Kola Sa Hnei Tusi Hmitrötr
Ka ixatua kö la itre angela?
Angela la ka xatua Daniela ekö, nge itre angela fe a xatuane la itre atr troa atre la maca ka loi enehila
Patre petre kö la atr la Iehova Akötresieti ekö a xup la itre milio lae angela. (Iobu 38:4, 7) Itre u lai ka huliwa koi Nyidrë. Jole i angatr la troa eatrongën, me thupëne la itre hlue i Nyidrë e celë fen. (Salamo 91:10, 11) Ame enehila, itre angela a xatuane la itre atr troa atre la maca ka loi hna tro fë hnene la itretre drei Iesu.—E jë la Hna Amamane 14:6, 7.
Tro kö sa thithi kowe la itre angela troa sipo ixatua? Ohea. Ame la thith, tre ketre aqane hmi koi Akötresie, nge Nyidrëti hmekuj la nyine troa thithi kow. (Hna Amamane 19:10) Pine laka, itre hlue i Akötresieti la itre angela, Nyidrëti hmekuj la nyine tro angatr a dreng, ngo tha easë fe kö. Celë hi matre Akötresieti casi hi la hne së hna troa thithi kow, jëne Iesu.—E jë la Salamo 103:20, 21; Mataio 26:53.
Hetre angela kö ka ngazo?
Hetrenyi thene la itre angela la atreine troa ië ewekë, ka ceitu me itre atr. Ngazo pe, hnei itre xane pë hë hna icilekeu me Akötresie. (2 Peteru 2:4) Pa i Satana hi, nge thupene lai, itre xa angela fe, ene pe itre dremoni jë hi angatr. Ase hë ce helë Satana memine la itre dremoni angeic qa hnengödrai kowe la fen.—E jë la Hna Amamane 12:7-9.
Elë nyimenyime jë hi la nöjei pengöne ewekë ka ngazo qaane lo macatre 1914, ke easenyi hë tro Akötresieti a apatrenyi Satana me itre dremoni. Nge thupene lai, tro Nyidrëti a ahnyipixen hmaca la fen tune ekö ngöne la qaan.—E jë la Hna Amamane 12:12; 21:3, 4.