Les jeunes s’interrogent... Comment se faire de vrais amis ?

Hnei Iehova hna xup la atr cememine la aja troa ce mele me itre xa atr, me hetre sine ce elo. (Ite edomë 17:17; 18:1, 24) Ngo maine easa ajane troa öhnyi madrine qa ngöne la hna ce mel, tre loi e troa iëne hnyawa la itre sine ce elo së. (Ite edomë 13:20) Thupene la hnei nyipunieti hna goeëne lo video Les jeunes s’interrogent... Comment se faire de vrais amis ?, pane tupathe ju troa sa cahu itre hnying.

Nyiqaan:

(1) Nemene la pengöne la sine ce elo ka loi?

Itre Ewekë Ka Isew Troa Hetre Sine Ce Elo:

(2) Nemene la nyine troa kuca matre tha tro kö sa dreng akötrën la kola tha nyipi ewekë së hnei itre xan? (Fil. 2:4) (3) Pine nemene matre loi e tro sa thele troa wenë aloin la thiina së, nge nemene la ka troa xatua së ngöne la götrane cili? (2 Kor. 13:11) (4) Nemene la nyine tro sa kuca matre tru hnei sine ce elo së?—2 Kor. 6:13.

Aqane Troa Imelekeu Me Akötresie:

(5) Nemene la nyine troa kuca matre troa kökötre la imelekeu së me Iehova, nge pine nemene laka ewekë ka loi lai nyine troa kuca? (Sal. 34:8) (6) Maine tro sa xomi Iehova nyine sipu enehmu së, nemene la thangane ka loi ngöne la easa ië sine ce elo së?

Tha Itre Nyine Ce Elo Kö Memin:

(7) Drei la itre tha nyine tro kö sa ce elo memin? (1 Kor. 15:33) (8) Tro la itre sine ce elo ka tune lai a thë tune kaa la aqane mele së ngöne la götrane la ua?

Kola Elone La Ewekë Hna Melëne Hnene La Itre Thöth:

(9) Nemene la hna ini së hnene la pengö i Dina, lo hna qaja ngöne Tusi Hmitrötr? (Gen. 34:1, 2, 7, 19) (10) Nemene la hna qaja hnei Dina göi troa qeje kepine la angeic a ce elo memine la itre thöthi ka tha ce hmi kö me angeic? (11) Nemene pengöne ewekë ka ngazo hnene la itre sine ini Tara hna uku angeice kow? (12) Pine nemene matre tha öhne ju kö hnei keme me thine i Tara, la angeice ha tro koi itre ewekë ka ngazo, ngo nemene la aqane ujë i nyidro ngöne la nyidroti a xatua Tara, matre troa hetre trenge catre hmaca ngöne la götrane ua? (13) Hnene la ketre trejine föe ka pionie hna amamane tune kaa ka hape, nyipi enehmu i Tara eahlo? (14) Hna saze la aqane wai ewekë i Tara göi nemen?

 Pun:

(15) Nemene la itre ini hne së hna xom qa ngöne la video celë? (16) Nemene la aqane tro nyipunieti a huliwane la video celë, matre troa hane xatuane la itre xa atr?

Catre pi së iëne la itre sine ce elo ka troa xatua së troa acatrene hnyawane la aqane imelekeu së me Akötresie!—Sal. 15:1, 4; Is. 41:8.