La Tour de Garde Me Réveillez-vous! — Itre Zonale Ne Trofë La Nyipici
1 Ngöne la La Tour de Garde ne 1 januare, 1994, götrane 22, ke, kola amekunë së laka ame la itre zonale së, ke, kola hamëne “la itre taane ka xatuane la itre atr troa cile kowe la itre akötre enehila, nge hetre thangane ka loi kowe la mele ne la itre atr.” Easë a kapa madrine la enyipiewekëne itr’ej, matre aja së fe troa hamën’atrune kowe la itre atr. Ngöne la treu eiperem me mei, ke, kola trofë trongëne la lue zonale cili, La Tour de Garde me Réveillez-vous!
2 Ame la cainöje trootro ngöne itre hnalapa, ke, ijine ka ijije hi lai troa hamëne la itre zonal. Ijije fe troa hamën’itr’eje ngöne la kola cainöje e nöjei ijine memine lo kola iwaihmaca. Ame la kola cainöje trootro e cahu gojenyi maine ngöne la itre hnë huliwa, ke, itre jëne tro lai a aelëne la etrune la itre zonale hne së hna troa hamën.
3 Itre taane mekune nyine troa ithahnataan: Ngöne la La Tour de Garde ne 1 eiperem, kola qejepengöne lo mekune lo hna hape “Un monde meilleur: n’est-ce qu’un rêve?” Ame la itre mekune celë, ka casi hi itr’eje memine la aliene la zonal, ene la troa ithuemacanyine la Baselaia i Akötresie. Ame la hnaluene mekun, ke, kola amamane la aqane tro la paradraiso ka epine palua a cile huti fene la musi Iesu Keriso. — Luka 23:43.
4 “Où trouver des conseils dignes de confiance?,” celëhi hnyinge hna sa me hna qejepengöne ngöne la La Tour de Garde ne 15 eiperem. Ame la itre numero ne mei, ke, kola qaja amamane la mekune cili ngöne la itre taane lo hna hape “La religion comble-t-elle vos besoins?” me “Pourquoi lire la Bible?” Tha tro kö a jole e tro së a nyiqaane la porotrike memine la itre atr ka mekune laka pëkö aliene la mele i angatre me pëkö mejiune i angatr.
5 Aqane tro së a elëne la etrune la itre zonale hne së hna hamën: Ngöne la La Tour de Garde ne 1 januare, ke, kola amamane la foa lao aqane tro së a aelëne la etrune la itre zonale hne së hna troa hamën. 1) Eje a xatua së matre atreine palahi së hmekëne la itre mekune qa hnine la itre zonal. Ngöne la easë a e itr’ej, ke, loi e tro palahi së a mekune la itre taane mekune ka ihmeku memine la ajane la itre atr ngöne la teritoare së. Ejehi laka, maine hne së hna majemine troxome trongëne la itre zonal, ke, ijije tro së a hamëne kowe la itre sine ce huliwa së, itre ka lapa ezi së, itre ka ini me itre sine ini së, memine lo itre ka troa itö.
6 Kola amekunë së fe hnene la taane 2) laka loi e tha jole kö kowe la itre atr troa trotrohnine la itre ithahnata së. Hawe, iëne jë la ketre mekun, nge qaja jë ngöne la sipu aqane ewekë i epun. Maine hnene la atr hna kapa la zonal, ke, ijije tro pë hë ej’a sipu ithahnata kowe lai atr maine kowe la itre xaa ka lapa e cili.
7 Ketre, loi e 3) tro së a atreine hamëne kowe la atr la itre ithahnata hmeku i angeic. Celëhi matre loi e troa nyimu taane hne së hna hnëkëne matre hetre mekune së nyine troa ithahnataane memine la itre thöth, memine la itre trahmany, me itre föe.
8 Nge, 4) loi mina fe tro së a aeatrëne la etrune la itre zonale hne së hna sipu ajane troa traqa kow, göi tro së a hamëne trongën. Ngacama thatreine kö la ekalesia troa athipe la etrune la itre zonale nyine tro la nöjei ka cainöje trootro troa hamëne trongën, loi pe ijiji së isa alacasi troa axeciëne la etrune la itre zonale nyine tro së a hamën. Ame ecili, Troa xatua së matre hetre madrine së troa trofë la itre zonal. Maine tro së a axeciëne la etrune la itre zonale nyine tro së a itön, ke, loi e tro së a thelejëne troa hamën’asë itr’ej.
9 Ame la aja së, ke, tro la itre xan’a hane atrepengöne la Baselaia i Akötresie. Loi e tro së a xome qa hnine la itre zonale la nöjei ixatua ka ijije thatraqane la tro së a cainöjëne la maca ka loi ne la Baselaia. — Mata. 10:7.