Porogaram Ne Ini Ne Cainöj Qaathei Akötresie Göi Macatre 2006

Itre hna amekötin

Hane cahu aqane trongen la Ini Ne Cainöj Qaathei Akötresie Göi Macatre 2005.

ITRE ITUS: Les Saintes Écritures — Traduction du monde nouveau [bi12], La Tour de Garde [w], Tirez profit de l’École du ministère théocratique [be], “ Toute Écriture est inspirée de Dieu et utile ” (édition 1997) [si], Comment raisonner à partir des Écritures (édition 1989) [rs].

Troa nyiqaan la icasikeu ngöne la HAWA, jën la nyima me thith, me itre hnepe ithanata nyine ikep, nge sisedrëne jë tune cahu:

ATREINE CAINÖJ: 5 menetr. Tro la atre thupën la ini, maine sine ce huliwa i angeic, maine ketre qatre thupe pena ka maca troa ini, a ithanatan la ketre aqane troa cile fë hnyawa la itre xötre qa hna nyitrepen ngöne la itus École du ministère. (Ame hnine la itre ekalesia gaa co qatre thup, atreine hi troa cile fë la hnëqa cili hnene la ketre drikona ka maca troa ini.)

HNËQA Naba 1: 10 menetr. Troa kuca la qa celë hnene la ketre qatre thup maine ketre drikona, nge troa nyitrepene la itre ini hna troa hamën hnene la zonal, La Tour de Garde, maine Tirez profit de l’École du ministère théocratique maine “ Toute Écriture est inspirée de Dieu et utile. ” Treen menetr la eqean, nyine troa cile fë cainöj, nge thaa tro kö a nyi hnying e pune hë. Ame la hna thele troa traqa kow, tre thaa ene hmekuje kö la troa qejepengöne asë la itre mekune e hnine la la itre xötre hna troa xom, ngo loi pe troa amamane hnyawa la thangane ka sisitria hna troa kapa qa ngöne la itre mekune cili, me qaja atrun la itre mekune nyine ithue ixatua kowe la ekalesia. Troa huliwan la taan hna hamëne hë. Loi e tro la itre trejine ka troa kuca la cainöje cili a metrötrëne la eqean la traem hna amekötin thatraqane lai. Maine hna sasaith la traem, atreine hi troa hamën kowe caasi pë hë lai trejin, la itre xaa eamo ka ijij.

MEKUN KA SISITRIA QA NGÖN LA ITRE MEKEN LA TUSI HMITRÖTR: 10 menetr. Tro la ketre qatre thup ka maca troa ini maine ketre drikona pena, a xome la pane faif lao menetr matre troa thele ini thatraqane la ekalesia, qa ngöne la itre xötr ne la Tusi Hmitrötr hna troa ce wang. Atreine hi tro angeic a hamë mekun qa ngöne lai itre mekene asë ne la Tusi Hmitrötr hna amekötin troa e ngöne la wiik. Thaa angeic hmekuje kö a troa qaja nyimenyimëne ju hi la alien la itre xötr hna amekötin troa ce e. Ame la hna ajan ka nyipi ewekë ngöne la cainöje celë, tre, ene la troa xatuan la itre atrene la icasikeu troa trotrohnin la kepin me aqane troa kepe thangan hne së la itre ithuemacany hna troa hamën. Loi e troa thupën hnene la trejin matre thaa tro kö a sasaith la faif lao pane menetr hna amekötine koi angeic. Thupene lai, tro angeic a xom la faif lao menetr troa sipon la itre atren la icasikeu troa qeje mekun, ngo thaa tro kö a aqean menun la itre mekun (thaa tro kö a sasaith la 30 secondes) hna troa hamën, ngöne la hnei angatr hna kapa madrin me kepe thangane ka loi qa ngöne la hna e la Tusi Hmitrötr. Thupene lai tro la atre thupëne la ini, a nue la itre hnainin troa isa tro kowe la itre xaa hnahag ne ini.

HNËQA Naba 2: 4 menetr. Troa e tus hnene la ketre trejin trahmany. Tro la hnainin a e la itre mekun hna athipe koi angeic, ngo thaa tro kö a thele mekun nyine nyiqaan maine nyine nyipun pena. Maine Itre Xötr ngöne la tusi Salamo, tro angeic a e fe la taan la itre mekene xötre cili. Loi e tro la atre thupën la ini a thele hnyawa troa xatuan la itre hnainin troa e, cememine la trotrohnin, troa uke la aqane e, troa mama hnyawa la itre mekune ka sisitria ngöne la kola e, troa thupën la hne nyinawa, troa thupën la aqane troa mano ngöne la kola e, nge loi e thaa tro kö a nyi pengön ngöne la easë a e tus.

HNËQA Naba 3: 5 menetr. Troa kuca hnene la ketre trejine föe. Ame kowe la itre sör ka troa kuca la xötre qa celë, isa qanyi angatre kö troa iën la aqane tro angatr a nyitrepen la xötre qa, maine troa xome la ketre jëne cainöj qa hnine la götrane 82 ne la itus École du ministère. Loi e troa xom hnene la hnainin la taan hna athip, me ithanatane ej thenge la ketre aqane troa cainöje trootro ka lolo, nge ka ihmeku memine la teritoar ne la ekalesia së. Maine thaa hna nyitrepene kö lai xötre qa hnene la ketre itus, haawe, loi e tro la hnainin a thele la itre mekun thatraqane la xötre qa i angeic, hnine la itre itusi së. Ame koi itre hnainin ka hnyipixe, loi e troa athipe koi angatr la itre xötre qa hna nyitrepene hnene la ketre itus, matre thaa tro kö a jole koi angatr. Loi e tro la atre thupën la ini, a wange hnyawa la aqane eköth hnene la hnainin la itre mekun, memine la aqane xatuan hnei angeic la atr hna cainöje kow troa thele ewekë jën la itre xötr ne la Tusi Hmitrötr, me troa trotrohnin la itre mekune kii ne la taan hna cile fë. Tro la atre thupën la ini a iën la ketre sör matre troa sine ce porotrik ne lai hnainin.

