Porogaram Koi Wiike Ne 26 Nofeba
KOI 26 NOFEBA ME WIIKE CILI
Nyima 62 Me Thith
□ Ini Tusi Hmitrötr Ne La Ekalesia:
fy mek. 9 ¶1-10 (30 men.)
□ Ini Ne Cainöj Qaathei Akötresie:
E Tusi Hmitrötr: Mika 1-7 (10 men.)
N. 1: Mika 3:1–12 (Tha tro kö a sasaithe la 4 men.)
N. 2: Nemene La Ka Amamane Ka Hape Ame La Paradraiso Hna Qaja Ngöne Luka 23:43, Tre Paradraiso e Celë Fen?—rs g. 277 ¶2–g. 278 ¶2 (5 men.)
N. 3: Kepine Matre Easa Atre Ka Hape, Iehova La Atre Drenge La Itre Thithi Së—1 Ioane 5:14 (5 men.)
□ Icasikeu Ne La Huliwa:
5 men: Ngöne La Kola Inine La Tusi Hmitrötr Memine La Itre Atr Ngöne La Pane Mecixeni Ne Diseba. Xome jë la itre hnepe mekune ngöne la götrane 4, nge amamane jë la aqane troa nyiqaane ini Tusi Hmitrötr memine la itre atr ngöne la pane mecixeni ne Diseba. Ithuecatrene jë la itre trejine asë troa xome la huliwa celë.
10 men: Thatraqane La Pë Ewekë La Munëne i Angatr. Cainöje hna troa cile fë hnene la ketre qatre thup, nge hna nyi trepene hnene La Tour de Garde ne 15 Nofeba 2012, götrane 8-9.
15 men: “The Cile Hnö Kö, Ngacama Tru La Itre Huliwa Nyine Tro Sa Kuca.” Troa ce ithanatan. Hnyinge jë kowe la ketre trejine ka tru huliwan, ngo ka xomiujine pe la ketre ini Tusi Hmitrötr.
Nyima 73 Me Thith