MEKENE 56
Loi e Tro Palahi a Cas e Hnine La Ekalesia
Casi hi la mekuna së memine lo hna qaja hnei Dravita joxu ka hape: “Lolopi hë me sheminge pi hë la kola ce lapa la ange tejin!” (Salamo 133:1) Hne së isa ala cas hna isin, matre tro palahi a hetrenyi la cas e hnine la ekalesia.
1. Nemene la ewekë ka ketrepengöne ngöne la nöje i Akötresie?
Maine tro epuni a sine la ketre icasikeu ngöne la ketre nöj, tha trenyiwa kö epun kowe la itre trejin. Hnauën? Ke casi hi la itre itus hnei easë hna huliwan matre troa inine la Tusi Hmitrötr. Ketre, drenge hi së la ihnimi ne la itre trejine me easë e cili. Ngacama isa nöje së ju hë, ngo easa ce “hëne la [ëje] i Iehova, me nyi hlue i nyidë hnene la hni ka cas.”—Zefania 3:9.
2. Nemene la aqane tro epuni a acatrene la casi ne la ekalesia?
“Catre jë ihnimikeu qa kuhu hni.” (1 Peteru 1:22) Tro epuni a trongëne tune kaa la mekune celë? Thele jë la itre thiina ka lolo ne la itre xan, ngo tha ene kö la itre tria i angatr. Imajemikeu jë memine la itre xaa trejine ne la itre xaa ekalesia, me ngöne la itre xaa nöj. Isine jë troa saze la aqane goeëne epun la itre xan.—E jë la 1 Peteru 2:17.a
3. Tune kaa e ka isazikeu la mekuna i epun memine la itre xaa keresiano?
Ngacama ka casi së, ngo ame pe itre atr ka ngazo së. Hne së fe hna tria me qaja la itre trengewekë ka akötrëne la itre xan. Öni Tusi Hmitrötr: “The mano kö nyipunie . . . inualoinekeun.” Eje fe a qaja ka hape: “Loi e tro fe nyipunieti a nyitipune la aqane nue Iehova la itre ngazo i nyipunie.” (E jë la Kolose 3:13.) Hne së palahi hna akötrë Iehova e nöjei drai, ame pe, Nyidrëti a nue la itre ngazo së. Celë hi matre Nyidrëti a ajan tro sa nue la ngazo ne la itre xan. Nge maine kola akötrë së hnene la ketre trejin, loi e tro sa canga iloi me angeic.—E jë la Mataio 5:23, 24.b
TROA CE ITHANATAN
Tro sa ce wang la itre aqane tro sa acatrene la casi së me tingeting e hnine la ekalesia.
Nemene la aqane tro epuni a iloi memine la ketre trejin?
4. Wangatrune jë la nöjei pengöne atr
Aja së troa hnim la itre trejine me easë. Ngo tha ka hmaloi kö tro sa ce mel memine la itre atr ka isapengöne kö me easë. Nemene la ka troa xatua së? E jë la Itre Huliwa 10:34, 35, nge ce ithanatane jë cahu itre hnying:
Aja i Iehova tro la nöjei pengöne atr a thili koi Nyidrë. Nge ame epuni ke, nemene la aqane tro epuni a goeëne la itre xaa atr?
Tro kö epuni a xele ma wang la itre xaa atr ngacama tha ceitu i angatre kö me epun?
E jë la 2 Korinito 6:11-13, nge ce ithanatane jë cahu hnying:
Tro epuni a amamane tune kaa ka hape, ka tru koi epun la itre trejin ka xulu qa ngöne la itre xaa nöj?
5. Inualoinekeune jë, nge thele jë la tingeting
Ame Iehova, tha hnei Nyidrëti kö hna hane ngazo koi së, ngo ame pe Nyidrëti a nue la itre ngazo së. E jë la Salamo 86:5, nge ce ithanatane jë cahu itre hnying:
Thenge la xötr, nemene la hne së hna atre göi Iehova?
Pine nemene matre, ka madrine catre epun la Iehova a nue la itre tria i epun?
Ngöne nemene ijine laka, tha ka hmaloi kö troa nue la ngazo ne la itre xan?
Tune kaa la aqane tro sa nyitipu Iehova, matre tro sa cas memine la itre trejin? E jë la Ite Edomë 19:11, nge ce ithanatane jë cahu hnying:
Maine kola akötrë epun hnene la ketre atr, nemene la nyine tro epuni a kuca matre troa tingeting?
Ame itre xaa ijin, easa akötrëne la itre xan. Matre nemene la nyine tro sa kuca? Goeëne jë la VIDEO, nge ce ithanatane jë cahu hnying:
Nemene la hna kuca hnene la trejine föe matre iloi memine la ketre trejin ne la ekalesia?
6. Thele jë la itre thiina ka loi thene la itre trejin
Ame la easa ce mele memine la itre trejin, easa öhne la itre thiina i angatr ka loi maine ka ngazo. Nemene la ka troa xatua së troa goeëne la itre thiina ka loi ne la itre trejin? Goeëne jë la VIDEO, nge ce ithanatane jë cahu hnying:
Nemene la ka troa xatua epun troa goeëne la itre thiina ka loi thene la itre trejin?
Iehova a goeëne la itre thiina së ka lolo. E jë la 2 Aqane lapa ite Joxu 16:9a, nge ce ithanatane jë cahu hnying:
Tune kaa epun la epuni a atre ka hape, Iehova a goeëne la itre thiina i epuni ka lolo?
Ame la diamant ke, hna xome qa ngöne etë, nge ka tru thupene catr. Ka ceitu hi lai memine la itre trejine ne la ekalesia. Tha ka pexeje kö angatr, ngo ka tru angatr koi Iehova
HNE SË HNA MAJEMINE DRENG: “Tro ni a nue la tria i angeic, e tro angeic a pane qeje menu koi ni.”
Hnauëne laka, tro sa nue la tria ne la itre xan?
HANE HI LA HNE SË HNA CE WANG
Tro epuni a acatrene la casi ne la ekalesia, e tro epuni a nue la tria ne la itre xan, me amamane la ihnimi epun kowe la itre trejin.
Nyine Amekunën
Tro epuni a wangatrune tune kaa la nöjei pengöne atr?
Nemene la nyine tro epuni a canga kuca, e tha itrotrohni kö epun memine la ketre keresiano?
Hnauëne la epuni a ajane troa nyitipu Iehova göi troa nu la tria i itre xan?
ITRE XAA NYINE WANG
Ketre ceitune hnei Iesu hna hamëne matre tha tro kö sa waigelene la itre xan.
Tro kö sa qeje menu ngacama tha easë kö la ka tria?
“Les excuses contribuent à la paix” (Ita Ne Thup 1 Nofeba 2002)
Casi hë la lue ka imethinë göi hane ngönetrei.
Troa canga iloi tune kaa matre tha tro kö a thë la casi ne la ekalesia?
a Kola qejepengöne ngöne la Ithuemacanyi 6 laka, ame la keresiano ka hnim la itre trejin ke, angeic a thupëne matre tha tro kö a xötre la meci angeic koi angatr.
b Kola qejepengöne ngöne la Ithuemacanyi 7 la aqane troa inualoinekeun e traqa ju la jole göi salem, me iutisai.