Porogarame Ne La Asabele Ne Sirkoskripsio Ka Hnyipixe
1 Ame la taane hna troa qejepengöne ngöne la asabele ne sirkoskripsio, ke, kola hape “Hmeke jë, cile huti jë, catre jë.” Hna eköthe hune la itre ithuecatre i Paulo aposetolo kowe lo itre pane keresiano, hna cinyihane ngöne 1 Korinito 16:13.
2 Tro la porogarame a pane amamane ka hape nyipiewekë catre tro palahi së a ketre sipu wai pengö së kö ngöne la götrane ne ua. Nyipiewekë tro palahi së a lapa qale koi Iehova memine la organizasio i nyidrë e celë fen, matre xeci e kuhu hni së la troa trongëne la ka meköt, ngöne la itre drai hnapin, kola hape enehila. (2 Tim. 3:1) Loi tro palahi së mekune ka hape Iehova a kapa madrine la hne së hna huliwa catr. Easë a ajane troa kapa la ini ngöne la nöjei götrane matre aloine la itre thina së, thina ne keresiano me tro palahi a thupëne la aqane ujë së ka amamai tulu ka loi.
3 Tro fe a amamane hnyawaane la enyipiewekëne la troa catre inine la itre atr, ngo tro fe a kökötre ngöne la ua, me ajane la itre xaa hnëqa. Hetre itre ixatua hna troa hamëne göne la aqane tro la isa alacasi memine la fami a thupëne la ketre porogarame ka huti ne la ua, jëne la itre cainöj, me itre iamacany, me itre mekune hna ce ithahnataan.
4 Ame mecixen, ke, tro la itretre thele bapataiso a amamane ka hape angatr’a nue la mele i angatre koi Iehova me xomi bapataiso. Thupene lai, ame sabath, ke, easë asë a ajane troa sine la cainöje koi nöjei atr, kola hape “Hapeu, nemene la pengöi epuni qëmekei Iehova?”
5 Troa nyipune la porogarame memine la ketre ithuecatre troa catre ngöne la lapaun, me ce mele me itre trejine me easë ngöne la ihnimi me tingeting. Ketre ijine ka ijije la asabele ne sirkoskripsio hnei Iehova hna hamë së matre tro së a ‘imekunekeune mate troa aciane la ihnimi me ite huliwa ka loi.’ (Heb. 10:24, 25) Hnëkëne jë matre troa sine la porogarame ne la lue drai ka pexej.