Aqane Iwai Hmaca, Ka Tha Jole Kö Nge Ka Hetre Thangan
1 Hapeu, epuni kö a lapa hane iwai hmaca, maine epuni pena a öhne laka, nango jole pine laka thatre kö la nyine troa qaja? The meijëne kö me xou. Köni ewekë nyine troa kuca matre troa hetre thangan: 1) troa hnëkë hnyawa; 2) troa atreine ithahnatane la casi maine lue mekune qa hnine la itre xaa ixatua ka tha jole kö, ngöne la Tusi Hmitrötr; nge 3) troa ipië me drengatrune la mekune ne lai atr.
2 Nyipi ewekë troa iëne la ketre mekune ka ijije ngöne la epuni a hnëkë troa iwai hmaca, matre ithahnatane memine lo lai atr. Tuneka, ase kö epuni hnyinge lo epuni a tro trije lai atr ngöne la hnapane iwai, maine ajane pena angeice troa ithahnatane la ketre mekune ka caas? Wange hmaca ju la itre not, nge huliwane jë la itusi Comment raisonner me xome la mekune hnei epuni hna troa ithahnatane matre hetre thangane la kola troa iwai hmaca. Ketre nyipi ewekë tro epuni a metrötre me ipië la epuni a troa hëne lai atr. Hëne jë la ëjei angeic.
3 Maine hnei epuni hna amë la La Tour de Garde me Réveillez-vous! ke bëeke hmaca jë troa ithahnatane la casi maine lue mekune ka tha jole kö hnei epuni hna troa iën, qa hnine lo lai ketre zonal. Nge maine hnei epuni hna amë la ketre tarake ngöne lo xötrei iöhny, ke, ithahnatane ju ej, maine ce wange ju fe la ketre mekune ka ijije me ka ihmeku, qa hnine la ketre zonale maine boroshür.
4 Maine hne së pe hna hamëne la tarak “Quel espoir y a-t-il pour nos chers disparus?” tupathe ju troa pane qaja ka hape:
◼ “Thupene lo hnei nyiso hna porotrik, ke, hnenge hna hamë nyipëti lo tarak ‘Quel espoir y a-t-il pour nos chers disparus?’, nge ngöne la hnakönine paragaraf, ke, hetre itre hnyinge ka nyipi ewekë thatraqai së kola hape: ‘Hnauëne laka kola meci la nöjei atr? Angatre hë eka lo itre ka meci hë? Hapeu xecie kö koi së laka, tro hmaca angatre a mel?’ Hna sa la itre hnyinge cili ngöne lo tane hna cinyihane ka hape: ‘La mort et ce qui se passe aprés la mort’. Hetrenyi theng, la tarake cili. Nge hane fe la hna qaja ngöne la hna’afoane paragaraf.” Ce wange ju lai paragarafe nge e jë koi angeice lai lue mekene tus, thupene lai, ke, hnyingë angeice ju la hnei angeice hna mekun. Hnangenyëne hnyawane ju la hnei angeice hna qaja, nge ce ithahnatane ju lai mekun.
5 Ngöne la kola ce ithahnata, ke, tro lai atr a qaja la itre xaa mekune ka tria. Ngo tha tro kö së a wangatrune asë la itre ewekë ka nyimutre hnei angeice hna qaja maine isi ithahnata pena. Loi pe troa ce ithahnatane lo lai topik. Nge ngöne la ketre ijine kola troa iwai hmaca, ke, troa amekötine la itre mekune i angeice ka tha ihmeku kö memine la Tusi Hmitrötr.
6 Celë hi matre loi e tro palahi së a, xatuane hnyawa la itre atr ka ajane troa atre la Wesi ula, hnene la troa kuca la itre aqane iwai hmaca ka tha jole kö me ka hetre thangan, e treu eiperem.