Itre Hna Amekötin Matre Troa Xatua Së Troa Thipetrije La Madra

Tro la seketere a canga hnëkë matre troa hetrenyi asë hnene la itre trejin la itre pepa hna hape: Instructions médicales/Attestation prévisionnelle, le Document d’identité médical. Thupene la icasikeu, troa hamën kowe la itre trejin la isa caa kart, nge ame koi itre trene nekönatr ka co hna thaa bapataisone petre kö, tre troa kapa la pepa hna hape Document d’identité médical.

Qëmekene troa siji hatren la kart, loi e troa xecie hnyawa laka ase hë nyialiene asë ej. Loi e troa siji hatren hnene la atrekë karten, la ëje ne la itre ka troa anyipicin memine la ijine kola nyialien; maine ijij, tre troa ce wang memine la itre qatre thup. Tro la itretre thupëne la Ini Tus a kuca la ketre lis ne la itre atren la gurupe i angatr, matre troa wange hnyawa maine ase hë xatuane asë la itre trejin troa nyialien la pepa, Instructions médicales/Attestation prévisionnelle.

Tro hë angatr a hane xatuane fe la itre ka paatre kö, ngöne la ijine Icasikeu Ne La Huliwa ka troa xulu; ketre matre thaa tro kö a thëthëhmine la ketre e angatr, ngo loi e tro asë hi la itretre cainöj hna bapataisone hë a isa hetrenyi la itre kart hna nyialiene hnyawa ha. (Wange hmaca ju la tusi hna iupi fë hnei Sasaiatri lo 5 nofeba 1997.)

Tro la itretre cainöj hna thaa bapataisone petre kö a cinyihan la itre sipu ithuemacany thatraqai angatre kö memine la itre nekö i angatr; tro angatr a cinyanyi hmekune la itre mekune ngöne lo lai kart ngo thenge pe la mele i angatr me itre hnei angatr hna sipu mejiune kow.