XÖTREI IÖHNY
INI 6
The Xou Kö Troa Ithanata
Trepene meköt: “Jëne Akötresie, tha xou huni kö troa ithanata, matre tro fë koi nyipunie la maca ka loi.”—1 Thes. 2:2.
Tulu i Iesu
1. Goeëne jë la VIDEO, maine e jë la Luka 19:1-7. Nge mekune ju cahu itre hnying:
Pine nemene matre xele kö la itre atr ma wai Zakaio?
Ngo nemene la ka upi Iesu troa ithanata koi angeic?
Ini Nyine Troa Hnehen
2. Tha ka hmaloi kö troa cainöjëne la maca ka loi ne la Baselaia kowe la nöjei pengöne atr.
Aqane Troa Nyitipu Iesu
3. Mejiune ju koi Iehova. Hna aegöcatrenyi Iesu hnene la uati hmitrötr, nge tro fe lai a aegöcatrenyi eö. (Mat. 10:19, 20; Luka 4:18) Sipo Iehova jë troa xatua eö matre tha tro kö eö a xou troa cainöje kowe la nöjei pengöne atr, uti fe hë la itre atr hnei eö hna mekune ka hape, tha tro kö angatr a drenge la maca ka loi.—It. Hu. 4:29.
4. The goeëne kö la pengö i angatr, me aqane mele i angatr, me hmi i angatr, memine la itre göhnë hna acili angatre ngön, wanga tro eö a xou troa ithanata koi angatr. The thëthëhmine kö ka hape:
Iehova me Iesu la ka öhne la itre hni i angatr, ngo tha eö kö.
Pine laka ka ihnim Iehova, Nyidrëti a ea la nöjei pengöne atr.
5. Catre pi, nge hmeke kö, nge thupëne kö la aqane troa ithanata. (Mat. 10:16) The isi ithanata kö. Maine xele kö la atr ma drei eö, maine kola thele iwesitrë me eö, nue angeice pi.—It. Ed. 17:14.