Huliwaane Jë La Itre Xaa Itusi Jëne La Itre Tarak
1 Ngöne la nöjei zonale asë hna cinyihane enehila, ke La Tour de Garde hmekuje hi me Réveillez-vous! la lue zonale ka nyipi xatuane la itre atr trene mekune ka loi troa öhne me xötrëne la gojenyi ne mel. Ngöne la treu eipereme me mei, ke loi e tro së a catre xatuane la itre atre trene aja, troa hni kowe la Baselaia i Akötresie, nge tro së a amamane koi angatre la itre zonale hne së hna xötrei kapa maine ca boroshüre pena qa ngöne lo itre boroshüre i Sasaiatri. Ame itre xane ke, tha mama palakö la aja ngöne la xötrei. Qangöne lai, tro së a pane ithahnatane la casi maine lue mekune qa hnine la ca tarak; nge maine öhne së laka, angatre a ajane troa ithahnata me easë, ke, nyijëne ju la itre tarak troa amamane la ketre zonale maine ketre boroshüre hna troa trofë trongën.
2 Qaja jë epuni ka hape:
◼ “Nyipici laka, ngöne la fene hnengödrai enehila ke, nyimutre la itre jol, ngo pëpe nyin. Hapeu, atre fe hi epuni laka, easë la a melëne la hna thingehnaeane hë ekö hnei Tusi Hmitrötr?” Thupene lai, fe pi la tarak Le monde actuel survivra-t-il? Nge amamane jë la itre götrane 4 me 5 nge ithahnatane ju lai itre xaa ejolene hna cinyihan.
3 Maine epuni a troa trofë la La Tour de Garde ne 1 eiperem, nge epuni a öhne laka kola drei epuni hnyawa hnene lai atr la epuni a e lai tarak, ke, amamane ju lo lai hna cinyihane kola hape: “Suivons la lumière du monde” nge qeje pengöne ju la aqane tro Iesu a apatrene asë, la itre jole me akötre ne la atr. Thupene lai, hamëne ju lai zonale nge isapui ju matre bëeke hmaca ngöne la ketre ijine ka ijije troa ithahnatane la itre xaa mekun.
4 Tuneka lo “Réveillez-vous!” ne 8 eiperem xötrethengene ju lai aqane nyiqane ithahnata ne paragarafe 2 ne la hna cinyihane celë nge qaja ju ka hape:
◼ “Tha mejiune hmaca kö la itre atr kowe la itre hmi me itre ka mus, pine laka thatreine kö itre eje troa hamëne la nyine apatrene la itre jole me hace ne la nöjei atr, celë hi matre angatre a ujë pi kowe la itre Inamacanene la fen.” E jë la mekune ka ijije ngöne la hna cinyihan “La science résoudra-t-elle les problèmes du XXI e siècle?” Eje hi laka troa ketre ixatua atraqatre la hna cinyihane celë kowe la itre thöth, lo itre ka ini petre kö.
5 Maine epuni a troa trofë trongëne lo boroshüre “Voici” ke huliwaane jë la nöjei pengöne troa amaman:
◼ “Nyimutre la itre atr ka hnyingë së la pengöne la atr e thupene la mec. Itre xane a qaja ka hape easë a tro hnengödraië maine ngöne ifereno; ame itre xan, ke, nango luelu. Ngo eje hi laka kola sesëkötre hnei itre xane la hna sa hnei Tusi Hmitrötr, nge angatre a madrine me lapaune atraqatr.” Ithahnatane ju la itre xaa mekune qa hnine lo tarak Quel espoir y a-t-il pour nos chers disparus? Thupene lai, e öhne epuni laka kola drei epuni hnyawa hnene lai atr, ke, ce wange ju la götrane 16 me 17 ne lai boroshür.
6 Ketre, maine ka xötrei cainöje trootro epuni ke, nyipici laka tro epuni a ajane la aqane cainöje ka hmaloi. Hnauëne laka tha xome atrune kö epuni lo tarak Le monde actuel survivra-t-il? me xötrethenge la itre hna qaja ngöne caha paragarafe 2?
7 Ketre götraneqa ka tru la troa tröfë la ithuemacanyi ne mele kowe la itre atr, ngöne la itre hnalapa i angatr. Ngöne la easë a thele la ‘itre hna aijijëne.’ loi e tro së a huliwaane hnyawane la itre tarak, matre troa amamane la itre xaa itusi matre xatuane palahi la aja ne la itre atr. — Mat. 10:13.