Itre Nekötrahmany Me Jajiny—Fe Pi La Hni Epun Kowe La Kem Me Thine i Epun

Pine nemene matre, loi e tro eö a fe la hni eö koi kaka me nenë? (Ed 23:26) Ke hnëqa i nyidro qaathei Iehova troa thupë eö me ini eö. (Sa 127:3, 4) Thatreine kö nyidro eatrëne la hnëqa i nyidro, e tro eö a juetrëne la itre jol ka traqa koi eö me itre mekun hnei eö hna lapa fë. Tru catr la itre ini nyine tro eö a kapa qaathei nyidro. Hapeu, tro kö eö a qaja asë koi nyidro? Waea. Ngo thupëne kö, tha tro kö a mele thoi koi nyidro.—Ed 3:32.

Tune kaa la aqane tro eö a ithanata kowe la kem me thine i eö? Iëne jë la ijine ka loi koi eö me koi nyidro. Maine thatreine kö eö ithanata koi nyidro, cinyanyi tusi jë kowe la ketre e nyidro. Nge, tune kaa e nyidro a pi ithanatane me eö la ketre ewekë hnei eö hna xele ma porotrikën? Ame la aja i nyidro, ke troa xatua eö. Ame nyidro ke, tha ithupëjia kö me eö. Maine tro palahi eö a fe la hni eö koi nyidro, tro eö a kepe thangane ngöne la mele i eö enehila me elany!—Ed 4:10-12.

GOEËNE JË LA VIDEO HNA HAPE, NEKÖTRAHMANY ME JAJINY—TRO NI A ITHANATA TUNE KAA KOI KAKA ME NENË? NGE SA JË CAHU ITRE HNYING:

• 

  Nemene la hna qaja hnei Esther me Partik?

• 

  Nemene la ini hnei eö hna xome qa ngöne la tulu Iesu?

• 

  Tune kaa la aqane amamane la kem me thine i eö laka, nyidroti a hnimi eö?

• 

  Nemene la itre trepene meköt ka troa xatua eö troa ithanata kowe la kem me thine i eö?