HNËQA Naba 4: 5 menetr. Troa eköth hnene la hnainin la cainöje i angeic hune la taan hna athip. Maine thaa hna nyitrepene kö lai xötre qa hnene la ketre itus, haawe, loi e tro la hnainin a thele la itre mekun thatraqane la xötre qa i angeic, hnine la itre itusi së. Maine hna athip la xötre qa celë kowe la ketre trejin trahmany, ma loi e troa cile fë la ketre cainöj, nge tro angeic a mekune hnyawa ka hape, angeic a troa ithanata kowe la itre atren la icasikeu hnine la Uma Ne Baselaia. Ame ngöne la kola kuca hnene la trejine föe la hnëqa celë, loi e tro pala hi angeic a tro fë ceitun me kola kuca la Hnëqa Naba 3. Maine jë tro la atre thupëne la ini ne cainöj a athipe la qa Naba 4 kowe la ketre trejin, maine kola öhne laka atreine hi tro angeic a kuca lai. Ame la itre topik hna nyihatren, tre troa kuca hmekuje itre ej ceitun me ketre cainöj, hnene la itre trejin trahmany.

TRAEM: Pëkö cainöj ka troa sasaith la traem, ketre tune mina fe la kola hamë eamo hnene la atre thupën la ini. Ame koi Hnëqa Naba 2 koi Naba 4 maine kolo ha sasaithi traem, loi e troa thupatën ngo cememin pala hi la metrötr. Maine kola sasaith la traem hnene la trejin ka kuca la Hnëqa Naba 1, maine ka xomi ini pena qa ngöne lo itre xötr ne la Tusi Hmitrötr nyine troa e ngöne la wiik, haawe, loi e tro pë hë a hamën caasin koi angeic la ketre eamo nyine ixatua. Loi e tro asë hi la itre trene xötre qa, a goeëne hnyawa la traeme matre thaa tro kö a sasaith. Ame la etrun la traem hna amekötin thatraqan la Porogarame Ne Ini Ne Cainöj Qaathei Akötresie, tre, 45 menetr, thaa hna e fe kö la nyima me thith.

EAMO: 1 menetr. Thaa tro kö a sasaith la caa menetr troa hamën hnene la atre thupëne la ini kowe la hnainin, la itre xaa hnepe ixatua ka lolo ngöne lo lai götrane ne la cainöj hna troa huliwan. Ame la ka nyipi ewekë, tre, thaa ene hmekuje kö la troa qaja ka hape, ‘ka loi’ ngo loi pe troa hane amexeje hnyawa la itre sipu kepin matre lolo la aqane huliwan lai ini hna kuca. Maine kola mekun troa hamën la itre xaa ixatua ka nyipi ewekë kowe lai hnainin, ma loi e troa wai angeice caasi pë hë thupene la hna icasikeu, maine e ketre ijine pena.

KA IXATUA TROA EAMO: Tro la collège ne la itre qatre thup a iën la ketre qatre thup ka maca, maine ijij tro angeic a xatuan la atre thupëne la ini, göi troa ixatua troa eamo. Maine nyimu qatre thup hnine la ekalesia, haawe loi e troa ithöeën la huliwa cili ngöne la nöjei macatre hnene la itre qatre thup ka maca. Ame la hnëqa i angeic, tre, ene la troa hamën caasin la ixatua, maine kola öhne laka, nyipi ewekë troa hamën, kowe la itre trejin ka troa kuca la Hnëqa Naba 1 memine la ka cile fë la itre ini hna xome qa ngöne la itre xötr hna troa e ngöne la wiik. Thaa nyipi ewekë kö e troa hamë eamo ngöne la nöjei kola ase kuca la itre cainöj, hnene la itre qatre thup maine itre drikona pena.

ITRE EAMO: Hnine itus.

REVIZIO HNA CE ITHANATAN: 30 menetr. Ame ngöne la nöjei hnaaluene treu, tro la atre thupëne la ini a xomiujin lai revizio hna ce ithanatan. Ngo qëmekene troa kuca lai, troa nyiqaane hnene la itre mekune göi troa atreine cainöj, memine lo itre xötr ne Tusi Hmitrötr nyine e ngöne la wiik. Ame göi revizio hna ce ithanatan, tre hna xome itre ej ngöne lo itre ini hna kuca ngöne lo lue treu ka ase hë, a memine fe la wiik qëmekene la revizio. Maine kola asabele ne sirkoskripsio la ekalesia i epun, ngöne la wiik ne revizio, tre, loi e troa uthe lai revizio (memine la sine la porogaram) kowe la wiik thupene la asabele, me kuca pena la porogaram ne la wiik ka xulu ngöne la ijine asabele. Maine kola vizite pena ngöne la wiike ne revizio hnene la qatre thup ka iwai trootro, haawe, nyima hmekuje hi me atreine cainöj, me itre mekune ka tru qa hnine la Tusi Hmitrötr la hna troa kuca ngöne la ijine cili. Tro pe a kuca la cainöj naba 1 (lo hna majemine hamën thupene la atreine cainöj) hna hnëkën thatraqane la wiike thupen. Ame pë hë göi Ini Ne Cainöj Qaathei Akötresie ngöne la wiike hnapin, tre troa kuca lo itre hnëqa, ene lo atreine cainöj, me itre mekun ka tru qa hnine la Tusi Hmitrötr, nge sisedrëne jë hë hnene la revizio hna ce ithanatan.

