Aqane Troa Maca Ngöne La Hna Cainöj—Nyipiewekë Nyudreni Ju

Enyipiewekën: Atre hi Iesu ekö ka hape, isapengöne kö la itre atr, matre, hnei nyidrëti hna wang atrunyi angatr isa ala cas. Drenge hi Iesu ngöne la ketre ijin ka hape, troa hmahma hnene la ka sim, e tro nyidrëti a fe la lue hnangenyë angeic qëmekene la itre atr. Nyidrëti pë hë a xom ananyi angeice pi. (Mar. 7:31-35) Tha hnei nyidrëti kö hna aca tro hamëne la itre ini kowe la itretre drei nyidrë, ke atre kö nyidrëti la hnei angatr hna atreine troa kapa. (Ioane 16:12) Iesu hë e hnengödrai, ngo nyidrëti pala hi a mekune la itre atr. (2 Tim. 4:17) Easa pi nyitipu Keriso, ke itretre drei nyidrëti easë. (1 Pet. 2:21; 1 Ioane 3:16, 18) Hetre thangane ju kö la huliwa së, e hne së hna nyipiewekëne la atr, me wangatrehmekune la pengö i angeic, me itre aja me itre hnei angeic hna hnehengazon. Nge tro hë angeice lai a pi drei së, e tro angeic a öhn ka hape, easa meku angeic ngo tha easë hmekuje kö a tro fë itus.

Aqane Troa Kuca:

Troa hnëkë hnyawa. Troa dredrehnyima me ewekë hnyawa, nge loi e troa ithanata amenyikeny.
Troa atreine goe. Hetre nyimo i ha nekönatre kö? Ka pi tra feja kö, maine axö öni pena lai atr? ka hmi kö? Nge e cili, wange ju la itre pane ithanata nyine troa qaja koi angeic.
Hnyingëne jë la mekuna i angeic, nge drenge hnyawa ju hë, nge the thupatëne kö la ithanata i angeic. Amamane jë ka hape, epuni a drei angeic. Olene jë koi angeic la hna hane qeje mekun, nge maine kola qaja aloinyi angeic, ke loi e troa mama ka hape, ka qa kuhu hni. The isi ithanata kö.
Maine ketre mekune kö la hna pi porotrikëne hnene lai atr, porotrikëne ju me angeic. Pëkö ejolen, ke nöjei pengöne mekune la hna qatrenge hnene la itre tarak, me itre boroshür, me itre zonale së. Maine epuni a traqa koi angeic nge ka trene jol, tha tro kö a lapa aqeany.

Tupathe Ju Ngöne La Treu Celë:

Ame ngöne la ijine hmi hnene la hnepe lapa, maine e kuhu hna cainöje pena, inine ju memine la sine tronge i epun la aqane troa saze la itre ithanata, thenge la hna pi porotrikëne hnene la atrene la hnalapa.
Ame la kola icasikeu qëmekene troa cainöje trootro, tro la trejin ka xomiujine la icasikeu a ithanatane maine amamane la aqane troa nyipiewekëne la atr hna cainöje kow.