XÖTREI IÖHNY
INI 2
Ithanata Hnyawa Ju
Trepene meköt: ‘Ame la trengewekë hna qaja ngöne la nyipi ijin, tre nyipi loi!’—It. Ed. 15:23.
Tulu i Filipo
1. Goeëne jë la VIDEO, maine e jë la Itre Huliwa 8:30, 31. Nge mekune ju cahu itre hnying:
Tune kaa la aqane nyiqane Filipo la porotrik?
Ngacama ketre mekun ka hnyipixe la hnei Filipo hna troa ithanatan memine la Eunuka, pine nemen matre easa qaja ka hape, hmaloi hi la aqane nyiqane angeice la ithanata?
Ini Nyine Troa Hnehen
2. Maine easa ajan tro la atr a pi porotrik me easë, loi e tro easa ithanata koi angeic tune la aqane porotrike së e nöjei drai.
Aqane Troa Nyitipu Filipo
3. Goeëne jë xötreithi eö. Jëne la iqëmekene la atr, memine la aqane ujë i angeic, canga tro hi a mama koi së ka hape, hetre aja i angeice troa porotrik. Ee angeice jë kowe la Tusi Hmitrötr, nge hnyinge jë ka hape, “Atre fe hi eö ka hape . . . ?” Nge e tha pi ithanata kö la atr, the iele angeice kö.
4. Loi e troa atreine itreqe. The canga qeje Tusi Hmitrötre kö. Treqene ju la ketre ijin e kola iwai hmaca.
5. Drei angeice ju. Nge maine angeic a ajan troa porotrikëne la ketre mekun, kapa ju, nge ithanatane jë la mekun hnei angeic hna ajan troa porotrikën. The catre fë kö la mekuna i eö.