa ngöne laka, itre xane e angatre “a goeëne la nöjei huliwa ka loi nyipunie.”—1 Pet. 2:12.