Xatuane Jë La Hnepe Lapa i Epun Matre Tha Tro Kö a Thëthëhmi Iehova

Hna upi Ieremia troa thuemacanyine la angetre Iudra ka hape, kola troa apatrenyi angatr pine laka hnei angatr hna thëthëhmi Iehova, lo Akötresi angatr. (Ieremia 13:25) Pine nemene matre kola nanazije la lapaune ne la nöj? Pine laka, nanazije hë la lapaune ne la itre hnepe lapa i angetre Isaraela. Ame lo itre hene la hnepe lapa ne la angetre Isaraela, tre, tha hnei angatre kö hna xötrethenge la itre hna amekötine hnei Iehova ngöne Deuteronomi 6:​5-7.

Maine ka catre la lapaune ne la itre hnepe lapa, haawe, tro fe lai a acatrene la itre ekalesia së enehila. Ijije hi tro la itre hene la hnepe lapa a catre xatuane la itre atrene la hnepe lapa i angatr, jëne la ketre porogaram ne Hmi Ne Hnepe Lapa hna eköthe hnyawa me hna eatrën pala hi, matre tha tro kö angatr a thëthëhmi Iehova. (Salamo 22:27) Thupene la hna goeëne la video hna hape, “Tro Ha Eje e Kuhu Hni ’ö La Nöjei Tenge Ewekë Celë”​—Hna Ithanatane Memine La Ketre Hnepe Lapa, xome jë la itre hnyinge celë:

• Nemene la ka xatuane la itre xa hnepe lapa troa atreine cile kowe la itre jole ka traqa kowe la itre xan, thatraqane la hmi ne hnepe lapa?

• Nemene la itre xa manathithi hna troa kapa e hna eatrëne pala hi la porogaram ne la Hmi Ne Hnepe Lapa?

• Ame la kola troa kuca la hmi ne hnepe lapa, nemene la itre jol hnenge hna cile kow, nge nemene la aqane tro ni a kuca matre cile kowe itre ej?