Lapa Treqene Jë Me Xomihni

Ije macatre ne treqene epuni la Baselaia i Akötresie? Epuni kö xomihni, ngacama jol? (Ro 8:25) Ame itre xa keresiano, kola methinë angatr, me lepi angatr, me akalabusi angatr, me humuthi angatre fe. Nge, ame itre xan, hna tith hnei itre sine mec, me qatre trootro.

Nemene la ka troa xatua së troa xomihnine la itre jol? Loi e tro sa acatrene la lapaune së jëne la hna e Tusi Hmitrötr o drai, me mekun ajuin la hne së hna e. Ketre, loi e tro sa wangatrune la mejiune së. (2Ko 4:16-18; He 12:2) Loi e tro sa xëwe koi Iehova, me sipo Nyidrëti la ixatua jëne la uati hmitrötr. (Lu 11:10, 13; He 5:7) Tro la Keme së ka ihnim a xatua së troa “xomi hni me xomi hni ahoeanyi memine la madin.”—Kol 1:11.

GOEËNE JË LA VIDEO LOI E TRO SA “NYENYAPE FË LA XOMI HNINE”—ISINE JË TROA KAPA LA EDRÖ, NGE SA JË CAHU ITRE HNYING:

• 

  Nemene la itre “ijine memine la ewekë ka xulu” ngöne la mele së? (Cai 9:11)

• 

  Nemene la ixatua ne la thith la easa cil kowe la itre jol?

• 

  Maine thatreine hë së huliwa koi Iehova tune ekö, pine nemene matre loi e tro sa wangatrune la itre hne së hna atreine kuca?

• 

  Pine nemene matre, ka xecie koi së tro sa kapa lai edrö?