Aqane Troa Maca Ngöne La Hna Cainöj —Hnëkëne Jë La Iwai Hmaca

Enyipiewekën: Ame la easa öhne la atr ka pi porotrikë Tusi Hmitrötr, pi tro hmaca së lai a bëeke koi angeic troa fie la itine la nyipici hne së hna jum. (1 Kor. 3:6) Ngo hetre nyine tro sa kuca, la easa xötrei iöhnyi me angeic. Nue angeic pë hë së, nge ase hë së pane hnying. Ame ngöne la ijine iwai hmaca, easë hi lai a sa lo hnying, nge e hna sa lai hnying hnene la sine itus hne së hna liine koi angeic, ma canga saqe i angeice hi lai troa e. Maine tro sa hnëkë tune la, tro hi lai a canga hetre aja së troa wange hmaca lai atr, ke hetre nyine tro sa porotrikën. Ame hë la easa bëeke koi angeic, easë hë a qaja la aliene la traqa hmaca së.

Aqane Troa Kuca:

Ame la epuni a hnëkë ne cainöj ngöne itre hnalapa trootro, hnëkëne ju fe la hnying nyine tro epuni a sa e kola iwai hmaca. Maine ka loi koi epun, eköthe ju hi lai hnyinge hna sa hnene lai zonal hnei epuni hna tro fë, maine hnene la ketre itusi së pena, hna kuca göi troa ini Tusi Hmitrötr.
Qëmekene tro epuni a isa ije, nge maine ka pi porotrike lai atr, isa pui jë me angeic koi ketre ijin, göi troa sa lo hnying. Ame ngöne la itre xa nöj, cile hnö la itre atr la easa qeje isa pui me angatr. Maine ka tui angeice lai, qaja ju hi ka hape: “Epuni hi e celë hnalapa ngöne la traeme ka tune enehila? [Nue pi troa sa.] Nga ame e wiike hnapin, maine epuni hi e celë, tro so a pane ce wange la hnyinge celë . . . Ngo maine hetre jole i epun, thuemacanyi ni jë.”
Maine ase hë epuni isa pui memine lai atrekë hnalapan, eatrëne jë hë. (Mat. 5:37) Qëmekene tro mina a isa ije, hnëkëne hmaca jë la ketre iwai hmaca.

Tupathe Ju Ngöne La Treu Celë:

Ame la kola hnëkë cainöje trootro, hnëkëne ju fe lo hnyinge nyine troa sa e kola iwai hmaca. Hane ju fe qaja la hnyinge cili kowe lai sine tronge i epun.