Lapa Mekune Jë La Itre Ini Ka Tru

Hna hane fe traqa koi eö troa thëthëhmine la hnei eö hna hnyipi inin? Hna traqa lai koi së asë. Nemene la nyine tro sa kuca? Loi e tro sa wang hmaca la itre ini ka tru.

Ame la eö a ini Tus, ke pane cile ju matre öhne hmaca la itre ini ka tru. Eje hi lai hnei Paulo hna ithuecatr kowe la itre trejin, la angeic a hape: “Hane hi la mekune ka tru.” (Heb. 8:1) Angeice hi lai a xatua angatr troa trotrohnine la mekuna i angeic, memine la aqane ce tro la itre mekun hnei angeic hna qaja.

Thupene la eö a ini Tus, xomi ijine jë maine 10 lao menetr, troa lapa mekun la itre ini ka tru hnei eö hna wang. Maine thëthëhmine hë eö ke, pane goeëne ju la itre tane mekun ka co, maine itre pane trengewekë ne la itre paragarafe. Maine hnei eö hna öhne la ketre ini ka hnyipixe, ke thele jë troa qejepengön. Maine tro eö a lapa mekun la itre ini ka tru, ke tro ha hmaloi koi eö troa mekun hmaca e ketre drai. Tro fe lai a xatua eö troa trongën ngöne la mele i eö.