POROGARAM

2 Jan. E Tusi Hmitrötr: 2 Aqane lapa ite Joxu 29-​32 Nyima 91

Atreine Cainöj: Kepe Thangane Jë La Ini Ne Cainöj Qaathei Akötresie (be g. 5 ¶1–g. 8 ¶1)

N. 1: Ajane Jë La Wesi Ula i Akötresie (be g. 9 ¶1–g. 10 ¶1)

N. 2: 2 Aqane lapa ite Joxu 30:​1-​12

N. 3: Pine Nemene Matre Thaa Qeje Ka Sisi Kö La Itre Keresiano

N. 4: Thangane La Ngazo Ngöne La Imelekeu Së Me Akötresie (rs g. 281 ¶3–g. 282 ¶3)

9 Jan. E Tusi Hmitrötr: 2 Aqane lapa ite Joxu 33-​36 Nyima 144

Atreine Cainöj: Troa e Hnyawa (be g. 83 ¶1-5)

N. 1: 2 Aqane lapa ite Joxu​—Hetre Thangane Hna Troa Kapa Qa Ngön (si g. 85 ¶34-​6)

N. 2: 2 Aqane lapa ite Joxu 34:​1-​11

N. 3: Nemene La Hna Qaja Hnei Tusi Hmitrötr Göi u (rs g. 28 ¶1-5)

N. 4: The Hmahma Kö Së Troa Mele Thenge La Itre Trepene Meköti Ne La Tusi Hmitrötr

16 Jan. E Tusi Hmitrötr: Ezera 1-5 Nyima 137

Atreine Cainöj: Aqane Troa e Hnyawa (be g. 84 ¶1–g. 85 ¶3)

N. 1: Pane Nyine Troa Atre Ngöne La Tusi Ezera (si g. 85-6 ¶1-7)

N. 2: Ezera 1:​1-​11

N. 3: Manathithi Qa Ngöne La Mekuthetheu Ka Meköt

N. 4: Itre u La Itre Öni (rs g. 28 ¶6–g. 29 ¶5)

23 Jan. E Tusi Hmitrötr: Ezera 6-​10 Nyima 106

Atreine Cainöj: Trenge Ithanata Hna Qaja Amacan (be g. 86 ¶1-6)

N. 1: Ezera​—Hetre Thangane Hna Troa Kapa Qa Ngön (si g. 87-​8¶14-​18)

N. 2: Ezera 6:​1-​12

N. 3: Thaa Ka Mele Pe Kö La u Me Ua e Meci Hë La Atr (rs g. 30 ¶1–g. 32 ¶1)

N. 4: aMekuna i Akötresie Göi Faipoipo

30 Jan. E Tusi Hmitrötr: Nehemia 1-4 Nyima 161

Atreine Cainöj: Troa Maca Hnyawa La Aqane Ithanata (be g. 87 ¶1–g. 88 ¶3)

N. 1: Pane Nyine Troa Atre Ngöne La Tusi Nehemia (si g. 88-9 ¶1-5)

N. 2: Nehemia 2:​1-​10

N. 3: Pengöne Mele Xetietë Ka Sisitria

N. 4: Nemene La Uati Hmitrötr (rs g. 136 ¶1-3)

6 Feb. E Tusi Hmitrötr: Nehemia 5-8 Nyima 40

Atreine Cainöj: Aqane Troa Qaja Hnyawa La Itre Hnepe Hnëewekë​—Itre Hnepe Mekun Nyine Troa Wangatrun (be g. 89 ¶1–g. 90 ¶3)

N. 1: E Jë La Tusi Hmitrötr o Drai (be g. 10 ¶2–g. 12 ¶3)

N. 2: Nehemia 5:​1-​13

N. 3: Hatrene Laka Hetrenyi Thei Ketre Atr La Uati Hmitrötr (rs g. 137 ¶1-4)

N. 4: “Nyipi Thupëne Hnyawa Ju La Hni ’ö” (Ite edomë 4:​23)

13 Feb. E Tusi Hmitrötr: Nehemia 9-​11 Nyima 159

Atreine Cainöj: Nöjei Aqane Troa Qaja Hnyawa La Itre Hnepe Hnëewekë (be g. 90 ¶4–g. 92)

N. 1: Inine Jë La Tingeting Hune La Isi (w04 1/1 g. 6 ¶8–g. 7 ¶5)

N. 2: Nehemia 10⁠:​28-​37

N. 3: Hatrene La Ihnimi Iehova Koi Së

N. 4: Pëkö Ua Ka Mele Pe e Meci Hë La Atr (rs g. 138 ¶4–g. 139 ¶1)

20 Feb. E Tusi Hmitrötr: Nehemia 12-​13 Nyima 118

Atreine Cainöj: Troa Uke Hnyawa La Itre Trenge Ithanata Hna Qaja (be g. 93 ¶1–g. 94 ¶3)

N. 1: Nehemia​—Hetre Thangane Hna Troa Kapa Qa Ngön (si g. 91 ¶16-​19)

N. 2: Nehemia 13:​1-​14

N. 3: Pine Nemene Matre Thaa Ijije Kö Troa Ithanata Me Itre Ka Mec (rs g. 381 ¶4–g. 382 ¶4)

N. 4: bThaa Koi Itre Keresiano Kö La Itre Elo Ne Video Ne Isi

27 Feb. E Tusi Hmitrötr: Esetera 1-5 Nyima 215

Atreine Cainöj: Nemene La Aqane Troa Qaja Auken Hnyawa La Itre Hna Ithanata (be g. 94 ¶4–g. 96 ¶3, thaa tro kö a xom la itre mekun hna eköhagen ngöne la g. 95)

Revizio Hna Ce Ithanatan

6 Maac E Tusi Hmitrötr: Esetera 6-​10 Nyima 74

Atreine Cainöj: Aqane Troa Kuca Matre Thaa Tro Kö a Tretr (be g. 95, Itre mekun hna eköhagen)

N. 1: Pane Nyine Troa Atre Ngöne La Tusi Esetera Nge Hetre Thangan Hna Troa Kapa Qa Ngön (si g. 92-5 ¶1-6, 16-​18)

N. 2: Esetera 6:​1-​10

N. 3: Troa Thahe La Elëhni e Tro Sa Amenyikën

N. 4: Pine Nemene Matre Itre Nyipi Keresiano a Thipe Trije La Nöjei Aqane Kuci Haze (rs g. 382 ¶5–g. 384 ¶3)

13 Maac E Tusi Hmitrötr: Iobu 1-5 Nyima 160

Atreine Cainöj: Hnë Cil Göi Troa Mano, Me Troa Sol Koi Ketre Mekun (be g. 97 ¶1–g. 98 ¶5)

