IWAI HMACA
INI 9
Troa Trotrohnine La Itre Xan
Trepene meköt: “Ce madrine jë memine la itre ka madrin, nge ce treije jë memine la itre ka treij.”—Roma 12:15.
Tulu i Iesu
1. Goeëne jë la VIDEO, maine e jë la Mareko 6:30-34. Nge mekune ju cahu itre hnying:
Pine nemen matre hnei Iesu memine la itretre dreng hna pane tro kowe la “gaa pë atr”?
Nemene la ka uku Iesu troa inine la itre atr?
Ini Nyine Troa Hnehen
2. Trotrohnine ju la itre xan. Amamane jë ka hape, ame la ka nyipiewekë koi eö ke itre atr, ngo tha ene hmekuje kö la itre hnei eö hna troa qaja.
Aqane Troa Nyitipu Iesu
3. Drenge hnyawa ju la hnei angeic hna troa qaja. The thupatëne kö la angeic a ithanata. Ame la angeic a qaja la mele i angeic, me itre aliene hni i angeic, tro angeice lai a madrin, ke trotrohnine hi angeic ka hape, ka nyipiewekë angeice koi eö.
4. Mekune jë la hna melën hnene la atr. Ame la eö a mekune hmaca lo itre porotrike i epon, pane hnyinge jë ka hape:
‘Pine nemen matre ka loi la tro angeic a atre la nyipici?’
‘Nemene la eloine koi angeic enehila me elany, e tro angeic a inine la Tusi Hmitrötr?’
5. Ithanatane jë me angeic la ketre mekun ka ihmeku memine la aja i angeic. Canga qaja jë koi angeice ka hape, tro la ini Tus a sa la itre hnyinge i angeic, me amamai angeice la itre xaa mekun ka troa xatua angeic.