Ahmaloeëne Ju Hi La Aqane Hamë Ini

Tulu i Iesu

VIDEO: Hnei Iesu Hna Qaja La Ihnimi i Iehova Jëne La Ketre Ceitun

1. Goeëne jë la VIDEO, maine e jë la Mataio 6:25-27. Nge mekune ju cahu itre hnying:

1. Nemene la ceitun hnei Iesu hna xom matre troa amamane ka hape, ka tru easë koi Akötresie?

2. Atre hnyawa hi Iesu la pengöne la itre waco, ngo nemene hi, la mekun ka hmaloi hnei nyidrëti hna xom? Pine nemene matre, ka hetre thangane la aqane hamë ini cili?

Ini Nyine Troa Hnehen

2. Ahmaloeëne jë la aqane hamë ini matre tro la atr a canga trotrohnin, nge troa ketr la hni i angeic.

Aqane Troa Nyitipu Iesu

3. Qaja ju hi la ka ijij. The qaja asë kö la hnei eö hna atre. Lapa ju hi ngöne la itre mekun nyine inin. Ame la eö a hnyinge kowe la ka ini Tus, nue ijine i angeice pi troa sa. E thatre kö angeic, nge maine tha ka ihmeku kö la hnei angeic hna sa memine la Tusi Hmitrötr, hnyinge jë kö matre troa iuji angeic. E trotrohnine hë angeice la mekun ka tru, tro jë hë koi ketre mekun.

4. Pane ce wange hmaca ju me angeice lo itre mekun hnei angeice hë hna atre. Tune la, qëmekene troa ce wang me angeice la ini göi melehmaca, pane ce wange hmaca ju me angeice la hnei angeice hna inine hë göne la pengöne la itre ka mec.

5. Iëne hnyawa jë la itre ceitun. Qëmekene troa xome la ketre ceitun, pane hnyinge jë:

1. ‘Ka hmaloi hi?’

2. ‘Tro kö la ka ini a canga trotrohnin?’

3. ‘Nemene la hnei angeic hna troa lapa mekun, kolo ini ka tru, maine kolo ceitun?’