N. 1: Pane Nyine Troa Atre Ngöne La Tusi Iobu (si g. 95-6 ¶1-6)

N. 2: Iobu 2:​1-​13

N. 3: The Pi Ajane Kö Troa Atre La Men Ne La Itre Dremoni (rs g. 384 ¶4–g. 385 ¶2)

N. 4: Pine Nemene Matre Itre Nyipi Keresiano a Thupën Troa Nyiulili

20 Maac E Tusi Hmitrötr: Iobu 6-​10 Nyima 214

Atreine Cainöj: Hnë Mano Göi Troa Nyihatren, Hnë Mano Göi Troa Dreng (be g. 99 ¶1–g. 100 ¶4)

N. 1: Esisitriane La Itre Ewekë Ne Ua (w04 15/10 g. 4 ¶2–g. 5 ¶3)

N. 2: Iobu 7:​1-​21

N. 3: Kola Hapeue La Troa Hetre Hni Ka Wië

N. 4: Nemene La Aqane Troa Thepe Së Qa Hnine La Men Ne La Kuci Haze (rs g. 385 ¶3–g. 386 ¶4)

27 Maac E Tusi Hmitrötr: Iobu 11-​15 Nyima 8

Atreine Cainöj: Troa Mama Hnyawa La Itre Hnepe Hnëewekë Kii (be g. 101 ¶1–g. 102 ¶3)

N. 1: “Wange Hnyawa Nyipunie La Aqane Dreng” (be g. 13 ¶1–g. 14 ¶5)

N. 2: Iobu 12:​1-​25

N. 3: Thupëne Kö La Hni Ne Mele Caas (rs g. 140 ¶1–g. 141-2)

N. 4: Pine Nemene Matre Ka Thue Madrine Së La Huliwa Ne Cainöj

3 Eip. E Tusi Hmitrötr: Iobu 16-​20 Nyima 50

Atreine Cainöj: Troa Kökötr Ngöne La Aqane amamane Hnyawa La Itre Hnepe Hnëewekë Kii (be g. 102 ¶4–g. 104 ¶2)

N. 1: Tro Sa Amamane Tune Kaa La Ihnimi Së Koi Akötresie (w04 1/3 g. 19-​21)

N. 2: Iobu 16:​1-​22

N. 3: Akötresie a Ea Tune Kaa La Itre Atr Matre Troa Atrunyi Nyidrë

N. 4: cItre Ethane La Pi Mama Me Hni Ne Icilekeu (rs g. 141 ¶3–g. 142 ¶1)

10 Eip. E Tusi Hmitrötr: Iobu 21-​27 Nyima 119

Atreine Cainöj: Aqane Nyihatren La Itre Mekun Ka Sisitria (be g. 105 ¶1–g. 106 ¶2)

N. 1: Manathith Hna Kapa Qa Ngöne La Itre Ewekë Ne La Ua (w04 15/10 g. 5 ¶4–g. 7 ¶2)

N. 2: Iobu 24:​1-​20

N. 3: Iehova La Atre Hamën La Men, Ka Pë The Së

N. 4: dThupëne Kö La Itre Aja Ne La Ngönetrei (rs g. 142 ¶2)

17 Eip. E Tusi Hmitrötr: Iobu 28-​32 Nyima 100

Atreine Cainöj: Nine Hne Nyinawa Hna Tuluth Hnyawa Thatraqan La Itre Ka Dreng (be g. 107 ¶1–g. 108 ¶5)

N. 1: Aqane Troa Drenge Hnyawa La Itre Icasikeu Me Itre Asabele (be g. 15 ¶1–g. 16 ¶5)

N. 2: Iobu 29:​1-​25

N. 3: The Nue Kö La Aja Ne Lue Mek Troa Musinë Epun (rs g. 142 ¶3-4)

N. 4: Pine Nemene Matre Kola Haine La Aqane Hamë Ini Iesu Hnene La Ka Ala Nyim

24 Eip. E Tusi Hmitrötr: Iobu 33-​37 Nyima 94

Atreine Cainöj: Troa Tuluthe Hnyawa Tune Kaa La Hne Nyinawa Së (be g. 108 ¶6–g. 110 ¶2)

Revizio Hna Ce Ithanatan

1 Mei E Tusi Hmitrötr: Iobu 38-​42 Nyima 154

Atreine Cainöj: Nin​—Tulu Ne Hne Nyinawa (be g. 111 ¶1–g. 112 ¶2)

N. 1: Iobu​—Hetre Thangan Hna Troa Kapa Qa Ngön (si g. 100-1 ¶39-​43)

N. 2: Iobu 38:​1-​24

N. 3: Tune Kaa La Aqane Eatr Enehila Isaia 60⁠:⁠22?

N. 4: eIakötrë Me Itre Ithanata Ka Sisi La Itre Huliwa Ne Ngönetrei (rs g. 143 ¶1)

8 Mei E Tusi Hmitrötr: Salamo 1-​10 Nyima 168

Atreine Cainöj: Nin​—Saze La Enyimenyimen La Aqane Ithanata (be g. 112 ¶3–g. 113¶1)

N. 1: Pane Nyine Troa Atre Ngöne La Tusi Salamo​—Paatr 1 (si g. 101-2 ¶1-5)

N. 2: Salamo 4⁠:1–​5:​12

N. 3: Mejiune Ju Koi Akötresie, Ngo Thaa Koi Atr Kö (rs g. 143 ¶2-3)

N. 4: Xölehuje Ju La Itre Tulu Ne Trenge Ewekë Ne Mel

15 Mei E Tusi Hmitrötr: Salamo 11-​18 Nyima 217

Atreine Cainöj: Nin​—Troa Saze Kiin (be g. 113 ¶2–g. 114 ¶3)

