Göi Itre Icasikeu Ne La Huliwa

Ithuemacany: Ngöne la caas maine lue treu thupene la hnei epuni hna sin la Kovasio Ne Distrik hna hape “Loi e Troa Drengethenge Akötresie,” tre, amë ju la 15 koi 20 menetr ngöne la ketre ijine Icasikeu Ne La Huliwa (maine jë troa xome la götran ne la itre ihaji koi së) göi troa ce wange hmaca la itre mekune ka tru ka hetre thangane ka loi kowe la itretre cainöje ngöne la huliwa ne cainöj. Tro la Icasikeu Ne Huliwa cili ka ketrepengön a aijijë së troa qejepengöne la aqane trongëne së la itre mekune hne së hna kapa ngöne lai kovasio, me itre thangane ka loi ngöne la huliwa ne cainöje së.​—Wange ju la Huliwa Ne Baselaia ne treu Julai 2005, g. 2.

Koi 10 Okotropa Me Wiike Cili

Nyima 17

10 men: Itre ithuemacanyi koi së. Iëne jë la Itre Hna Amekötiin qa hnine la Huliwa Ne Baselaia. Xome jë la itre mekune nyine ixatua ngöne la götrane 8 (maine ka loi kowe la teritoare i epun) matre troa iamacanyine la aqane troa tro fë la zonale La Tour de Garde ne 15 Okotropa me Réveillez-vous ! ne 22 Okotropa. Thupene la hna isa iamacany, amamane hnyawa jë la itre götrane gaa lolo ne la aqane nyiqaane ithanata. Ketre, köjane ju la itre xaa hna cinyihane e hnin la itre zonal ka ijije troa ketr la itre atr ngöne la teritoare së.

15 men: Hapeu, Lolo Kö La Aqane e Tusi Lapaa i Epun? Troa ce ithanatane la itre mekune hna iën qa hnine la itus École du ministère, götrane 21-6. Nemene la nyine tro sa e? (g. 21, itre mekune hna eköhagen) Pine nemene matre nyipi ewekë koi së troa e la itre itus hna hamë së. (g. 23, par. 2) Nemene la nyine kuca matre tro pala hi a e tus? (g. 26, par. 3-4) Tune kaa la aqane tro epuni a ami traem göi troa e la itre zonal La Tour de Garde me Réveillez-vous ! Tune kaa la aqane kepe thangane epuni lai?

20 men: “Catre Jë Qaja Lapaane La Wesi Ula i Akötresie.”a Könëne jë la itre atrene la icasikeu troa qaja la itre ewekë hna melën, laka nango jole koi angatr troa cainöj, ngo itre ijine hi lai tro angatr a catr. Nemene la ka xatua angatre troa catr cainöj?

Nyima 78 me thithi ne nyipun.

Koi 17 Okotropa Me Wiike Cili

Nyima 36

10 men: Itre ithuemacanyi koi së. Xome jë la paatr 3 ne la sinetrongene la Huliwa Ne La Baselaia ne Semitrepa 2005, nge ce wange ju la caas maine lue mekune ngöne la aqane troa xome hnyawa la itre xötre ngöne la itre ijine ini Tusi Hmitrötr me itre atr.

15 men: Wange Kö La Itre Ethane La Internet. Cainöj hna troa kuca hnene la qatre thup hna eköth hune la Réveillez-vous ! ne 8 Diseba 2004, götrane 18-​21.

20 men: “Amamane Jë La Ihnimi Së Koi Itre Xan​—Ene La Troa Menyik.”b Könëne jë la itre atrene la icasikeu troa qeje mekune ngöne la aqane troa thiina ka menyik ngöne la easa cainöje trootro. Troa ce wange la itre xaa jëne troa amamane la ihnimi së kowe la itre hne së hna cainöje kow, ngöne la itre Huliwa Ne Baselaia ka troa xulu.

Nyima 2 me thithi ne nyipun.

