Revizio Ne La Ini Ne Cainöje Qaathei Akötresie

Troa ce ithanatane cahu itre hnying ngöne la ijine Ini Ne Cainöj Qaathei Akötresie, e 29 Okotropa 2012 me wiike cili. Hna hamëne fe la itre ijine kola troa isa ithanatane cahu itre mekun, göi matre troa canga hnëkë ngöne la nöjei wiik.

1. Nemene la hna nyihatrene hnene la ita ne huuj hna meköle goeëne hnei Ezekiela? (Ezek. 43:13-20) [10 Sem., w07-F 1/8 g. 10 par. 4]

2. Nemene la hna nyihatrene hnene la timi ne la hneopegejë ka neni hna meköle goeëne hnei Ezekiela? (Ezek. 47:1-5) [17 Sem., w07-F 1/8 p. 11 par. 2]

3. Nemene la ini hna kapa hnei Daniela lo angeic a thöth hna amamane hnene la trenge ewekë hna hape, “xecie hë e kuhu hni” angeic? (Dan. 1:8) [24 Sem., dp-F g. 33-34 par. 7-9; g. 37 par. 16]

4. Nemene la hnanyihatrene hnene la isinöe atraqatr hna meköle goeëne hnei Nebukaneza? (Dan. 4:10, 11, 20-22) [1 Oko., w07-F 1/9 g. 18 par. 5]

5. Nemene la aqane thith hna ini së hnei Daniela 9:17-19? [8 Oko., w07-F 1/9 g. 20 par. 5-6]

6. Nemene la “isisinyikeu kowe la ala nyimu” tha hna apatrene kö, nge ka eje pala hi uti hë lo macatre 36 M.K., ene lo pune la hna 70 ne wiik, kolo itre wiik ka sevene lao macatre? (Dan. 9:27) [8 Oko., w07-F 1/9 g. 20 par. 4]

7. Nemene la hne së hna trotrohnine qa ngöne la itre ithanata ne la angela koi Daniela ka hape, hna thele troa iwatratra me angeice hnene “la joxu ne la baselaia ne Peresi?” (Dan. 10:13) [15 Oko., w11-F 1/9 g. 8 par. 2-3]

8. Nemene la hna perofetane hnene la Tusi Hmitrötre ka eatre kowe la Mesia tune la hna qaja ngöne Daniela 11:20? [15 Oko., dp-F g. 232-233 par. 5-6]

9. Tune la hna qaja ngöne Hosea 4:11, nemene la ketre engazone la troa iji atrune la kahaitr? [22 Oko., w10-F 1/1 g. 4-5]

10. Nemene la ini hna melene nyine tro sa xome qa ngöne Hosea 6:6? [22 Oko., w07-F 9/15 g. 16 par. 8; w05-F 15/11 g. 24 par. 11-12]