N. 1: Pane Nyine Troa Atre Ngöne La Tusi Salamo​—Paatr 2 (si g. 102-3 ¶6-​11)

N. 2: Salamo 14⁠:1–​16⁠:6

N. 3: Tune Kaa Matre Thaa Itre Sinee Ne La Fene La Itre Nyipi Keresiano?

N. 4: Drei La Atrekë Zöne La Akötre Ne La Itre Atr? (rs g. 375 ¶1-2)

22 Mei E Tusi Hmitrötr: Salamo 19-​25 Nyima 23

Atreine Cainöj: Ithanata Jë Qa Kuhu Hni (be g. 115 ¶1–g. 116 ¶4)

N. 1: Troa Wangaloi Së e Lolo La Aqane Waiewekë Së (w04 15/7 g. 27 ¶4–g. 28 ¶4)

N. 2: Salamo 22:​1-​22

N. 3: Ka Qaa Kaa La Akötr? (rs g. 375 ¶3-4)

N. 4: fNemene La Itre Eamo Hna Amexeje Lapaane Hnei Akötresie, Nge Pine Nemene Matre Tro Sa Wangatrun Itre Ej?

29 Mei E Tusi Hmitrötr: Salamo 26-​33 Nyima 203

Atreine Cainöj: Emelen La Itre Trenge Ithanata Thenge La Itre Mekun (be g. 116 ¶5–g. 117 ¶4)

N. 1: Ka Canga Xolouth La Mekune Së (be g. 17 ¶1–g. 19 ¶1)

N. 2: Salamo 30⁠:1–​31⁠:8

N. 3: Tune Kaa La Aqane Nuamacanyi Së Hnene La Nyipici?

N. 4: Tune Kaa La Aqane Tro Sa Neëne La Itre Akötr Ka Nyimutre (rs g. 376 ¶1-2)

5 Juun E Tusi Hmitrötr: Salamo 34-​37 Nyima 167

Atreine Cainöj: Ekeukawan La Itre Hna Ithanata (be g. 118 ¶1–g. 119 ¶5)

N. 1: Men Ne La Thith (w04 15/8 g. 18 ¶6–g. 19 ¶10)

N. 2: Salamo 34:​1-​22

N. 3: Pine Nemene Matre Nue Aqeane Pi La Akötr Hnene La Akötresie Ka Ihnim (rs g. 376 ¶4)

N. 4: Nemene La Nöjei Pengöne Aqane Kuci Idrola Nyine Tro Sa Kötren?

12 Juun E Tusi Hmitrötr: Salamo 38-​44 Nyima 216

Atreine Cainöj: Qaja Jë La Itre Aliene La Hni (be g. 119 ¶6–g. 120 ¶5)

N. 1: Aqane Xatuane La Mekune Së Hnene La Uati Hmitrötre i Akötresie (be g. 19 ¶2–g. 20 ¶3)

N. 2: Salamo 40:​1-​17

N. 3: Thaa Ka Isazikeu Kö La Nyipi Sias Memine La Tusi Hmitrötr

N. 4: Tro Akötresieti a Apaatrene Trije La Nöjei Ewekë Ka Akötrëne la Itre Hlue i Nyidrë (rs g. 377 ¶1-4)

19 Juun E Tusi Hmitrötr: Salamo 45-​51 Nyima 104

Atreine Cainöj: Enyipiewekën La Troa Enijën La Itre Götran Ne La Ngönetrei Me Ialamek (be g. 121 ¶1-4)

N. 1: Eue La Tro Iesu a Traqa? (w04 1/3 g. 16, itre mekune hna eköhagen)

N. 2: Salamo 46⁠:1–​47⁠:9

N. 3: Pine Nemene Matre Thaa Thinge Kö Akötresie La Lue Meke i Nyidrë Kowe La Ngazo i Adamu (rs g. 377 ¶5–g. 378 ¶1)

N. 4: Nemene La Aliene Lai Kola Hape e Kucakuca La Ketre Keresiano, Celë Hi Angeice Lai a Catre Pe? (2 Kor. 12⁠:⁠10)

26 Juun E Tusi Hmitrötr: Salamo 52-​59 Nyima 103

Atreine Cainöj: Loi e Troa Enijën La Itre Götrane Ne La Ngönetrei Memine La Ialamek (be g. 121 ¶5–g. 123 ¶2)

Revizio Hna Ce Ithanatan

3 Julai E Tusi Hmitrötr: Salamo 60-​68 Nyima 45

Atreine Cainöj: Troa Goeën La Atr Ngöne La Kola Cainöje Trootro (be g. 124 ¶1–g. 125 ¶3)

N. 1: Nemene La Aliene La Hni Ne Ipië i Iehova Koi Së (w04 1/11 g. 29-​30)

N. 2: Salamo 60⁠:1–​61⁠:8

N. 3: Hapeu, Qa Ngöne Laka Easa Kuca La Itre Huliwa i Keresiano, Ke, Ijiji Së Hë Lai Troa Ena La Itre Wathebo i Akötresie?