Koi 24 Okotropa Me Wiike Cili

Nyima 68

10 men: Itre ithuemacanyi koi së. Amamane jë la itre hna amekötin göi cainöj e 1 Nofeba. E jë la hna ithingë me itre xaa ahnahna ju kö. Xome jë la ketre e itre aqane nyiqaane ithanata hna hamën ngöne la sinetrongene la Huliwa Ne Baselaia ne Januare 2005 maine ketre aqane tro fë ka ijij ngöne la teritoare i epun, nge amacane jë la aqane troa tro fë la itus göi Nofeba.​—Wange ju la Huliwa Ne Baselaia ne Januare 2005, g. 8, par. 5.

15 men: Itre ihaji koi së.

20 men: Amamane Jë La Itre Trepene Meköti Akötresie Hene La Aqane Heetre Me Iseji Së. Cainöj hna troa cile fë hnene la ketre qatre thup, me ce ithanatane itre mekune qa hnine la La Tour de Garde ne 1 Ogas 2002, götrane 17-​19. Könëne jë la itre atrene la icasikeu troa qeje mekun, nyine amamane la enyipiewekëne troa cepunikë me qahmihmi la aqane nyihnyawa së la ngönetrei së me nyijëne troa cainöj.

Nyima 153 me thithi ne nyipun.

Koi 31 Okotropa Me Wiike Cili

Nyima 209

10 men: Itre ithuemacanyi koi së. Amekunëne jë la itretre cainöje troa hamën la rapore ne hna cainöj ne la treu Okotropa. Xome jë la itre mekune nyine ixatua ngöne la götrane 8 (maine ka loi kowe la teritoare i epun) matre troa iamacanyine la aqane troa tro fë la zonale La Tour de Garde ne 1 Nofeba me Réveillez-vous ! ne 8 Nofeba. Ame ngöne la ketre iamacany, ami trepene jë la iwaihmaca ka xulu me amamane la itre mekune hna eköhagen hna hape, “Itre Hna Cinyihane Ka Troa Xulu.”​—Wange ju La Huliwa Ne Baselaia ne Okotropa 1998, g. 8, par. 7-8.

15 men: Akökötrene Jë La Aja Ne La Itre Atr Hne Së Hna Lapaa Hamë Zonale Kow. Cainöj, nge troa ce ithanatane la itre mekune qa hnine la Huliwa Ne Baselaia ne Mei 2005, götrane 8. Troa nyiqaane tune kaa la ketre gojenyi ne zonal? (par. 1) Tune kaa la aqane tro sa isa hnëkëne la caa xötr thatraqane la itre atr hne së hna troa ithanata kow? (par. 3) Pine nemene matre thaa tro hmekuje kö a e hi la ketre xötre hnei epuni hna iën? (par. 5) Troa kuca la ketre iamacanyi hnene la ketre trejin, angeic a xome la caa xötr thenge la mekune hna ce ithanatan memine la atr hna lapaa hamë zonale kow.

20 men: Itre Thöth Ka Cile Catr, Cememine La Metrötr. Cainöje hna troa kuca hnene la ketre qatre thup, hna eköthe hune la La Tour de Garde ne 15 Semitrepa 2002, götrane 23-4, fene la hna cinyihane “Hnei Angatr Hna Thipën Cememine La Metrötr.” Canga hnëkëne jë matre tro la caas maine lue thöth a qaja la itre jole hnei nyidro hna cile kow ngöne la hna ini, nge nemene la ka xatua nyidro troa atreine qëmeke kow.

Nyima 222 me thithi ne nyipun.

Koi 7 Nofeba Me Wiike Cili

Nyima 39

5 men: Itre ithuemacanyi koi së.

20 men: Nyihnyawane Jë La Aqane Drenge Hnyawa Nyipunie Ngöne La Itre Icasikeu. Cainöje me troa ce ithanatane la itre mekune qa hnine la La Tour de Garde ne 15 Semitrepa 2002, götrane 12-​14, paragarafe 11-​14. Ce wange ju la itre ixatua hna hamën, nge könëne jë la itre atrene la icasikeu troa qaja la ka xatua angatr troa kepe manathithi qa ngöne la itre icasikeu ne la ekalesia.

20 men: “Akökötrene Jë La Atreine Troa Thele Mekune Me Itre Atr.”c Könëne jë la itretre cainöje troa qaja la aqane kuca i angetre matre atreine angatre troa thele ewekë memine la itre atr ka isapengöne aqane mel ngöne la teritoare së.

Nyima 50 me thithi ne nyipun.

[Ithuemacany]