MELE NE KERESIANO
Hnëkë Jë Qëmekene Troa Lö e Pital
Pine nemene matre nyipiewekë tro epuni a hnëkë? Pine laka, kola asesëkötrë së hnene la itre mec, maine itre aksida. Celë hi matre nyipiewekë tro sa canga hnëkë enehila. E traqa ju la ketre jol elany, ke atreine hi së nyinyine hnyawane la meci së. Ame la epuni a ujë tun, ke epuni hi lai a metrötrëne la mel memine la wathebo i Iehova göi madra.—Hu 15:28, 29.
Nemene la aqane tro epuni a hnëkë?
Thupene la hna thith, nyialiene jë la carte DPA.a Tro la itre ka bapataiso a sipone kowe la itre ka cilëne la itre itus, la carte DPA koi angatr memine la Carte d’identité (ic) kowe la itre nekö i angatr ka tha 18 palakö lao macatre
Maine epuni a upune, sipone jë kowe la itre qatre thup la pepa Informations pour les femmes enceintes (S-401). Tro la pepa cili a xatua epun troa axecië mekune hnyawa ngöne la kola traqa la itre jol qaane lo epuni a upune utihë la kola hnaho
Maine troa xöji epun me xomi madra, maine cipa epuni pena e pital ke, canga ithuemacanyine jë la itre qatre thup memine fe la itre droketre laka, epuni a ajane tro la ketre atrene la CLH a wai epun
Tro la itre qatre thup a xatua epun tune kaa? Ijije hi tro angatr a xatua epun troa nyialiene la pepa i epun göi madra (carte DPA). Ame pe, tha qa i angatr kö troa axecië mekun koi epun me qaja la mekuna i angatr ngöne la itre götrane laka, isa qanyi së kö. (Ro 14:12; Ga 6:5) Ame la epuni a ithuemacanyine la itre qatre thup laka, troa huliwane la madra ngöne la kola xöji epun ke, tro angatre lai a canga hëne la CLH koi epun.
Tune kaa la aqane tro la CLH a xatua epun? Tro la itre atrene la CLH a xatuane la itre droketre memine la itre ka huliwa ngöne la hnakootr troa trotrohnine la mekuna së göi madra. Tro angatr a ce ithanatane memine la itre droketre la itre xaa aqane troa nyinyine la itre meci së, ngo tha tro kö a xomi madra. Maine pena, tro angatr a thele la ketre droketre ka kapa la mekuna së göi madra.
GOEËNE JË LA VIDEO HNA HAPE, AQANE TRO SA AXECIË MEKUN GÖI MADRA, NGE SA JË CAHU HNYING:
Nemene la aqane tro sa hnëkë e traqa ju upi së troa xomi madra?
a Tro la mekene 39 ne la itus Gojenyi Kowe La Nyipi Mel! a xatua epun troa axecië mekune hnyawa göne la aqane troa huliwane la madra.