N. 4: Thaa Akötresieti Kö La Qaane La Kola Hetre Ethane La Ngönetrei Me He (rs g. 378 ¶2-4)

10 Julai E Tusi Hmitrötr: Salamo 69-​73 Nyima 225

Atreine Cainöj: Goeëne Jë La Itre Atren La Icasikeu e Kola Cile Fë Cainöj (be g. 125 ¶4–g 126 ¶6)

N. 1: Pine Nemene Matre Nyipi Ewekë Tro Nyipunie a Inine Hnyawa e Tus? (be g. 21 ¶1–g. 23 ¶3)

N. 2: Salamo 71:​1-​18

N. 3: Iehova a Hnime La Itre Nekön Me Amanathithi Angatr Jëne La Thupene Mele Keriso (rs g. 378 ¶5)

N. 4: gPine Nemene Matre Thaa Tro Kö La Itre Keresiano a Ië Hna Hnim

17 Julai E Tusi Hmitrötr: Salamo 74-​78 Nyima 28

Atreine Cainöj: The Nyi Pengöne Kö Ngöne La Hna Cainöje Trootro (be g. 128 ¶1–g. 129 ¶1)

N. 1: E Jë Cememine La Hni Ka Thele La Loi (be g. 23 ¶4–g. 26 ¶5)

N. 2: Salamo 75⁠:1–​76⁠:⁠12

N. 3: Nemene La Aliene La Kola Hape Troa Thele Iehova? (Zef. 2⁠:⁠3)

N. 4: Thaa Akötresieti Kö a Nyi Jëne La Itre Hulö Matre Troa Nyithupene La Huliwa Ka Ngazo Ne La Itre Atr (rs g. 379 ¶1-3)

24 Julai E Tusi Hmitrötr: Salamo 79-​86 Nyima 112

Atreine Cainöj: The Nyi Pengöne Kö Ngöne La Kola Cile Fë Cainöj (be g. 129 ¶2–g. 130 ¶1)

N. 1: “Troa Hetilelë La Uma Mano Ne La Ite Ka Meköt” (w04 15/11 g. 26 ¶1–g. 28 ¶2)

N. 2: Salamo 82⁠:1–​83⁠:⁠18

N. 3: Ame La Itre Hulö, Tre Thaa Hatrene Kö Lai Ka Hape Thaa Kepe Epuni Kö Hnei Akötresie (rs g. 380 ¶1-2)

N. 4: Hapeu, Ijije Kö Tro La Itre Atr Ka Thaa Pexej a Amadrinë Akötresie?

31 Julai E Tusi Hmitrötr: Salamo 87-​91 Nyima 57

Atreine Cainöj: The Nyi Pengöne Kö Ngöne La Kola e Qëmeken La Itre Atr Ka Ala Nyim (be g. 130 ¶2-4)

N. 1: Ngöne La Kola “Maloe Troa Ate Hmekune Hnene La Ate Trotrohnin,” Me Eatrongë Angeic Hnene La Inamacan (w04 15/11 g. 28 ¶3–g. 29 ¶7)

N. 2: Salamo 89:​1-​21

N. 3: Ketre Götran Ka Nyipi Ewekë Ne La Hmi Së La Troa Inin La Tusi Hmitrötr

N. 4: The Tro Kö a Mekune Ka Hape Easë a Trenamo Pine Laka Hna Amanathithi Së Hnei Akötresie (rs g. 380 ¶3-4)

7 Ogas E Tusi Hmitrötr: Salamo 92-​101 Nyima 190

Atreine Cainöj: Kola Hlemu Loi La Maca Ka Loi Hnene La Aqane Nyihnyawa Së La Ngönetrei Së (be g. 131 ¶1-3)

N. 1: Aqane Troa Inin La Tusi Hmitrötr (be g. 27 ¶1–g. 31 ¶2)

N. 2: Salamo 92⁠:1–​93⁠:5

N. 3: Hapeu, Hatrene Kö Ka Hape Uati Hmitrötre Thene La Ketre Atr La Angeic a Qaja Xanëne La Itre Xaa Qene Hlapa? (rs g. 219 ¶3–g. 220 ¶3)

N. 4: Enyipiewekëne La Troa Nyipici Ngöne La Aqane Ujë

14 Ogas E Tusi Hmitrötr: Salamo 102-​105 Nyima 1

Atreine Cainöj: Aqane Tro La Qahmihmi Memine La Atreine Tulu Ewekë a Mama Ngöne La Aqane Heetr Me Aqane Ele Ihe (be g. 131 ¶4–g. 132 ¶3)

N. 1: “Iehova Fe, Nyimutepi Hë La Ite Huliwa i Cilie!” (w04 15/11 g. 8-9)

N. 2: Salamo 104:​1-​24

N. 3: Pine Nemen Matre Nyipi Ewekë Tro Sa Hmek

N. 4: Pine Nemen Matre Isapengöne Kö La Kola Ithanata Itre Xaa Qene Hlapa Enehila Memine La Hna Melën Hnene La Itre Pane Keresiano Ekö? (rs g. 220 ¶4–g. 221 ¶2)

21 Ogas E Tusi Hmitrötr: Salamo 106-​109 Nyima 201

Atreine Cainöj: Enyipiewekën La Troa Heetre Hnyawa (be g. 132 ¶4-​6)

N. 1: Itre Thöthe Fe​—The Xome Menune Kö La Thiina Ne La Itre Sine Ce Elo i Nyipunie (w04 15/10 g. 22 ¶4–g. 24 ¶5)

N. 2: Salamo 107⁠:​20-​43

N. 3: Kola Xatua Së Hnene La Wesi Ula i Akötresie Troa Wai Tulun e Qaja Jë La Itre Atr Ka Hape Thei Angatr La Uati Hmitrötr (rs g. 221 ¶4–g. 222 ¶1)

N. 4: Tro Sa Nyitipu Akötresie Tune Kaa?

28 Ogas E Tusi Hmitrötr: Salamo 110-​118 Nyima 125

Atreine Cainöj: Loi e Thaa Tro Kö Së a Athixötrën La Itre Xan Hnene La Aqane Heetre Me Ele Ihe Së (be g. 133 ¶1-3)

Revizio Hna Ce Ithanatan

4 Sem. E Tusi Hmitrötr: Salamo 119 Nyima 59

Atreine Cainöj: Troa Cile Hnyawa Nge Itre Jiane Huliwa Hna Nyihnyawan (be g. 133 ¶4–g. 134 ¶4)

