Itre Hna Amekötin Göi Icasikeu e Nyipine La Wiik

Qaane e 3 Semitrepa, tro ha 30 lao menetre ne Ini Tusi Hmitrötr Ne La Ekalesia, ngo tha 25 menetre hmaca kö. Tha tro kö a sasaithe la ca menetre ne nyiqaane hnene la trejine ka xomiujin, ke, kolo hi a troa nango amexeje la itre mekunene lo ini ka ase hë. Nge hna saze fe la traeme thatraqane la Icasikeu Ne La Huliwa, 30 hë lao menetr, ngo tha 35 menetre hmaca kö. Ame göi itre ithuemacany, tre, tro pë hë a hamëne ngöne la kola pane tro fë la pane hnëqa ne la icasikeu. Eje hi laka, xalaithe hi la itre ithuemacanyi ka nyipi ewekë troa qaja, nge tha nyipi ewekë kö troa qaja la nöjei hnëqa hna troa cile fë ngöne la icasikeu. Tha tro kö a qaja la itre ithuemacanyi göi cainöje trootro, me porogarame ne nyihnyawa uma memine fe la ibozu ne la itre xa trejin. (km 10/08 g. 1, par. 4) Maine kola mama laka ka nango qea la ketre ithuemacany, loi e troa canga atre hnene la itre trene hnëqa matre tro angatr a ahopatrene la traeme ne tro angatr a cile fë la hnëqa i angatr.