Atreine Kö Epuni Troa Kuca?

¹ Ma tro epuni a hnyingëne ka hape: ‘Troa kuca la nemen?’. Itre Edromë 3:27 a sa ka hape: “The cipane kö la loi e atre kë ewekën, e atrein’eö troa kuca.” Hapeu, “eje kö ngöne ihnatrapaime i epuni” la troa catre cainöje me troa pionie ka ixatua maine pionie huti pena? Hapeu ijiji epuni kö troa kuca lai?

² Atraqatre la madrine së troa atre jëne la Annuaire 1993 laka, hetre 140 lao ka pionie hut, me pionie ka ixatua e Kaledonia, celë hi matre ngöne la 9 lao atre cainöj, ke, 1 la ka lapa pionie hë; matre kola öhne laka 17 lao ka xötrei hane xome la huliwa ne pionie ka ixatua lo macatre hnapan.

³ Ame la troa xome la huliwa ne pionie ka ixatua, ke, celë hi ketre aqane troa kuca la loi kowe la itre xan. Celë hi matre kola elë la itre ka pionie ka ixatua lo macatre hnapan, 184 la etrun. Ketre ithuemacanyi lai ka sisitria. Ketre nyimutre la itretre cainöje ka thele la nöjei jëne troa xome palahi la huliwa ne pionie ngöne la macatre.

⁴ Nyipi ewekë tro epuni a pane wang’atrehmekune hnyawa la sipu aja i epuni me aliene la hni epun, matre atre epuni la ka ijij “troa kuca” maine ka tha ijije pena (Mat. 22:​37-39). Itre Huliwa 20:35 a qaja ka hape: “Sisitria la manathithi e troa hame hune la troa kapa.” Nyipici laka, ame la itre atr ka sath’atrune la iwanakoimei angatre ngöne la götrane ne la ua, ke, nyipi aja lai. Qangöne lai nyipi ewekë la aja cili, e epuni a mekune troa ketre atre cainöj, maine ketre pionie ka atrein.

⁵ Ketre, loi e tro fe epuni a mekune hnyawa la aqane mele i epuni enehila. Hapeu, ijije kö tro epuni a pane wange la itre ewekë hna melëne ngöne la drai, matre atreine troa huliwa huti koi Iehova? Eje hi laka tha ijiji easë asë kö. Ngo kola wang’atrehmekune laka, nöjei macatre, ke, itre thauzane pala hi a öhne la aqane troa “kuca lai”, thupene la hnei angatre hna isa mekune hnyawa ngöne la thith.” (Kol. 4:5; w78 1/7 pp. 9, 10.) Celë hi matre, itre fami a iëne la itre treu ka ijije koi angatre maine kowe la fami asë, troa xome la huliwa ne pionie ka ixatua. Itre xaa fami a xatuane la casi qa thei angatr ka pionie hut. Hapeu, hane kö la fami epuni wang’atrune me hane kapa lai aqane kuca cili? — Wange ju la Itre Edromë 11:⁠25.

⁶ Eje hi laka, ketre madrine atraqatre la troa xatuane la itre xane troa atre la nyipici; nge nyidroti asë, atre cainöje maine pionie a troa kapa la manathithi cili. Atre asë hi së laka, ame la nyipi madrin, ke, eje ngöne la troa kuca la loi koi itre xan ‘e maine eje ngöne la ihnatrapaime i epuni troa kuca lai.’