N. 1: Itre Manathith Qa Ngöne La Hna Ini Tus (be g. 31 ¶3–g. 32 ¶3)

N. 2: Salamo 119⁠:​25-​48

N. 3: Pine Nemene Matre Tro Sa Metrötrën La Itre Ka Cilë Mus

N. 4: Thaa Hatrene Itre Nyipi Keresiano Kö Enehila La Troa Ithanata Itre Xaa Qene Hlapa (rs g. 222 ¶2-4)

11 Sem. E Tusi Hmitrötr: Salamo 120-​134 Nyima 65

Atreine Cainöj: Aqane Troa Trije Acon La Xou Troa Ithanata (be g. 135 ¶1–g. 137 ¶2)

N. 1: Aqane Troa Ithel (be g. 33 ¶1-g. 35 ¶4)

N. 2: Salamo 121⁠:1–​123⁠:4

N. 3: Uti Hë Eue Lo Ahnahna Göi Troa Ithanata Itre Xaa Qene Hlapa? (rs g. 222 ¶5–g. 223 ¶1)

N. 4: Nemen La Hna Hape “Hyperbole,” Nge Pine Nemene Matre Xome Jë Iesu La Aqane Ithanata Cili?

18 Sem. E Tusi Hmitrötr: Salamo 135-​141 Nyima 97

Atreine Cainöj: Aqane Troa Kuca Matre Thaa Tro Kö a Hlehle Troa Ithanata (be g. 137 ¶3–g. 138 ¶4)

N. 1: Salamo​—Hetre Thangan Hna Troa Kapa Qa Ngön​—Paatr 1 (si g. 105-6 ¶23-7)

N. 2: Salamo 136:​1-​26

N. 3: Kola Hapeue La Kola Hape Pui Ne Xeni Ne Acaasin La Drai Ne Amekunën?

N. 4: hThaa Qaa Kö Hnine Tusi Hmitrötr La Ini Hna Hape Tirinite (rs g. 412 ¶1–g. 417 ¶5)

25 Sem. E Tusi Hmitrötr: Salamo 142-​150 Nyima 5

Atreine Cainöj: Enyipiewekën La Troa Hetre Sono (be g. 139 ¶1–g. 140 ¶1)

N. 1: Salamo​—Hetre Thangan Hna Troa Kapa Qa Ngön​—Paatr 2 (si g. 106 ¶28-​32)

N. 2: Salamo 142⁠:1–​143⁠:⁠12

N. 3: iMaine Hnyingë Epuni Jë Ka Hape, ‘Epuni Kö a Hane Lapaun Kowe La Tirinite?’ (rs g. 432 ¶2–g. 433 ¶4)

N. 4: Tro Sa Tro Pane Tune Kaa La Itre Aja Ne La Itre Xaa Atr Hu Së?

2 Okot. E Tusi Hmitrötr: Ite Edomë 1-6 Nyima 111

Atreine Cainöj: Troa Atreine Ithanata Hnyawa Ngöne Mikro (be g. 140 ¶2–g. 142 ¶1)

N. 1: Pane Nyine Troa Atre Ngöne La Tusi Ite Edomë​—Paatr 1 (si g. 107 ¶1-5)

N. 2: Ite Edomë 5:​1-​23

N. 3: Pine Nemen Matre Tru Catre La Iangazo e Celë Fen? (rs g. 237 ¶2–g. 238 ¶1)

N. 4: jThe Itrofëkeune Kö La Itre Ifejicatre (2 Tim. 4⁠:⁠4)

9 Okot. E Tusi Hmitrötr: Ite Edomë 7-​11 Nyima 73

Atreine Cainöj: Troa Sa Jëne La Tusi Hmitrötr (be g. 143 ¶1-3)

N. 1: Pane Nyine Troa Atre Ngöne La Tusi Ite Edomë​—Paatr 2 (si g. 107-8 ¶6-​11)

N. 2: Ite Edomë 7:​1-​27

N. 3: Kola Xatuane La Caas Thene La Itre Trejin Hnene Laka Thaa Sine Hë Angatre La Fen

N. 4: Pine Nemene Matre Akötresieti a Nue La Iangazo? (rs g. 238 ¶2–g. 239 ¶2)

16 Okot. E Tusi Hmitrötr: Ite Edomë 12-​16 Nyima 180

Atreine Cainöj: Aqane Tro Sa Atreine Huliwan La Tusi Hmitrötr (be g. 144 ¶1-4)

N. 1: Inine Jë Së Troa Huliwan La Itre Xaa Jiane Huliwa Nyine Thele Mekun (be g. 35 ¶3–g. 38 ¶4)

N. 2: Ite Edomë 14:​1-​21

N. 3: Tune Kaa La Aqane Kepe Eloine Së La Hna Nue Hnei Akötresie La Iangazo (rs g. 240 ¶1-2)

N. 4: Nemene La Ka Troa Xatua Së Troa Drenge Hnyawa Ngöne La Itre Icasikeu?

23 Okot. E Tusi Hmitrötr: Ite Edomë 17-​21 Nyima 131

Atreine Cainöj: Ithuecatre Jë Troa Xome Pala Hi la Tusi Hmitrötr (be g. 145-6)

N. 1: Ite Edomë​—Hetre Thangan Hna Troa Kapa Qa Ngön​—Paatr 1 (si g. 110-​11 ¶19-​28)

N. 2: Ite Edomë 17:​1-​20

N. 3: Tune Kaa La Aqane Troa Goeën La Itre Qatre Hnene La Itre Keresiano

N. 4: kNemene La Aqane Troa Waipengöne La Itre Föe Hna Qaja Hnene La Tusi Hmitrötr? (rs g. 157 ¶2-3)

30 Okot. E Tusi Hmitrötr: Ite Edomë 22-​26 Nyima 9

Atreine Cainöj: Enyipiewekën La Troa Hnëkën La Itre Xötr e Qëmekene Troa e (be g. 147 ¶1–g. 148 ¶2)

Revizio Hna Ce Ithanatan

6 Nof. E Tusi Hmitrötr: Ite Edomë 27-​31 Nyima 51

Atreine Cainöj: Troa Iëne Hnyawa La Itre Mekun Ka Ijij Göi Troa Nyi Gojenyi Ne La Itre Xötr Nyine Troa e (be g. 148 ¶3–g. 149 ¶3)

