Ijine Kola Troa Apatrene La Imethinë!
Maine jë, atreine hi së troa thipetrije la imethinë qa kuhu hni së. Ngo thatreine kö së troa saze la itre mekun me itre aqane ujë i itre xan. Nyimutre la itre atr hna qanangazon maine methinëne hnei itre xan. Ngo drei la ka troa apatrene la imethinë qa la fen?
Iehova Akötresieti hmekuje hi la ka atreine troa apatrene la imethinë. Celë hi lai hnei Nyidrëti hna thingehnaean e hnine la Tusi Hmitrötr.—Ite Edomë 20:22.
TRO AKÖTRESIE A APATRENE LA QAANE LA IMETHINË
1. SATANA DIABOLO. Satana hi la qaane la imethinë e celë fen. Tro Akötresieti a apatrenyi Satana memine la itre ka imethinë tui angeic.—Salamo 37:38; Roma 16:20.
2. FENE KA NGAZO I SATANA. Tro Akötresieti a apatrene la nöjei ewekë ka ngazo qa la fen, tune la itre he ne politik me hene ne hmi ka upe la itre atr troa imethinë. Nyidrëti fe a troa apatrene la itre ka salem, itre ka huliwa thoi me pi aja mo me atrekënö—2 Peteru 3:13.
3. ITRE ATR KA THA PEXEJE KÖ. Öni Tusi Hmitrötr ka hape, itre atr ka tha pexeje kö së, matre hetrenyi the së la itre mekun me itre aja ka ngazo. (Roma 5:12) Celë hi matre, easa kuca la itre ewekë ka ngazo me methinë itre xan. Ame pe, tro Akötresie a xatuane la itre atr troa saze uti hë la angatr a pexej, me xatua angatr troa thipetrije la imethinë uti epine palua.—Isaia 54:13.
ÖNI TUSI HMITRÖTR KA HAPETROA PAATRE LA IMETHINË QA LA FEN
1. PAATRE HË LA ITRE HULIWA KA THA MEKÖTI KÖ. Tro la Baselaia i Akötresie a musi e celë fen. Nge ej a troa cile huti epine palua e hnengödrai. (Daniela 2:44) Tha tro hmaca kö a ixelemawai me iwangatrehmekunyi atr. Tro Akötresieti a apatrene la nöjei ewekë ka tha meköti kö qa la fen.—Luka 18:7.
2. TRO LA NÖJEI ATR A MELE TINGETING. Tha tro hmaca kö la itre atr a akötr pine la ihumuth me isi. (Salamo 46:9) Tro ha lolo la ihnadro, nge itre ka ihnim me thele tingeting hmekuje hi la ka troa lapan ej.—Salamo 72:7.
3. TRO LA ITRE ATR A MELE KA LOI UTI HË EPINE PALUA. Tro la itre atr a hnime la itre ka lapa easenyi angatr. (Mataio 22:39) Tha tro hmaca kö angatr a mekun lo itre ewekë ka akötrëne la mele i angatr. (Isaia 65:17) Pine laka, pëhë imethinë, tro la itre atr “a madine la tingetinge atraqat.”—Salamo 37:11.
Hapeu, aja i epuni kö troa mel ngöne la fene cili? Nyimutre la itre atr ka inine troa thipetrije la imethinë, me trongëne la itre trepene meköti ne la Tusi Hmitrötr. (Salamo 37:8) Celë hi lai hna kuca hnene la itre milio lao Temoë Iehova e cailo fen. Ngacama isa nöje i angatr, me qene hlapa, me aqane mel, ngo angatr a caasi me ihnim.—Isaia 2:2-4.
Tru la madrinene la itre Temoë Iehova troa ini epuni la aqane kuca angatr, matre thipetrije la imethinë. Tro hë epuni a nyihnane la imethinë hnene la ihnim. Tro fe epuni a atre la aqane troa loi hni me hnimi itre xan, ngacama itre ka iakötrë me imethinë. E cili, tro hë epuni a madrin, nge tro ha lolo la aqane imelekeu i epuni me itre xan. Ngo ame la ka sisitria ke, tro hë epuni a atre la nyine troa kuca matre mele fene la musi ne la Baselaia i Akötresie, lo ka troa apatrene palua la imethinë.—Salamo 37:29.