Göi Itre Icasikeu Ne La Huliwa
Koi 14 Januare Me Wiike Cili
Nyima 41
10 men: Itre ithuemacanyi koi së. Iëne jë la Itre Hna Amekötiin qa hnine la Huliwa Ne Baselaia. Xome jë la itre mekune nyine ixatua ngöne la götrane 8 maine itre xaa aqane nyiqaane ithanata pena thatraqane la teritoare i epun, nge iamacanyine jë la aqane troa tro fë la itre zonal La Tour de Garde ne 1 Januare me Réveillez-vous ! ne Januare, maine kolo lue hna kapa pinën.
15 men: “Thele Jë Troa Xome Hnyawa La Traeme i Epuni Ngöne La Huliwa Ne Cainöj.”a Hnyinge jë kowe la caa trejine ka amamai tulu ngöne la aqane xomiuijine angeice la icasikeu göi cainöje trootro me xatuane la itre atren. Tune kaa la aqane hnëkë angeic matre troa xomiujine la icasikeu, me huliwane hnyawane la traeme ngöne la hna cainöje trootro?
20 men: “Loi e Ewekë Pala Hi Nyipunie . . . Hna Aloine Hnei Alase.”b Ame la kola ce goeëne la paragarafe 2, e jë la Ioane 4:7-15, 39.
Nyima 85
Koi 21 Januare Me Wiike Cili
Nyima 215
10 men: Itre ithuemacanyi koi së. Qaja jë la itusi hna troa tro fë e treu Febuare, nge troa iamacanyine ngöne la caas. Xatuane jë la itre trejine troa goeëne la video Soigner sans transfuser — Besoins et droits du patient, matre troa canga hnëkë, ke kola troa ce ithanatane lai ngöne la Icasikeu Ne La Huliwa ne 4 Febuare me wiike cili.
10 men: Hane Kö Epuni Goeëne Lapaane La Topik Ne La Drai? Cainöj nge troa ce ithanatan la itre mekune hna hamëne ngöne la itre pane götrane ne la sine itus, Examinons les Écritures chaque jour — 2008? Ce ithanatane jë la enyipiewekëne kowe la itre trejine asë troa xome ngöne la nöjei drai la itre menetre ka xalaithe hi matre troa waipengöne la trekes. Sipone jë kowe la itre atrene la ekalesia la aqane goeën angatre la trekesi ne la drai, memine la itre eloine hnei angatre hna kapa qa ngön. Canga wange jë la caas maine lue trejine matre troa canga hnëkë. Troa wanga atrune la itre hnepe mekun ngöne la topike ne la macatre 2008.
25 men: “Troa Anyipicine La Maca Ka Loi.”c (Par. 1-10) Troa cile fë hnene la atre thupëne la huliwa ne cainöj. Troa hnyinge kowe la caas maine lue ka cainöj ka hane pionie ka ixatua lo macatre ka ase hë ngacama itre ka huliwa ngöne la drai ka pexej, maine itre sine wezipo pena. Tune kaa la aqane eatrëne nyidroti la huliwa cili? Nemene la itre manathith hnei nyidroti hna kapa? Ame la kola ce wange la paragarafe 7, amamane hnyawa jë la porogarame hna eköthe thatraqane la itre icasikeu göi cainöje trootro e treu Maac, Eiperem, me Mei.
Nyima 177
Koi 28 Januare Me Wiike Cili
Nyima 52
10 men: Itre ithuemacanyi koi së. Amekunëne jë la itre trejine troa hamën la rapor ne hna cainöj ne Januare. E jë la hna ithingë me itre ahnahna. Troa ce ithanata la itre mekune qa hnine La Tour de Garde ne 1 Febuare me Réveillez-vous ! ne Febuare maine lue hna kapa pinën. Hamëne jë la itre mekune ka tru ne la lue zonal isa ala caas, thupene lai, hnyinge jë kowe la itre trejine la itre hna cinyihane ka troa ketr la itre atrene la teritoar, nge pine nemen. Könëne jë la itre trejine troa qaja la itre mekune ka tru ne la itre hna cinyihane hnei angatre hna mekune troa tro fë. Nemene la hnyinge nyine amejëne matre troa nyiqaane la porotrik? Nemene xötr hnine la hna cinyihan nyine tro sa xome matre troa e? Nemene la ka iothekeune la xötre memine la hna cinyihan? Xome jë la itre aqane nyiqaane ithanata ka hmaloi götrane 8, nge iamacanyine jë la aqane troa isa tro fë la lue zonal?
20 men: “Troa Anyipicine La Maca Ka Loi.”d (Par. 11-17) Maine hetrenyi la itre pepa ne ihë göi Drai Ne Amekunën, tre, troa hamëne itre ej kowe la nöjei atrene la icasikeu ngöne la kola ce wange la paragaraf 14.
15 men: “Xatuane Jë La Itre Hnainin Troa Itretre Cainöjëne La Maca Ka Loi Ne La Baselaia.”e Maine ijij, könëne jë la itre trejine troa hamë mekune ngöne la itre xötr hna fejan.
Nyima 22
Koi 4 Febuare Me Wiike Cili
Nyima 161
10 men: Itre ithuemacanyi koi së. Ce wange ju lo hna cinyihane hna hape, Kola Sa La Itre Hnyinge i Nyipunie.
10 men: Itre ihaji koi së.
25 men: “Epuni Kö a Uthe Trongëne La Ijine Troa Nyialiene La Pepa Göi Madra Hna Hape DPA?” Troa cile fë hnene la ketre qatre thup. Troa canga ce ithanatane la video hna hape Besoins et droits du patient, me xome la itre hnying hna hamën hnine la hna cinyihane. Nyipune ju me e la paragaraf tixenuë me Ithuecatre kowe la itre trejine asë troa ce wange hnyawa la itre hna cinyihane hnine La Tour de Garde me Huliwa Ne Baselaia. Qejepengöne jë la aqane tro la itre trejine isa ala caas ka thaa hane petre kö nyialiene la pepa i angatr göi xomi madra, a xome hmaca lo itre pepa ne huliwa nyine ixatua hnine lo sinetrongene lo Huliwa Ne Baselaia ne Nofeba 2006. Tro lai a xatua angatre troa isa axecië mekun ngöne la itre mutine la madra me itre hna amekötin hnei pital göi sipu madra së, nge thupene lai troa nyialiene la pepa DPA hnene la itre hne së hna axeciën. Ame lo itre ka nyialiene hë lo pepa i angatr, maine jë angatre hmaca a saze lo hnei angatre hna axeciëne ekö, nga nyipi ewekë troa nyialiene la ketre pepa ka hnyipixe.
Nyima 4
[Ithuemacany e cahu fen]
a Thaa tro kö a sasaith la caa menetr ne nyiqaan, nge thupene lai troa ce ithanatan.
b Thaa tro kö a sasaith la caa menetr ne nyiqaan, nge thupene lai troa ce ithanatan.
c Thaa tro kö a sasaith la caa menetr ne nyiqaan, nge thupene lai troa ce ithanatan.
d Thaa tro kö a sasaith la caa menetr ne nyiqaan, nge thupene lai troa ce ithanatan.
e Thaa tro kö a sasaith la caa menetr ne nyiqaan, nge thupene lai troa ce ithanatan.