The Xou Kö Troa Cainöje Ngöne La Itre Götrane Hna Huliwa i Maseta
1. Pine nemene matre tha tro kö sa luelu, e ka xou së troa cainöje ngöne la itre götrane hna huliwa i maseta?
1 Hapeu, nyipunieti a xou troa cainöje ngöne la itre götrane hna huliwa i maseta? Maine nyipunieti a xou, the luelue kö, ke, kola mama laka, ngacama ame Paulo ekö, tre, ka catre cainöje nyidrë nge tha ka xou kö troa tro fë la maca ka loi, ngo hnei nyidrëti fe hna hane sipone koi Akötresieti la trenge ‘catre’ matre troa cainöj. (1 Thes. 2:2) Tro sa ce wange la itre xa mekune ka iajolë, memine fe la itre aqane troa cile kowe itre ej.
2. Pine nemene matre tha tro pi kö sa mekune ka hape, tro ha wesitr la itre ka huliwa?
2 Hapeu e Traqa Ju Wesitre Koi Së Hnene La Itre Ka Huliwa? Ame ngöne la itre xa götran, tre, huliwa ne la itre xan troa xatuane la itre ka traqa; celë hi matre tha kolo kö a ajolë angatre hnene la itre atr ka traqa sipo ixatua thei angatr. Maine jë tro angatre a kepe epuni hnyawa, ke, ma ame koi angatr, tro hë epuni elanyi a traqa lapa thei angatr. Tro ha metrötrë epuni hnei angatr, e hnei epuni hna hetre hnyawa me thina ka menyik.
3. Nemene la nyine tro sa kuca matre tha tro kö a wesitr la itre atr?
3 Tro Kö Ni a Ithanata Qëmekene La Nöjei Atr Ngöne La Hna Huliwa? E ijiji së hi, loi e tro sa iëne hnyawa la ketre ijine ngöne laka tha tiqa menu kö hnei atr, maine jë ngöne la kola xötrei fe la itre qëhnelö. Treqene hnyawa ju la kola cile cas hnene la maseta maine ketre ka huliwa pena. Nge mekune kö troa ahopatrene la aqane nyiqane ithanata së.
4. Nemene la nyine tro sa qaja e kola huliwa la itre atr?
4 Nemene La Nyine Tro Ni a Qaja? Maine ala nyimu la itre ka huliwa, hawe, thele jë troa ithanata memine la maseta. Maine jë tro epuni a qaja ka hape: “Jole catre koi huni troa öhne la itre atr ka huliwa e koilo itre hnalapa i angatr, celë hi kepine matre eahuni enehila a wai epuni ngöne la hna huliwa i epun. Pine laka epuni a huliwa, tha tro kö ni a aqean.” The qaja kö la itre hna amekötine göne la itre ahnahna, ke, mekuhni jë angeic ka hape, easa thele mani. Ngo e angeice a hnyingëne haawe, sa jë koi angeic. Thenge la pengöne huliwa hna kuca hnene la itre atr, maine jë tro sa sipone kowe la maseta, maine ijiji së kö troa ithanata nyimenyime kowe la itre ka huliwa. E nue së pi hë, qaja hmaca jë koi angatre la aqane nyiqane ithanata i epun. Ngo maine ka hetre jole ne la ketre atr, tre, ahopatrene ju hi nge hamëne pi la ketre tarak. Maine jole e troa ithanata kowe la itre ka huliwa, maine jë ijije tro nyipunieti a tro fë itus ngöne la götrane hna mano i angatr, maine ketre pena.
5. Pine nemene matre nyipi ewekë tro sa mejiune ngöne la easa cainöje ngöne la itre götrane hna huliwa i maseta?
5 Hetrenyi thei Iesu me Paulo la mejiune ngöne la nyidroti a cainöje kowe la itre atr ngöne la itre hna huliwa i angatr; ijije fe tro epuni a tui nyidro. (Mat. 4:18-21, 9:9; Ite hu. 17:17) Sipo ixatua jë koi Iehova, matre troa aegöcatrenyi nyipunie me hane akeukawane fe la hni nyipunie. (Ite hu. 4:29) Thatreine kö troa patre la itre atr ngöne la itre hna huliwa i maseta; qa ngöne lai, maine tro sa catre cainöje ngöne la itre götrane cili, tro hë sa kepe thangane ka nyimutre.