XÖTREI IÖHNY
INI 5
Troa Thupëne La Aqane Troa Ithanata
Trepene meköt: “Loi e tro pala hi la itre trengewekë i nyipunie a menyik.”—Kol. 4:6.
Tulu i Paulo
1. Goeëne jë la VIDEO, maine e jë la Itre Huliwa 17:22, 23. Nge mekune ju cahu itre hnying:
Nemene la mekuna i Paulo la angeic a goeëne la aqane hmi ne la angetre Athenai?—Wange ju la Itre Huliwa 17:16.
Pine nemene matre ijije hi tro sa qaja ka hape, hnei Paulo hna thupëne la aqane ithanata i angeic?
Ini Nyine Troa Hnehen
2. Maine eö a ajane tro la atr a drei eö, pane mekune hnyawa ju la itre nyine tro eö a qaja, memine la ijin me aqane tro eö a qaja.
Aqane Troa Nyitipu Paulo
3. Iëne hnyawa jë la itre hnaewekë. Maine eö a ithanata memine la ketre atr ka tha lapaune kö koi Iesu, loi e tro eö a thupëne la aqane tro eö a qaja la Tusi Hmitrötr, me qeje Iesu koi angeic.
4. Maine angeic a qaja la ketre mekun ka tria, the canga thele kö troa ameköti angeic. Ngacama tha ka ihmeku kö la hnei angeic hna qaja memine la Tusi Hmitrötr, ngo nue angeice pi troa ithanata. (Iako. 1:19) Ame la eö a drei angeic, tro hë eö a atre angeice hnyawa, memine la itre ini hnei angeice hna kapa. —It. Ed. 20:5.
5. Drenge ju la hnei angeice hna qaja, nge qaja aloinyi angeice jë. Maine jë, ka nyipiewekë koi angeice la itre ini hnei angeice hna kapa. Thele jë la aqane tro eö a xatua angeice troa kapa la itre ini hna qaja hnei Tusi Hmitrötr.