Kola Sa La Itre Hnyinge i Nyipunie

◼ Nemene la nyine tro la seketere a kuca ngöne la kola traqa hnene la ketre pionie lapa ngöne la ekalesia?

Tro la seketere a thuemacanyi Sasaiatri, jëne lo pepa ne rapore ne la ekalesia (S-1), troa apexejene lo itre hna cinyihane e hutrö ne la rapor. Nge tro fe nyidrë a iöhnyine memine lo seketere ne la ekalesia hna tro qa ngön hnene lai pionie, me hnyingë nyidrëti la nöjei rapore ne huliwa ne lai atre cainöje (S-21), ke, eje thei nyidrë, memine la ca tusi nyine ithuemacanyi qa thene la komite ne huliwa ne cainöj.

Ame la pionie ka xötrei traqa ngöne la nöje ka ketre pengöne koi angeic, ke, troa traqa koi angeic, e itre xaa ijin, la itre hnepe jole göi aqane troa lapa e cili, maine göi aqane troa cainöj. Hawe, ka nyipiewekë catre tro itre qatre thup’a hamëne la ixatua matre ijiji angeice troa majemi hnyawa.

Nyine iamekunë: Tro la seketere a hamëne hmekuje hi kowe la itre pionie ka traqa qa ngöne la ketre götrane ne Kaledoni, maine Tas, la ca karte ka hnyipixe (S-202) ne atrepengöi angeice me nyine amamane la ekalesia hnei angeice hna troa huliwa ngön. E kola paatre la karte ne la itre pionie, maine pena hna saze la eje thupene la hna ikötresai maine sei hnacil, maine pena kola traqa qa ngöne la ketre nöje hna thupëne hnene la ketre filial, ke, ijije troa kapa la karte ka hnyipixe qa thene la Sasaiatri, ngo tha qa thene kö la seketere. Tro lai trejine maine pena lai pionie a cinyihane koi Sasaiatri, matre qaja la pengöi angeice me troa sipo karte ka hnyipixe.