N. 1: Ite Edomë​—Hetre Thangan Hna Troa Kapa Qa Ngön​—Paatr 2 (si g. 111-​12 ¶29-​38)

N. 2: Ite Edomë 28:​1-​18

N. 3: Hapeu, Kolo Kö Lai a Wangacone La Itre Föe Hnene Laka Trahmanyi La Ka Musi Koi Angatr? (rs g. 157 ¶4–g. 158 ¶2))

N. 4: Pine Nemene Matre Thaa Loi Kö e Tro Sa Qejepengöne Menun La Itre Atr Hne Së Hna Cainöje Kow Hnene Hi La Ka Mama Kowe La Lue Meke Së

13 Nof. E Tusi Hmitrötr: Ate Cainöj 1-6 Nyima 25

Atreine Cainöj: Troa Acatrene Hnyawa La Mekune Kii e Eje a Tro Qa Kuhu Hni Së (be g. 150 ¶1-2)

N. 1: Pane Nyine Troa Atre Ngöne La Tusi Ate Cainöj (si g. 112-​13 ¶1-8)

N. 2: Ate Cainöj 5:​1-​15

N. 3: Hna Juetrën Tune Kaa La Itre Nyipici Qa Hnine La Tusi Hmitrötr Kowe La Itre Ka Inamacan, Me Itre Macamek? (Mat. 11⁠:⁠25)

N. 4: Tro Kö La Itre Föe a Hane Itre Hlue? (rs g. 158 ¶3–g. 159 ¶1)

20 Nof. E Tusi Hmitrötr: Ate Cainöj 7-​12 Nyima 37

Atreine Cainöj: Qaja Amamane Hnyawa Jë La Itre Nyipi Hnepe Hnëewekë (be g. 150 ¶3–g. 151 ¶2)

N. 1: Ate Cainöj​—Hetre Thangan Hna Troa Kapa Qa Ngön (si g. 114-15 ¶15-​19)

N. 2: Ate Cainöj 9:​1-​12

N. 3: Pine Nemene Matre Kola Atu He e Itre Xaa Ijin Hnene La Itre Keresiano Föe? (rs g. 159 ¶2–g. 160 ¶1)

N. 4: Nemene La Engazone La Troa Izalukeu?

27 Nof. E Tusi Hmitrötr: Nyima i Solomona 1-8 Nyima 11

Atreine Cainöj: Itre Aqane Troa Acatren La Mekun (be g. 151 ¶3–g. 152 ¶5)

N. 1: Pane Nyine Troa Atre Ngöne La Tusi Nyima i Solomona Nge Hetre Thangan Hna Troa Kapa Qa Ngön (si g. 115-​17 ¶1-4, 16-​18)

N. 2: Nyima i Solomona 7⁠:1–​8⁠:4

N. 3: Pine Nemene Matre Loi e Tro La Itre Keresiano a Heetre Hnyawa, Me Porop, Me Qahmihmi?

N. 4: Ka Loi Kö Kowe La Itre Föe Troa Xom La Itre Nyine Nyi Ha Me Ami Otren Me Fini Cein? (rs g. 161 ¶1-3)

4 Dis. E Tusi Hmitrötr: Isaia 1-5 Nyima 90

Atreine Cainöj: Troa Hamë Ini Hnyawa Hmekun La Itre Xötr Hna Xom (be g. 153 ¶1–g. 154 ¶3)

N. 1: Nyine Pane Troa Atre Ngöne La Tusi Isaia (si g. 118-​19 ¶1-8)

N. 2: Isaia 3:​1-​15

N. 3: Hapeu, Tro Kö Elanyi a Apaatrene Trije La Fen Hnene La Eë? (rs g. 250 ¶1-2)

N. 4: lPine Nemene Matre Loi e Tro La Itre Keresiano a “Hmite Troa Elëhni” (Iako. 1:​19)

11 Dis. E Tusi Hmitrötr: Isaia 6-​10 Nyima 204

Atreine Cainöj: Thaa Tro Kö a Jol Troa Trotrohnin La Itre Ini Hna Hamën Ka Ihmeku Memine La Itre Xötr (be g. 154 ¶4–g. 155 ¶4)

N. 1: Aqane Eköth La Tulu Ne Cainöj (be g. 39-​42)

N. 2: Isaia 10:​1-​14

N. 3: Pine Nemene Matre Nyipi Ewekë Catr Troa Atreine Nue La Itre Ngazo Hna Kuca Koi Së Hnei Itre Xan?

N. 4: Drei La Ka Musinën La Fene Celë​—Akötresie Maine Satana? (rs g. 250 ¶3–g. 251 ¶3)

18 Dis. E Tusi Hmitrötr: Isaia 11-​16 Nyima 47

Atreine Cainöj: Troa Wai Emekötin La Itre Mekun Qa Hnine La Tusi Hmitrötr (be g. 155 ¶5–g. 156 ¶4)

N. 1: Itre Thöthe Fe​—Nue Pi La Itre Keme Me Thine i Epun Troa Xatua Epuni Troa Thupën La Hni Epun (w04 15/10 g. 20 ¶1–g. 22 ¶3)

N. 2: Isaia 11:​1-​12

N. 3: Tune Kaa La Aqane Goeëne la Fen Hnene La Itre Nyipi Keresiano Memine La Itre Atren ej? (rs g. 251 ¶4–g. 252 ¶4)

N. 4: Thaa Tro Kö La Itre Nyipi Keresiano a Hane Isi e Amagedo

25 Dis. E Tusi Hmitrötr: Isaia 17-​23 Nyima 53

Atreine Cainöj: Loi e Troa Mama La Aqane Troa Trongën La Itre Mekun Hna Qaja (be g. 157 ¶1-5)

Revizio Hna Ce Ithanatan

[Ithuemacany]