XÖTREI IÖHNY
INI 3
Troa Ithanata Me Ujë Cememine La Thiina Ka Menyik
Trepene meköt: “Ame la ihnim, tre . . . ka menyik.”—1 Kor. 13:4.
Tulu i Iesu
1. Goeëne jë la VIDEO, maine e jë la Ioane 9:1-7. Nge mekune ju cahu itre hnying:
Hnei Iesu hna nyiqane tune kaa? Hna canga qaja la maca ka lolo kowe la atr? Maine hna pane aloinyi angeic?—Wange ju la Ioane 9:35-38.
Pine nemene matre ka loi la aqane nyiqane ithanata Iesu e celë?
Ini Nyine Troa Hnehen
2. Tro la atr a drei eö, e tro eö a nyipiewekë angeic.
Aqane Troa Nyitipu Iesu
3. Thele jë troa trotrohnine la mekuna ne la atr.
Nemene la mekun hnei angeic hna hnehengazon, me ka nyipiewekë koi angeic, me hnei angeic hna ajan? Tro angeice lai a pi porotrike me eö, ke hnei eö hna trotrohni angeic.
Nge maine tro eö a drenge hnyawane lai atr, eö hi lai a amamane ka hape, ka tru angeice koi eö. The saze mekune kö e angeic a qaja koi eö la hnei angeic hna hnehengazon.
4. Ithanata jë cememine la metrötre me menyik. Jëne la nine aqane ithanata i eö, canga tro hi a mama kowe la atr la thiina me aja i eö troa xatua angeic. Iëne hnyawa ju la itre hnaewekë, nge thupëne kö la aqane troa qaja, matre tha tro kö a akötrë angeic.
5. Xatua angeice jë e hetre hnei angeice hna ajan. Tro hë angeice lai a pi porotrike me eö, ke hnei eö hna nyipiewekë angeic.