Aqane Troa Maca Ngöne La Hna Cainöj​—Itre Porotrik Ka Fe Jëne La Maca Ka Loi

Hnene la hnei Iesu hna nyiqaane porotrik memine la föe ne Samaria matre celë hi ka aijijë nyidrë troa cainöj. Nemene la aqane tro sa maca ngöne la easa nyiqaane porotrik memine la trenyiwa?

• Loi e tro sa hnyimahnyima me canga ithanata kowe la itre atr. Ngacama kucakuca catre Iesu, ngo hnei nyidrëti hna thele jëne troa porotrik, me sipo tim. Haawe, ijiji së mina fe troa pane ibozu, thupene lai, thele jë troa porotrikëne la drai, maine itre xa ewekë ju kö. The thëthëhmine kö laka, ame la aja së tre, ene la troa nyiqaane ithanata memine la atr, me thue aja i angeic troa porotrik. Maine tha sa kö la atr, tro jë pena kowe la ketre atr. Sipo Iehova jë la trengecatre ka ijij.—Ne 2:4; Hu 4:29.

• Loi troa thele la itre ijine ka loi matre troa qaja la maca ka loi, ngo the canga sesë kö. Loi e troa eköth hnyawane la porotrik utihë la traqa kowe la hne së hna ajan. Maine tro sa canga tro kowe la hne së hna ajan ke, tro hë lai atr a xou me thupatëne la porotrik. The hnehengazone kö e canga fenesi hi la porotrike i epon, nge pë ju kö ijine troa qaja la maca ka loi. Maine jole koi epun troa qeje maca ka loi kowe la atr hnei epun hna iöhny memin, thele jë tro hi a porotrik, ngo tha göi cainöje kö. [Elone jë me ce ithanatane jë la video 1.]

• Kuca jë matre troa hetre ijine troa qejepengöne la lapaune i epun, nge tro lai a thue aja kowe la atr troa hnying. Celë hi hna kuca hnei Iesu. Hnei nyidrë hna qaja la itre mekune ka thue aja kowe la föe troa hnying. Thupene la nyidrëti a qaja la maca ka loi, hnei nyidrëti hna sa la itre hnying i eahlo. [Elone jë me ce ithanatane jë la video 2 me la video 3.]